قصائد مكتوبة | عبد الزراق اليساري | هاليوم .. ضلعي بالباب أنكسرر

هاليوم .. ضلعي بالباب أنكسر

هاليوم .. خالوا ابمتني أثــــــر

ضلعي ياذيني .. او دمعتي ابعينـــــــي

هاليوم .. خلوا ابمتني أثــــــر 

ــــــــــــــــــــــــــــــــــــــــــــــ

حين انفرضت الاحكام العلي المرتضى حيدر

يحمي هالرساله يكون او يحمل غيض هالعسكر

او سيفه ما يجرد دوم او يحبس نفسه يتصبر

وجلمات .. يسمع اتفسر الصخر

وجلمات .. جانت اوابشع صور

الواجب الديني .. او دمعتي ابعينـــــــي

هاليوم .. خلوا ابمتني أثــــــر

ــــــــــــــــــــــــــــــــــــــــــــــ

من غاب النبي المختار عكبه أشعملت الاشرار

عله الزهره العزيز الشان وأخذو حيدر الكـــــرار

وهجموا عكبه اعله الدار ورادو يشعلوها ابنـــار

ويلاه .. موقفه الحيدر صعــــب

ويلاه .. موجرها نار الكلـــــــب

ضاعة اسنيني .. او دمعتي ابعينـــــــي

هاليوم .. خلوا ابمتني أثــــــر

ــــــــــــــــــــــــــــــــــــــــــــــ

فاطمة بضعة محمد (ص) ليش كومك مارعوها

ليش نكروها الوصيتك وتالي من حكه غصبوها

أشلون ما عدهم حميه باب دارك روعوها

والله .. أبد ما جانت تضن

والله .. بالمصايب تمتحن

منهو يحميني .. او دمعتي ابعينـــــــي

هاليوم .. خلوا ابمتني أثــــــر

ــــــــــــــــــــــــــــــــــــــــــــــ

جور او ظلم يالهادي او شوف الي جره اعليها

من يوم السقيفه الساس أتأسس هالحق بيهــــــــا

يريتك أنت حاضرها او تصد العده ونحميهـــا

عانيت .. وأمست بصعب وضـــــع

عانيت .. وما تنشف منها الدمــــع

الصبر ماذيني .. او دمعتي ابعينـــــــــــــي

هاليوم .. خلوا ابمتني أثــــــــــــــر

ــــــــــــــــــــــــــــــــــــــــــــــ

أريد اشكيلك امصابي وأبينلك سبب نوحـــــــــي

يبويه تدري بيه أشصار يبويه ذوبوا روحـــــــــي

بنار اوتشب بيه نار او دم تتفايض اجروحي

ألاشرار .. ما رعو حرمه او نسب

الاشرار .. حاطوا الدار أبحطب

ناره تجويني .. او دمعتي ابعينـــــــــــــي

هاليوم .. خلوا ابمتني أثــــــــــــــر

ــــــــــــــــــــــــــــــــــــــــــــــ

نواسي زينب ابهاليوم وما تنشف دموع العين

او كلبها شيحمل من آلام او ما هد العزمها البين

او كسر الضلع أشأثر او يمها الحسن ويه احسين

المصاب .. والدمع منها جره

المصاب .. او عكب امه امحيره

يمه حاجيني .. او دمعتي ابعينـــــــــــــي

هاليوم .. خلوا ابمتني أثــــــــــــــر

للشاعر الحسيني 

عبد الرزاق موسى اليساري الكربلائي

مجلة الرواديد و الشعراء 

قصائد مكتوبة | الشاعر السيد عدنان الحمامي (وشلون ترضه ياعلي) استشهاد الزهراء "ع"

وشلون ترضه ياعلي لام الحسن هظموها

ما هيجك كسر الظلع بالباب من عصروها

ـــــــــــــــــــــــــــــــــــــــــــــــــــــــــــــ

يابا الحسن وشصبرك لا ذ ت الزهره ابابك

وشلون داسوا يافحل اهل الرديه اعتابك

ونته الذي بسوح الحرب حتى المنيه اتهابك

وسفه يحيدر فاطمه بوجودك ايبچوها

ـــــــــــــــــــــــــــــــــــــــــــــــــــــــــــــ

بوجودك اتهل الدمع يابا الحسن ترضاها

وما يوم بوجود النبي الزهره بچت عيناها

مو عندك اوديعه النبي ام الحسن خلاها

وشگال گلبك ياعلي من اسمعت ضربوها

ـــــــــــــــــــــــــــــــــــــــــــــــــــــــــــــ

يالبحر جودك مانشف يالتكرم انته الضيفك

چتال ابن ود ياعلي ومرحب شطرته ابسيفك

للزهره ما ندري شعجب ما گمت تاخذ حيفك

وباب البدارك ياعلي اتعاينها من حرگوها

ـــــــــــــــــــــــــــــــــــــــــــــــــــــــــــــ

يابطل صفين الذي جندلت كل فرسانها

ابطال منك تنخرس يعگد الموت السانها

يمجفل اگلوب الكفر تشهد انسها وجانها

بكرابه ظل سيفك صدگ وام الحسن ظلموها

ـــــــــــــــــــــــــــــــــــــــــــــــــــــــــــــ

يا نبا عمه وهل اتى ياطور سيناء وبره

يالچفك ايرد الشمس ياداحي بابه الخيبره

اهتز العرش لم الحسن گلبك مندري شصبره

وتشوفهم لهل الرده بكسر الضلع جازوها

ـــــــــــــــــــــــــــــــــــــــــــــــــــــــــــــ

بگرابه سيفك ظل صدگ ما صاح ماحشم الك

ياعلي سيفك لو رجف بالغمد يندار الفلك

ما واحد ابوجهك وگف چم فارس ابسيفك هلك

متگلي شنهو الصبرك دار فلا هابوها

للشاعر الحسيني 

السيد عدنان الحمامي 

مجلة الرواديد و الشعراء 

قصائد مكتوبة | الشاعر عبد الرزاق اليساري | استشهاد الزهراء "ع"

من يوم الباب طاح اجم شاب ياسيد الكون

كوم او شوف اللي يجره أحسين او حزو نحره

يا سيد الكون

ــــــــــــــــــــــــــــــــــــــــــــ

أشنذكرلك مصايب الدارت اعلينه

من يوم السقيفه اتضل تحز بيـــــنه

او عجيبه تدعي الاسلام وابدينـــــه

او يبو الزهره عزلوا علي واليـــــنه

من هالانذال انصاب الدلال من هاي الكوم

وجروح لليوم اويانه ولا واحد انه يحمانه

يا سيد الكون

ـــــــــــــــــــــــــــــــــــــــــــ

علي اعكبك ضل عينه على الاسلام

او انت تعلم امعين كبل حام وســـــام

خليفه للبشر بعدك على الاقــــــــوام

من رب السمه و بالفخر ضل اوسام

هاي الاحقاد ضلت تنعاد عله الاطهار

بين السم و امغربينه او منها ابدم امخضبينه

يا سيد الكون

ـــــــــــــــــــــــــــــــــــــــــــ

ظلت هالمصايب او نايحه بـــكل دار

من يوم الطفوف و على حسين الصار

مــن كوم أل أمية وبالخيــم شــــبو نار

وضل حسين يومه نذكره ليل انهـــــار

او ظلت لليوم اتنوح المظلوم اعلينه ايدورون

حي جن بالوجود احسين بوسط الكلب وسط العين

يا سيد الكون

ـــــــــــــــــــــــــــــــــــــــــــ

مو بيدي احبه العلي داحي الباب

لا جن كوم اميه ولدت الارهـــاب

تكولنً رافضيه انتم بدون اســـباب

ذبح الشيعي باحت هاي هالانصاب

ماعده علوم بس سفك دموم والطفل ايموت

ذبحو جم شاب وشايب بيهم منهو اليطالـــــب

يا سيد الكون

ـــــــــــــــــــــــــــــــــــــــــــ

هذي هالمصايب امسجله ابمكتوب

على امة محمد اوتروعنه كلـوب

من ضلع الزجيه او الكلب معطوب

وظلت هالنوايب والجبد مصــيوب

يمته الثارات او تطفي الجمرات يا مهدينه

ننتظرك يوم ابيوم وانته عون المظلوم

يا سيد الكون

ـــــــــــــــــــــــــــــــــــــــــــ

النه كوم يغايب خل يشع نورك

الك العيون تربي الساعة ظهورك

و ألك ثارات تاخذه او اخــذ دورك

وابهذي دولتك اواتقــــدم بحــــورك

ويشع الاسلام والعدل يقام اتبان اعلومك

وتصبح كعبه الكل دار او للزهره تاخذ ثار

يا سيد الكون

للشاعر الحسيني

عبد الرزاق موسى اليساري الكربلائي

قصيدة بحق النذل "اجلكم الله" ظافر العاني "اجلكم الله" ..!!

إلى النذل "أجلكم الله" ظافر العاني "أجلكم الله" 

بقلم الشاعر الحسيني الأديب 

#هاشم_السماوي 

#ظافر_العاني 

#السياسين_العراقيين 

#السياسيين_السنة !

مجلة الرواديد و الشعراء

ديوان الشاعر الحسيني حسين الفيصلي - جروح عاشوراء

بعد شهر و عدة أيام يحل علينا ‫#‏شهر_الاحزان‬ ،
‫#‏شهر_محرم‬ الحرام ..
.
لهذه المناسبة نضع بين يدي متابعينا الكرام لاسيما الرواديد الحسينين ،
ديوان الشاعر الحسيني ‫#‏حسين_الفيصلي‬
المعنون بـ -{ جروح عاشوراء }-
كما بإستطاعة الشعراء الحسينيين " أصدقاء المجلة " البدء بإرسال القصائد ،
و نحن بدورنا ننشرها على صفحة المجلة بالفيس بوك ،
و نوثقها في الموقع الألكتروني ذلك حتى تعم الفائدة على الجميع و الأجر عند الحسين عليه السلام .
يمنكم قراءة الديوان او حفظه او طباعة ما تشاؤون منه من على هذا الرابط :
https://drive.google.com/…/0B3Z_aiPRgJffTmNDRlBLTEtHZHc/view
‫#‏قصائد_مكتوبة‬
‫#‏خدام_الحسين‬
‫#‏الرواديد‬ ‫#‏الشعراء‬
‫#‏ياحسين‬ ‫#‏لبيك_ياحسين‬
مجلة الرواديد و الشعراء

قصائد مكتوبة | الشاعر حسين الفيصلي | إستشهاد امير المؤمنين علي عليه السلام

عالهزل دمع النواظر ما نشف ** روحـــي محتارة وأعاين للنجف

يا مــــلاذ الينولـي ** بصوت اصيحاً يا علي

روحي محتارة وأعاين للنجف

ـــــــــــــــــــــــــــــــــــــــــ بويه رتك يمي حاضــر تنظـر الحالي وتشــــوف آنا محتارة وغـريبة شسـوت بحالـي الطفــــوف تدري بكَلوب اليتامه من الكفـر ممليه خـــوف جروحي أكثر مني صارت ما يطيبن حتى اروف جروحي كثره شلون أضمد يا جرح اشــد هــذا الثاني يطلـــع منفتح

گلبي بيهن مبتلي ** بصوت اصيحاً يا علي روحي محتارة وأعاين للنجف ـــــــــــــــــــــــــــــــــــــــــ بويه راوتني الليالـــي همــوم ابد ما ينسن حرمة ما بين الشماتة الوحدي خلاني الزمن عيونــي حلفهن يبويه لجـان هجعن لــو غفن والشــمر لمـن ضـربني حشمت يا أبا الحســن شسوت بحالي بغيابك كــــــــربلاء مـن الســياط تزرفت حتى العباء

بيه يشتم عاذلي ** بصوت اصيحاً يا علي روحي محتارة وأعاين للنجف ـــــــــــــــــــــــــــــــــــــــــ يالي جفك قلع خيبر بنتك بدرب اليســــر من بعد كافل ضعنها يحدي بالناكَه الشمر لو حجر كَلبي يتفطر بويه شاحمل يا صبـر ميتة كَبل الغاضريه ريته لا طال العمــــر أتمنه ميتة ولا عشت هاي السنين حتى ما أشوف الذبح نحــر الحسين

ولا أودع كافلــــــي ** بصوت اصيحاً يا علي روحي محتارة وأعاين للنجف ـــــــــــــــــــــــــــــــــــــــــ بويه شاشرحلك شاكَلك شارد اسولف يا الـم آه يا صبري لصبرته لــو جبل هـم نهـــدم آنا شـاهته لكفلنـي لا جفــوف ولا علـــــــم موسد بجنب الشريعة ونابت بعينه السهم بويه من طاح لكفلني أعله النهــر ظهري مو ظهره الاحسنه انكســر

من أيدي راحوا كل هلي ** بصــوت اصيحاً يا علي روحي محتارة وأعاين للنجف ـــــــــــــــــــــــــــــــــــــــــ ما بقى ويالعيله حارس بس حرم والدنيا ليل راح الأكبر راح جاسـم راح مـن أيـدي الكفيــل كلهــا راحت ما بقالــي غير بس واحــد عليل ياهـو ليعدل المحامــل عالهــزل لمــن تميــــل ريت أموتاً حتى من همي أستريح ياهــو ليصعد اليتيم إلي يطيـــح

بعد ماكو راحة إلي ** بصوت اصيحاً يا علي روحي محتارة وأعاين للنجف ـــــــــــــــــــــــــــــــــــــــــ ادري ما تحمل عتابي بـــس أخبرنك ردت خلي اسـولفلك يبويه بالدرب ذاك أشفـت خـــاف تزعل مــن اكَلك بالحبــال تجتفت بويه أصعب هالمأسـي بمجلس الظالم فتت مجتفه وخلوني أطب مجلــس يزيد كَبال عيني ويضرب شفاف الشهيد يضرب بعصته الوالي ** بصوت اصيحاً يا علي روحي محتارة وأعاين للنجف

للشاعر الحسيني 

حسين الفيصلي 

#ياعلي ، #ياأمير_المؤمنين

قصائد مكتوبة | الشاعر عبد الرزاق اليساري الكربلائي | مولد المهدي عجل الله فرجه

قصيدة بمناسبة مولد الإمام #المهدي عجل الله تعالى فرجه الشريف 

أسـم ابوصالح ويــانه يـدور 

وكربلاء هاليوم بنوارك تنـور

ـــــــــــــــــــــــــــــــــــــــــــــــــ

هله هله اليوم فرحان الدليــــــــــــــل

او ساعة ابو صالح ظهر يشفي الغليل

و يحكم العالم بقران الخليــــــــــــــــل

ايزيل كل الظلم بأمر من الجليــــــــل

أحنه من عوفة لو حزو نحــــور

وكربلاء هاليوم بنوارك تنــــــور

ـــــــــــــــــــــــــــــــــــــــــــــــــ

ليوم هذا اليوم نقسم هالقســــــــــم

انعاهدك يبن الرسول أنت العلــــــــم

او نبقه متمسكين احنه بالقيـــــــــــم

بعلي و العترة البعده أهل الشيــــــــم

انتو رحمه او انه للجنه عبـــــــــور

وكربلاء هاليوم بنوارك تنــــــور

ـــــــــــــــــــــــــــــــــــــــــــــــــ

تنورت الدنيه بشعبان الاغــــــــــــــر

بهالنجوم الزهرت بهذا الشهــــــــــر

مولد حسين و علي و المنتظــــــــــر

او علي الاكبر و ذاك عباس الكمـــر

وهم رحمه و تشع بيهم هالقبور

وكربلاء هاليوم بنوارك تنــــــور

ـــــــــــــــــــــــــــــــــــــــــــــــــ

كوكب انتو منزل انه من السمـــــــه

ويه الكمر و الشمس ومهم فاطمـــه

او درب همه للعدل و الغانمــــــــــه

ستارثوا هالورث من حامي الحمــه

او صارالهم بالارض هاي القصور

وكربلاء هاليوم بنوارك تنــــــور

ـــــــــــــــــــــــــــــــــــــــــــــــــ

لليزور احسين دنيه أيكملـــــــــــــه

أو هاي تصبح أله حجه كاملـــــــه

هذا مو آني أكوله يا لملـــــــــــــــه

خير مسند للنبي او عقد الولــــــــه

تعتنه المشايه والكبره اتــــــــزور

وكربلاء هاليوم بنوارك تنــــــور

ـــــــــــــــــــــــــــــــــــــــــــــــــ

شما كثر ارهاب نبقه صامديــــــن

وتضل هالرايات والنصرت الديـن

و ابشعاري أبد ما ننسه الحسيــــن

يبقه ويايه يعيش ويه السنيـــــــــن

حبي باقي النه حته للظهـــــــــور

وكربلاء هاليوم بنوارك تنــــــور

للشاعر الحسيني

عبد الرزاق اليساري الكربلائي

#ياحجة_الله 

#يامهدي 

#ياصاحب_الزمان 

مجلة الرواديد و الشعراء

قصائد مكتوبة | الشاعر حسين الفيصلي | قصيدة بمناسبة قدوم شهر رمضان المبارك

قصيدة بمناسبة قدوم شهر رمضان المبارك .

.

يا بـــشر لاتــغرك أيــام العـمر

سَفْرَةْ هاي الدنيا لتظن تستمر

لو گظت رحلة حياتك

وگربت ساعة مماتك

هناك يم الخالقك شنو العذر ؟!

ـــــــــــــــــــــــــــــــــــــــــــــــــــ

كافي مو سجلك مليته من الذنوب

ستغفر الله أعله الجنيته ومنه توب

أترك أعمال اللهو والمغرياة

الخلص أكثر وشبقالك بالحياة

ما يرد عمره إلي فاتك

لو گظت رحلة حياتك

ﻻ تعوف الجنة وتروح الصقر

ـــــــــــــــــــــــــــــــــــــــــــــــــــ

تنحسب من عمرك أيام التفوت

شگد تعيش بدنيتك ﻻزم تموت

فكر بعمرك گظه وراجع ضميرك

وأنت حدد بيدك وغير مصيرك

تنسأل قايم صﻻتك

لو گظت رحلة حياتك 

وشتگول المنكر بذاك الگبر

ـــــــــــــــــــــــــــــــــــــــــــــــــــ

شنهو عذرك باچر بيوم الحساب

شما عملت عناكه تلگا بالكتاب

حتى أهلك ما تفيدك ﻻ تجيك

هناكه تشهد ضدك لسانك واديك

وتنفظح كل معصياتك

لو گظت رحلة حياتك

ما يضل مستور ذنبك ينذكر

ـــــــــــــــــــــــــــــــــــــــــــــــــــ

لو گظيت العمر صايم للنهاية

أنتبه ﻻ تنسى متقر الوﻻية

صايم تگضي العمر وتصلي دوم

الما يحب حيدر يرد لومو يصوم

بحب علي تضمن نجاتك

لو گظت رحلة حياتك 

النار متمر جسمك بيوم الحشر

للشاعر الحسيني

حسين الفيصلي

#رمضان 

#شهر_الطاعة 

مجلة الرواديد و الشعراء

قصائد مكتوبة | الشاعر احمد مهدي الخفاجي | استشهاد علي بن ابي طالب عليه السلام

‫#‏ياعلي‬ 

.

قصيدة بمناسبة إستشهاد أمير المؤمنين ، 

علي بن ابي طالب عليه السلام .

-{ المستهل }-

الليله ديــن الله انجتــل وكتــابه 

من وگع حامي الحمه ابمحرابه

ـــــــــــــــــــــــــــــــــــــــــــــــــ

شلون سور الدين بالسيف انجتل

ونطبر راسه ونزف خير العمل

والله وسفه ينغـــدر هـذا الفحل

ومن دمه الهامه يصير خضابه

ـــــــــــــــــــــــــــــــــــــــــــــــــ

والله عجبه جيف هامه ينطبر

وسالت ادمومه على هام الصبر

انشاهـد الليله فتح صدره الكبر

ينتظر حيدر يشرف اترابه

ـــــــــــــــــــــــــــــــــــــــــــــــــ

ليش أسد غالب تغيب بالدمه

بفضله تشهدله غدت ارض وسمه

ياهضيمه يطـيح حماي الحمه

ظل ينــوح السيف لمن صابه

ـــــــــــــــــــــــــــــــــــــــــــــــــ

ايخلده التاريخ حماي الدخيل

قانع الكرار قابل بالقليل

الليله حيدر عالسفر انوه الرحيل

بيا وضع حيدر يودع احبابه

ـــــــــــــــــــــــــــــــــــــــــــــــــ

منه خل تاخذ درس أهل الوفه

حيدر الله مكرمه ومشرفه

أبعلي وصه الصحابه المصطفه

تالي ما نفذوا وصيته اصحابه

ـــــــــــــــــــــــــــــــــــــــــــــــــ

ما وفت ويه علي أهل الرده

ظلت اعلـيه ابحقدها امجنده

أول الاسلام من حيدر بده

جانت الناس بوكتها اذيابه

ـــــــــــــــــــــــــــــــــــــــــــــــــ

غصبن اعليهم يظل حيدر أمير

يبقه الاول عدنه حيدر ولاخير

مثل حيدر ياهـو كاعد عالحصير

ياهـــو مــثله مــــركـــعه أثيابه

ـــــــــــــــــــــــــــــــــــــــــــــــــ

علي ما فرق أبد بين الثنين

الناس مشاها عدل اربع سنين

كلمن أتعنه لمير المؤمنين

ما يرد خايب تره الـدك بابه

للشاعر الحسيني 

احمد مهدي الخفاجي

‫#‏استشهاد_الامام_علي‬ عليه السلام

‫#‏رمضان‬

مجلة الرواديد و الشعراء

مقارنة بين صائم جالس في المنزل و بين صائم في الحشد الشعبي ..!! الشاعر حيدر تركي الكربلائي

مقارنه بين صائم جالس في المنزل ،

ومقاتل صائم في الحشد الشعبي ..!!

.

انه وين وانته وين

انه عالتـبريد گـاعد .. وانتـه بالحر والتراب

انه تلفزيون اشاهد ..وانته شاهدت العذاب

انه احسب للفطور .. وانته تحسـب بالعتاد

انه ادور ماي بـارد .. وانتـه دلالـك رمـاد

انه اتـسوگ عصـاير .. وارجع اتسوگ لحوم

وانته عالساتر فطورك..تنتظر يمته الهجوم

انه اتسحر اويه اهلي..وانته ماتملك سحور

انته تـشعر بالعراق .. وانه ماعندي شعور

انـه من الـنوم اگعـد .. الظهر بعد الاذان

وانته بعد الظهر يمكن .. حررتلك چم مكان

انه من الحر احـاذر .. وانتـه بالحر اختصاص

انه اخاف يسيل دمي .. وانته خوفت الرصاص

انه صـايم يعـني نـايم .. لايزعجوني الزغار

وانته كلشي مايزعجك ..حتى لوصوت انفجار

خل اسولفلك العـدله . اولا آلـف اولا ادور

انه غيره ماكو عندي ..وانته بس انته الغيور

انه وين وانته وين

للشاعر الحسيني 

حيدر تركي الكربلائي

‫#‏الحشد_الشعبي‬ ، ‫#‏الجيش_العراقي‬ 

‫#‏شهر_رمضان‬ ، ‫#‏الصيام‬ ، ‫#‏رمضان_كريم‬ .

مجلة الرواديد و الشعراء

قصيدة لـ ‫#‏السيدة_زينب‬ عليها السلام ( زينب بمصاب أهلها تلوعت ) لشاعر عبد الرزاق اليساري الكربلائي

قصيدة لـ ‫#‏السيدة_زينب‬ عليها السلام

-{ المستهل }-
زينب بمصاب أهلها تلوعت .. زينب
وأتشوف أخوها أشحاله .. وتمحنت بعياله
زينب بمصاب أهلها تلوعت .. زينب
ــــــــــــــــــــــــــــــــــــــــــــــــــــ
جچــــني بكلب العقيله تفتر أعليه النوايــب
أو شوف يوم الغاضريه وأنظر الذيج المصايب
ذاك يوم أو كلب زينب من هذاك اليوم ذايـب
ويه اخوتها جتي أمدللـه .. وطبة أبهيبه الكربله
والضعن عباس أكفله والكمر اليوم غايب
تنادي زينب عله التله وكفت تنادي
تشكي لبوها الحاله .. وتمحنت بعياله
زينب بمصاب أهله تلوعت .. زينب
ـــــــــــــــــــــــــــــــــــــــــــــــــــــ
كبل ميصير المواديع أحسين وصاها أبوصيه
تكفلي يختي بعيالي كريت ليه المنيـــــــه
أو كون تتحملين يختي هظم ذيج أمي الزجيـه
وزينب الحره أتحملت أبصوط وضرب وتسلبت
بنار الشماته أتلوعــت وتمشي للطاغي سبيــــــه
الحره بجمر المصيبه أتجوت الحره
دموع المتن سياله .. وتمحنت بعيالـــه
زينب بمصاب أهله تلوعت .. زينب
ـــــــــــــــــــــــــــــــــــــــــــــــــــــ
بعد فكد أخوته زينب أشتدت أعليها محنهــــــا
أو شوف نايبة الشماته الغدت أعظم وأشد منها
ومن يظن زينب الجانت حافه أبدور أبضعنهـا
تالي غريبه بالغرب من مجلس المجلس تطب
مكسور من عدها الكلب أو بكت و الدمعه تصبـها
أبحيره تمشي أبضعنها زينـــب أبحيره
ودمعتها الهماله .. وتمحنت بعيـــــــــــــــاله
زينب بمصاب أهله تلوعت .. زينب
ـــــــــــــــــــــــــــــــــــــــــــــــــــ
جم مصاب اللفه الزينب وخله منها الكلب يسعر
تمشي مسبيه أبضعنها وماكو من الأهل ينغــــر
وعكب راعي الجود لنها بيا مصاب البعد تصبر
خويه أضل أبيا أمر وأعليمن أعتب يا ضخر
لو أضل أتحمل صبر والصبر ياذي أو يحيــــر
أمصابي ياهو الذي تحمــــــــــــــــل أمصابي
وهم اليسر وأهواله .. وتمحنت بعيــــــــــــــاله
زينب بمصاب أهله تلوعت .. زينب
ــــــــــــــــــــــــــــــــــــــــــــــــــ
صدت الشاطي الفرات أتنادي ياحامي الضعينه
تدري كلب أختك أبلوعه أو ماكو أحد من يعينه
عكب عينك يا كمرنه جارت الوادم علينــــــــه
ضليت وحدي أمحيره ونار أبدليلي أموجـــــره
وأعله اليتامه أمساهره عكب فكدك ياولينـــــــه
عيني من دم بجاهه مو دمـــــــــع عيـنـــي
وتشوفك أبياحاله .. وتمحنت بعيالــــــــــــه
زينب بمصاب أهله تلوعت .. زينب
ــــــــــــــــــــــــــــــــــــــــــــــــ
خويه ياعباس شوف الدهر هذا أشعمل بيــــــه
ماني أختك يا ضمدنه الشخص ماصد عينه ليه
تالي يسطرني زماني وأمشي مسلوبه وسبيـــه
أهنا يحماي الضعن بطفال و أعيال أمتحن
ومتوني مني أتوسمن خويه من أسياط أميــه
أبمتني سياط العده متوسمه أبمتني
اويه الغرب رحاله .. وتمحنت بعيالـــــــــــه
زينب بمصاب أهله تلوعت .. زينب

للشاعر الحسيني
عبد الرزاق موسى اليساري الكربلائي

مجلة الرواديد والشعراء