قصائد مكتوبة | الشاعر انيس الخفاجي | مدرسة الصادق عليه السلام

قاعدة ادرسناهة وكت المدرسة

ولسه احفظه واذكره درس الامس

"""""""""

الكل فعل لازم اله ردة فعل

نفسه بالمقدار بس يمشي عكس

""""""""

وبس كبرت انه اختلف بية الشعور

چن غلط هالقاعدة مو صح احس..!

"""""""""" 

العشگ يعني فعل ومنه اكيد

تنعكس ردة فعل حسب الدرس..!

"""""""" 

واعشگ انه الصادق واهلة الكرام

بس نفس رد الفعل ما ينعكس ؟

""""""""""

نفسه بالمقدار ابداً مو صحيح

زاد اضعاف انغرس بينة غرس

"""""""" 

يمشي عكسه..لا چذب هذا الحجي

صرنة نمشي وياه چن ظل الشمس

""""""

حبنه للصادق اذا انيوتن يشوف

راح يعرف حچيه ما يسوه فلس

""""""""

جعفر الصادق انه احمل رايته

وانة بالعز منه اسمي مقتبس

""""""""

مدرسه الصادق تِعلِمنه الدروس

علم وجود ومعرفة وعزة نفس

"""""""

ياامامي وياهيامي وياغرامي ويامرامي

يا دعائي الحاجتي المنه التمس

"""""""" 

يا طُهُر مخلوق من اطهر نُطَف

من طُهِر الله خلقكم مو رجس

""""""""" 

انته من حيدر علي وبت الرسول

يعني اصلك واضح وما بي لبس

"""""""" 

انته نور الباري واللي يبغضك

چن يخلي بالعسل سم ويدس

""""""""" 

وسفه والله اللي مثلكم ينولي

بين ذبح ونايبة وسم وحبس

""""""""" 

انته من اشرف سلالة اعله الارض

وما يكرهك الا بن حيض ونجس

قصائد مكتوبة - الشاعر سعد مطلوب الخفاجي - عيد الغدير

(( شمس دنياي ))

ياعلي بحُبّـك صــــرت وتصوّرت

وبد ما فديوم بالدنيــــــــــــه حرت

شـوگك إِبكلبي سكن من الأصلاب

وعلمـــــاني دروس بيها أنه كبرت

يالودادك وســــــــــــط دلالي سره

وعله جنحين الولايـــه إِبعز طرت

عشت عُمري وياك ماشـفت الظلام

لأن بعيون العقيــــــده أنه بصرت

يالهواك إِيصـــول بفكاري ويجول

هيمــــــاني وبدرب عشگك سرت

إِنتـــــــــه آيات السِحر لقراها دوم

وابــــــــــد ما فديوم عنها إِتأخّرت

ياشمس دنيــــــــــاي يالمالك مثيل

إِبّحرك الصافي يبو حسين إِبحرت

يمن اســــــــمك دوّه للطايح عليل

وبوســـــــــط كلب اليودّك ثمّرت

ياعلي قريت الشـرع ويّه الأصول

وشــفتك إِلكل معضله إِنته اقهرت

آدم بيـــــــــــــوم الطلب من الأله

المغفــــــره نادك تشفعله حضرت

نوح من صار بوسط شـدّة الموج

صــــــاح وين المرتضه متعذرت

موسى جان إِبچفّه إِعظم معجزات

ونتــــه معجزتك إِبيت الله صرت

عيسى رد البصر في ذاك الزمان

ونتــــه رديت الشمس بس إِشّرت

البـــاري بالقرآن خصّك مكرمات

وبسْــــــور فرقانه كلها إِتصدّرت

آيت التبليغ شـــــــــــــاهد للعيان

فســــروها وبيها إِنته الي ظهرت

بيـــــــوم رب الكون ناده بالغدير

يامحمد بلّغ إِنــــــــــــــه القررت

علي من بعدك صُبـــح الهم امير

واجب الطاعه وآله بكُتبي شرت

لون مابلّغت ياطـــــــــه الخطاب

چنّك الهاي الرســـــــاله منشرت

ياعلي بوصفك انه شــرايد اگول

وحــگ رب الكون بيك إِتحيّرت

تبقه ديني اومذهبي لگطع الوريد

اوبيك كل شــــدّه يكرار إِعبرت

************

خادم آل البيت (ع)

سعد مطلوب الخفاجي

مجلة 

الرواديد و الشعراء

قصائد مكتوبة - الشاعر سعد مطلوب الخفاجي - مولد الامام الرضا عليه السلام

ياطير الفرح خل روحي تمشي وياك

مشـــــــــــــتاگه تزور الرضا تترجاك 

مشــــــــــــــتاگه تحج الحضرته ياطير

هدها العشــــگ وبلهفه صُفت تنخاك

يم شـــــــــباچ كبره تريد تسعي اليوم

وتگله يبو محمد صرت بحمـــــــــاك

يســـــــلطان المحبه اوبلسم المجروح

كلبي من الزغر هــــام اوسعد بهواك

عله عتابك إِريد إِگعد وعوف الروح

تحوم إِبمـــــرقدك وي حومة الأفلاك

إِريدنها علگ مشـــــــــــدود بالشباچ

خليها إِســــــــــــيره إِمعلّگه بسـماك

خليهــــــــــا تدور وي الخدمه بالدار

تهني إِبحضـــــرتك كل اللذي والاك

تطش ورد الخمايل فوگ كل الروس

وبصوت الولايه إِتصيـــــــح ياحياك

هله بخطار ثامن عصمة الأطهـــــار

مگضيه الحوايـــــــــج مايرد مسعاك

فاتح بابــــــــــــه للملهوف والحيران

كلمن يگصده إِبحاجـــــــه يگلّه هاك

فرض ربنــا كرامه لأبن حامي الجار

خلاله خــــــــدم جن اوانس واملاك

بالك يالموالي عن طريقـــــــه تحيد

لتغرّك الدنيـــــه وتمشي ويه هواك

بالمحشر اذا حرت وخـذاك الخوف

غير الرضا ياهو اليـــــاخذ إِبيمناك

************

خادم آل البيت (ع)

سعد مطلوب الخفاجي

مجلة

الرواديد و الشعراء

عيد الغدير - الشاعر جابر النجفي

ما أحلــــى إسمــــك ياعلــــي 

ـــــــــــــــــــــــــــــــــــــــــــــــ

علـــــي ما أحلـــــى إسمك ياعلــــي مولاي == يداوي إجروحي من زغري إو يعيش إوياي

مـُتـَيــّم آني وإبحبـّك أظــــــل للدوم == ﻋﺷﮔـتك ياعلي ﻋﺷﮛ الأرض للماي

كـُبر ويـّاي ﻋﺷﮔك ياعلي المهيــــــوب == طفل آني إو ﭽنت أﮔصد إلك مشــّاي

تردّّد ياعلي روحي إبمسيري ليك == تشتـــاﮒ الضريحك سيدي عيناي

كل حاجه الردتها من كرم يمناك == أرد بيها يغالــــــي إو تنملي يمناي

أبد ما قصــرّّت ياملجــــــأ الملهـــــوف == طبيب إنــتَ إو تداوي علتــّّي البحشاي

من أدخل ضريحــــــــك أنظر الشبــّّاﭺ == وشوف أنوار تسطع تضوي كل دنياي

والأيد الكريمه أنـــْظـــُُرلها إتدور == تنطيهـــــا عطيتك للموالي الجاي

يا أحلـــــى ﻋﺷﮛ مافارﮒ الأرواح == من عندك عزيمه آخذ إبمسراي

شلتها إجروحي تنزف ﮔاصد الميـدان == أواجه يا أبو الحسنيين جور إعداي

خوارج كفـــّّّروني إو عيــّّروني بيك == رفعـت السيف أواجه للمجد بنــّّاي

أريد إبغيرتك أتحــزّم إحزاميـــــــــــن == وظل أمشي إبطريقك وإحتمل كل داي

لكن ياعلي غدروني ياكـــــــــــــرار == باعوني إبنذاله إو بس إلك شكواي

ويــّه الداعشي رسموا إخــوّه إو ديــن == إخوتي ﭽنت أظــِِنـْْهــُم واجهوني إبهاي

طعنات الظهر صعبه يبو الشدّات == تعرفهــــــن يحيدر ياعلي الحمــّّاي

لكن صابر آني إو صبري من إحسين == والعبـــــــــــاس نبراسي الأبي اﻠﺴقـّاي

أجاهد ما أعوف الدار للأشــــرار == وطيع المرجعيـــّّه إو همــّّتك ويــّّاي

وإتظل ياعلي محبوبي ما أنساك == دنيــــــه إو آخره ويــــّاك يامولاي

نـــزل من الله للهــــادي وََحـِي بيك

وصي إنتََ إو علم عالي وَحــََي بيك

غده ديــــــن الهـُدَه ثابت وََحـََي بيك

وإبسيفك فنيــــــــت أهل الرديـــــّّه

الشاعر الحسيني 

جابر النجفي 

مجلة

الرواديد و الشعراء

قصائد مكتوبة - الشاعر انيس الخفاجي - عيد الغدير

فرحانة فرحانة شيعة علي فرحانة 

فرحانة فرحانة شيعتنة فرحانة

عيدك علي هاليوم مبتهجة دنيانة 

************

طلع البدر علينا-- من ثنيات الغدير 

وجب الشكر علينا--حيدر صار الامير 

ايها المبعوث فينا--جئت بالخطب الكبير 

جئت برهانا مبينا--حيدر بعد البشير 

برهانة برهانة حامي الحمى برهانة

برهانة برهانة للهادي برهانة 

************

هكذا الصوت تردد--ها انا طه الامين 

نادى في الناس وانشد- اسمعوا القول المبين 

من يواليني ليشهد--من امير المؤمنين 

ياتي من بعد محمد--حيدر هذا اليقين 

بلسانة بلسانة طه النبي بلسانة 

بلسانة بلسانة اعلنهة بلسانة 

************

ورسول الله ادرى --يعلم الغيب البعيد 

بعلي قال جهرا -- قوله قول سديد

هذا خير الناس طرا-- وله الله يريد

عن هوى لا يحكي امرا -يوحى من رب مجيد 

سبحانة سبحانة رادة لعلي سبحانة 

سبحانة سبحانة ذو القدرة سبحانة 

***********

لا فتى بالكون الا--حيدر بين الملا 

هل اتى قول تجلى--فيه نص انزلا

وسما الدين تعلى--وبه قد اكملا 

بغدير الخير هلا--شع اكوان العلا 

اكوانة اكوانة رب البشر اكوانة 

اكوانة اكوانة شع ضيهة اكوانة 

************

في كتاب الله يظهر--سر تتويج الامام

اقرا المعنى تدبر--فيه مفهوم الكلام

في سنا الايات اصدر--امره رب الانام 

لا وليا غير حيدر-فهو دستور السلام 

ميزانة ميزانة حيدر صبح ميزانة 

ميزانة ميزانة للباري ميزانة 

************

بغدير الحق ارسى--طه للدين الاصول 

وارتضى للناس نفسا--نفسه ذات الرسول 

وولي الله امسى--حيدر فحل الفحول 

في السما قد شع شمسا-ايقضت كل العقول 

مولانة مولانة نادى المحب مولانة 

مولانة مولانة بس انتة مولانة

الشاعر الحسيني 

أنيس الخفاجي الكربلائي

مجلة

الرواديد و الشعراء

قصائد مكتوبة - الشاعر انيس الخفاجي مولد الإمام الرضا {ع} مجلة الرواديد و الشعراء

بجواره بجواره الرضا ريت بجواره

يمن گربك سعاده كياني كله ناده

"""""""""""""""""""""

احلفك بالله يلزاير وصية 

امانة للرضا اتوصّل تحية

واريد العيني ولگلبي سوية 

اخذهن لو رحت صوغة وهدية

زياره زياره يريت احضه بزياره

المحب ذايب وداده كياني كله ناده

"""""""""""""""""""""

يزاير لو ردت مشهد تسافر 

اوصيك ابوصيّة گلبه حاير

اذا رحت الرضا وشفت المناير 

تدعيلي بدعا الحاجة يزاير

المناره المناره لوّن شفت المناره

توسل بالعباده كياني كله ناده

"""""""""""""""""""""

ردت يالرايح المشهد تزوره 

الرضا عن حالتي ترسمله صوره

توصف لهفتي وگلبي وشعوره 

وتخبره خادمك توفي نذوره

اشاره اشاره ردت منه اشاره

اليگصده يسر فؤاده كياني كله ناده

"""""""""""""""""""""

اغمض عيوني وافتحهة تمنيت 

اشاهد گُبِته گدامي ياريت

يزاير عالدرب دليني اذا جيت 

اريد اوصل حبيبي ياما تانيت

نهاره نهاره المحب ليله ونهاره

الرضا بيه اعتقاده كياني كله ناده

"""""""""""""""""""""

بجوارك ريت انه يا سر الاسرار 

وادگ بابك اجي كل ساعه خطار

واظل ابحضرتك ليلية ونهار 

العمر يمك حله يا شمس الانوار

تجاره تجاره يمن حبك تجاره

اكملت بيك الشهاده كياني كله ناده

""""""""""""""""""""

عليه حن الگلب يسألني عنه

يگلي للرضا يمته انتعنه

نطب الحضرته گلبي تمنه

زيارة للرضا يا رب سألنه

سهاره سهاره اله عيوني سهاره

الرضا دلالي راده كياني كله ناده

مجلة 

الرواديد و الشعراء