قصائد مكتوبة | الشاعر جابر النجفي | | إستشهاد الحسن العسكري عليه السلام

يا أبـــــــو إمحمـــــّد ( تجليبه )

ـــــــــــــــــــــــــــــــــ

فرض واجب نزورك يا أبو إمحمد === وحـــــــدك ما نعوفــك يا إبن أحمد

ـــــــــــــــــــــــــــــــــ

وحدك ما نعوفك يالحســـــــن مولاي == نجيك إزحوف وإشمحله المسيره هاي

لازم كل موالي ﻴﮔصدك عنـّاي == نارك ساجره بالروح ما تخمد

ـــــــــــــــــــــــــــــــــ

نارك ساجره بأرواح أنصارك == ملهوفين للحضره إو عـُطر دارك

سامرّه زهت من فيض أنوارك == محـّد يوصــــل الحــدّك أبد محــّد

ـــــــــــــــــــــــــــــــــ

محـّد يوصل الحدكم يساداتي == عليكـــــم جاريه للدوم دمعاتي

أريد أرفع مع الموعود راياتي == على كل ناصبي ويـّاه أقيم الحد

ـــــــــــــــــــــــــــــــــ

يخســَه الناصبي والداعشي الغادر == لازم مـــــن وطنـّه يمشـــــي وإيغادر

وذا راد إبغباءه ﻴﺒﮔــه هالفاجــــــر == أصـُب ناري عليه إو صولتي تشهد

ـــــــــــــــــــــــــــــــــ

أصـُب ناري على اﻟﮔاصد يلاويني == أبــــــــــو الحسنيين بالهمـّه يغـــذّيني

وبو فاضل أشوفه إبروحي وإبعيني == ويـّاي الكفيـــــــــــل إو زوده ما ينصد

ـــــــــــــــــــــــــــــــــ

ويـّاي الكفيل إبرايته العبـــــــــّاس == يزيح إبصارمه عن موطني الأرجاس

وظل آني فدائي ما أدﻨــّﮓ راس == لخلـــّي جيــش أميــّه يشرد إو ينهد

ـــــــــــــــــــــــــــــــــ

لخلـــّي جيش أميــّه ما يشوف النور == وخلــّي إيزيــد بوهامه الغبي المسعور

ونادي يا أبو الثارات يامنصور == أبـــو سفيان هذا الخارجي إتمــرّد

ـــــــــــــــــــــــــــــــــ

أبو سفيان هذا الخارجي إبأرضي == أطلبــــــــه دين ديني راح ما ﻴﮔضي

حتــّي إيزول كل ناصب قزم يمضي == وشــــــــوف النور والخيرات ما تنعد

الشاعر الحسيني 

جابر النجفي

قصائد مكتوبة | الشاعر ياسين حردان الساعدي | ها يخوتي

هاْ يَخُوتّي

----------

ياْاخُوتّي وياْخواتّي..

وَينْكمْ ياخُوشْ إخوتّي

ياْولدْ أمّي وأبُوّي..

جاّي آبلغكمْ وصيتّي

يانشامَْه هٰذاَ آنَه

وهذاَ صيتّي..

أعدائي كثرواْ

وانه واحدْ

وخاف ماتُوضَحْ قضيتّي..

الكثره تغلب عالشجاعه 

وعيب عالكثره منيتّي..

وينْ أهلّي ووينْ ربعّي

وين خلانّي وحَميتّي

ياْآهل بيتّي افْتَهمْتوني شأريدْ

وفْتِهمْتوا سرْ صفنتّي؟!

انه حربيْ علئ الزّيدْ

محنتّي وشوغاتْ قصتّي

انه حربّيْ على الرايدْ

يذبحْ حّسين بغربتّي

انه حربي على الصاعدْ

على چتافّي

وباگ من حلگي لگمتّي

انه حربي على كلمنْ

اخذ من جيبّي هويتّي

انه حربّي هل اليلْغّيْ

شاعريتّي

انه حربي على الشكْ

بحيدريتّي

انه حربّي على الفجرْ

حسينيتّي

صحت بالميدان حيهمْ..

راح اعلنْ عَسْكريتّي

وراح اعلنْ

عن كفاحّي وعن سلاحّي

وعلى سرّي وقابليتّي

انه سرّي بياْحُسينْ

حسين هوَ بندقيتّي

حسين هوَ بندقيتّي

الشاعر الحسيني

ياسين حردان الساعدي

قصائد مكتوبة | الشاعر انيس الخفاجي | زنجيل ابوذيات للامام الحجة المنتظر (عجل)

لو ذكروا ابن الحسن ذاب الگلب ساح اله
اتعنيت انه المحفله و شوگي اله ساحله
وسويت ارض الغرب ميدان اله و ساحه له
وسهران وبقه انتظر ودري الليل منجلي
وعليه گلبي رجف مصنوع چن من جلي
يا صاح حد منجلك خلّي مثل منجلي
وتحزم الطلعته بحب و عمل بسلاح
و يطّيب الكل گلب جفّه اذا بس لاح
وهديله كل العمر بدره لوّن بس لاح
وللزهرة بس لو يهل يغدي الضلع مجبور
شيعي واتاني الفرج عاشگ وبيه مجبور
واللي يضدنه يظل مي و ارض مج بور
دزيت ياما كتب حتى الگلب راح اله
يمته يبطل السفر و يمنة يحط راحله
وتمنى غمض الجفن وصحه ومد راحي اله
وتصافح ايدي الولي وما صافح ايد الهوه
ويصبح حقيقة الحلم وگلبي يشوف الهوه
ولواله آل النبي مو نفسه ذاك الهوه
اللي هوه الناصبي وتصبح سقر صفحته
واللي نكر حيدره من انعل ابو صفحته
والشيعي يوم الحشر بيضة تشع صفحته 
يالمهدي حبك بحر فاز الوصل ساحله

قصائد مكتوبة | الشاعر انيس الخفاجي | تتويج الإمام الحجة عج

محكمة الصنم

""""""""" 

من اسمعت هالحفل للزهرة گلبي ذاب 

وللحجة زاد الفرح ننتظره بعد اغياب

المهدي وارث علي من ريحة الاحباب 

بالزهرة والمنتظر يحله سهرنة وطاب

محتار بيدي القلم شيخط وسط لكتاب..!! 

يكتب رسالة فرح لو شكوه هم وعتاب..!!

هلليلة يا عاذلي وجهك اصفر وارتاب 

يسطع گمرنه وبزغ وثانيكم بهم غاب

احسن توالي الرجس واتباعه والاذناب.! 

لو طه بنته وعلي لو خلّص الاصحاب..!

اهنا يبيّن الفرق بالتقوى و الانساب..!! 

هلليلة طاح الصنم رجس النواصب خاب

وفاز اللي واله علي و آل النبي الاطياب 

للي نكر فاطمة المهدي عنده احساب

ويتحاسب اللي ظُلَم جاي الولي طلّاب

وينك يشيخ الخنى وينك يبن ( خرّاب ) 

المهدي محامي الطهر لا اجرة لااتعاب

اموكل امن السمه من چنه بالاصلاب 

ينصب الك محكمة ويبين الچذاب

يهجر تگول النبي و بعده الالم ما طاب..!! 

وبأحُد من اشردت وعبرت كوم اهضاب..!!

منهو اللي خاف وجُبَن من اسم مرحب هاب.! 

من جيش اسامة اگلبت وتخلفت بأسباب.!

تنكر بني ساعدة من فرّقت لحزاب..!! 

تنكر ضلع فاطمة وعصرتهة بين الباب..!!

ولفدك من اغصبت وللحگ صرت غصّاب..!! 

واطي و جبان و نذل ما تستحي ونصاب

متگلي چم منقبة اذكر الك و القاب...!! 

هليوم ابن الحسن جايب سجل وكتاب

واعمالك امسجلة غدر وظلم وارهاب 

ما تنفعك توبتك چا بو لهب مو تاب..!

الشغلة حگ وعدل حسباله لعب اچعاب 

مو يابه كلمن لهُ فوضى و نعيش بغاب

هلليلة ليلة فرح وثارات كل امصاب

هلليلة ليلة فرح وثارات كل امصاب

قصائد مكتوبة | الشاعر جابر النجفي |واويلي عالمسموم

واويلـــــي عالمسمـــــوم

( البحر الطويل )

إبن الزهره === وإبسامرّه

سمـّوه إبهذا اليــــوم === غاب الوالي المظلوم

واويلي عالمسموم

ـــــــــــــــــــــــــــ

وصـّانــــه رســــــــول الله == نداري العتره وإنودهُم

فرض حبهم يداوي الآه == محــّد يوصـــل الحدهـُم

لكن من بعد عيناه == ظهروا ناصبه ضدهـُم

ظلم وأحقــــــــاد واويلاه == كل فاجر قذر صـَدْهـُم

صاح الهادي === آ يـــــولادي

ظلموكم بعدي اﻟﮔوم === غاب الوالي المظلوم

واويلي عالمسموم

ـــــــــــــــــــــــــــ

غريـــــب إبديـــــــرة الظـُلاّم == أبو المهدي الحسن سمـّوه

والشيعــــــه إبحزن وآلام == إمام الخير من ﻓﮔدوه 

تــِيـَـتــّم من مـُضه الأسلام == والأحباب ما ينســـــــــــــوه

نواصب جاهليــّه أقـــزام == إبن طه النبي ظلموه

وإنسم ﭽبده === صار إبشدّه

والمهدي إعليه مهموم === غاب الوالي المظلــــوم

واويلي عالمسموم

ـــــــــــــــــــــــــــ

جـُروحك يالحسن مولاي == جرحــت بالحشى أحبابك

أبد ما ينهضـُم ﺷﭽــّاي == إذا راح إو ﮔصـــــد بابــــــك

جرت من دم إلــَك عيناي == وحيـــــــد إو يعمي إمصابك

يوفــّقني إلهي إبهاي == أصير إبيوم خطــّارك

يدعي الباري === دمعي الجاري

وأنصــُب مأتم للدوم === غاب الوالي المظلوم

واويلي عالمسموم

ـــــــــــــــــــــــــــ

سامـــــرّه إنملـت أنـــــوار == من لامس تــُربها النور

نور العسكري المحتــــــار == من ضيم الحقد والجور

بعيدين الأهل والـــــدار == عنـــّه والرزايه إتدور

بني العبـّاس بيهم عار == حقدهــم لاهب إبكـُل دور

واليوم الشر === ﻴﭽـوي إو أحمر

عاد إبسامرّه إيحوم === غاب الوالي المظلوم

واويلي عالمسموم

ـــــــــــــــــــــــــــ

عزائي الفاطمه الزهره == دمـــــوع العين أجريها

ﮔلبي مشتعل جمــــره == على إمصابه أواسيها

أدري المنتظر فجـــــره == يوم إيحل يداويها

وأدري من يهل بدره == ما ﻴﺒﮔــــون أعاديها

تـــِشــْفـَه إجروحه === يخلص نوحـــــــه

ﮔلبه إيطيب اﻟﻣﻟﭽوم === غاب الوالي المظلوم

واويلي عالمسموم

ـــــــــــــــــــــــــــ

نظـــــــل ننصـــب مآتمكـــم == يهل بيت النبي الأطهار

يــِهــِمـْنـَه كـُل أسى إيهمكم == عاهدنـــــــه الوصي الكرّار

نواسي الطاهره أمكـــــــــم == نواسي المصطفه المختار

نفديه الثـــــــــرى الضمكـــــم == نزوره إو ما نخاف أخطار

ما ننساكم === إحنه إوياكم

نور الباري الموسوم === غاب الوالي المظلوم

واويلي عالمسموم

الشاعر الحسيني 

جابر النجفي

قصائد مكتوبة | الشاعر جابر النجفي | إشحد الدواعش

إشحــــــــّد الدواعـــــــش 

( تجليبــــه )

يبو المهدي جنودك إحنه وأنصارك === وإشحـّد الدواعش توصل الدارك

ــــــــــــــــــــــــــ

وإشحـّد الدواعش ما يخوفونـــه == تظل دارك يبو الهدّات مامونه

يفديها المجاهد دوم بعيونـــــــــــــه == رغم كل النواصب ﻨﺒﮔـه زوّارك

ــــــــــــــــــــــــــ

رغم كل الدواعش ما نعوف الدار == مـا يبرد عزمنه من علي الكرار

فصايل للجهاد إو ما نهاب أخطـــار == علينه إتشع يراعي الجود أنوارك

ــــــــــــــــــــــــــ

علينه إيشع أملنه المهدي أنواره == منـّك يالحسن والينه أســـــــراره 

ننتظره يجينه إو ياخذ إبثــــــاره == وإحنه إوياه ناخذ سيدي ثارك

ــــــــــــــــــــــــــ

وإحنه إوياه حاميها الشريعه إنصول == نجاهدهــــــــم أميـّه إبهمـّة المأمول

ما ﻴﺒﮔـه الظلام إبهل الوطن وإيزول == وإنطفــّي يبـــــــو إمحمد غداً نارك

ــــــــــــــــــــــــــ

وإنطفـّي لظاها فاطمه الزهــــــــره == ضلعها ناخذ إبثاره إو ألم كسره

يامعصوم ﮔلبك ينتهي جمـــــــــــره == يوم إتشوف إبنك جاي خطـــّارك

ــــــــــــــــــــــــــ

يوم إتشوف إبنك يالحســــــــن يمــّك == تزول أحزان روحك ما يظل همــّك

نلعن باغضك والشـــــارك إبسمــّك == والموعود يحمي العاليه أسوارك

ــــــــــــــــــــــــــ

والموعود سامرّه يحل بيهــا == وإشحدهم يلاﮔـونه أعاديها

والأمجاد والرايـــــــات يــِعــْليها == وإحنه إنفوز بالرايات نتبارك

ــــــــــــــــــــــــــ

وإحنه إنفوز لازم ما تهمنه إجــروح == رمزنه إحسين أبو اليمـّه الولي المذبوح

تطيب إبشوفة المهدي إو تهيد الروح == وإبدولـــــــــــــة إمام الخير نتشارك

ــــــــــــــــــــــــــ

الشاعر الحسيني 

جابر النجفي

إستطلاع للرأي - هل أصبح الشيخ الأكرف مطرب ؟

-{ إستطلاع للرأي }-

- هل أنت مؤيد لهذه الأعمال التي تحتوي على الموسيقى الواضحة خصوصاً ان العمل صادر من {رادود حسيني} يقتدي به الكثيرون ؟
- قد تكون هذه الأعمال بنية التجديد و تقريب الشباب ؟
- وقد يقول البعض ان (رواديد الطرب) ان صح التعبير أصبح لديهم مثالاً أعلى وهو الرادود حسين الأكرف ؟

ماهو رد حضراتكم على هذه الأسئلة ؟

* ملاحظة : نعتذر على الموسيقى 

مجلة الرواديد و الشعراء

قصائد مكتوبة | الشاعر ياسين حردان الساعدي | إستشهاد الإمام الرضا عليه السلام

الغريب

-------

لطميه للامام الرضا

(عليه السلام )

__________

غريب اشكيلك همومي

غريب امَّگَضّي كِلْ يومي

خَلص عمري ..خلص عمري

غريب اشكيلك همومي

_______________

غريب وماشِفت راحه

اصفگ راحْتي براحه

جريح ينزفن جراحه

كُبَر جرحي ..كُبَر جرحي

________________

غريب وتعرف بونّي

الوطن عفتَه غصب عنّي

صوچْ أعدائي مو منّي

سبب قهري .. سبب قهري

--------------

أمامي وسيدي ومولاّي

ازورك غايتي ومنواّي

دخليك لاترد رجواّي

بضريحك التقّي بَربْعّي

_________________

تردني لمشهدك سالمْ

وَطْلبْ نورك الدائم

واشرب خيرك العائم

واسولفلك على قهري

______________

غريب وروحي ملهوفه

تريد لگبرك تشوفه

وتعيش بواقع طفوفه

ودمعتي بمرقدك تجري

________________

ونحيّي العاشر ابمشهدْ

نفس الصوره والمشهد

ونندب بالرضا وننشد

يعجل صاحب الامري

___________

اشوكت نلطم على نورك

ونصلي بصحنك ونورك

ونطوف بجنة زهورك

كوكب مشهدك دُرّي

-------------------

بديار الغربْ ننخاك

ندعي ونطمع ابملگاك

يعطاي الذي ينخاك

الفرج ياصاحب العصرّي

________________

ظلام عراگنه طوّل

بالمايسوه يتوسلْ

باصعبْ واشدْ نتحولْ

نار وبالحشا تسرّي

________________

شعجب صبرك يبو اليمّه

علينه الدنيه ملتمه

بلا رأفه ولارحمه

ذبحوا دمعتي ونحرّي

_______________

الشاعر

ياسين حردان الساعدي

لقاء الشيخ عبد المحسن ملا عطية الجمري | مجلة الرواديد و الشعراء

هل هنالك فرق بين الجمهور العراقي و الجمهور البحريني ؟ 
وبماذا تتميز المرأة العراقية ؟ 
وكيف يعرف الخطيب بأن معلوماته تصل للجمهور ؟ 

كل هذا و أكثر في لقائنا الممتع مع أحد أعمدة المنبر الحسيني 
في البحرين و العالم الشيعي و هو :
الشيخ عبد المحسن ملا عطية الجمري

س1 / الشيخ عبد المحسن الملا عطية انت قارئ بحريني تقرأ في البحرين وفي عدة دول وقد قرأت في العراق فهل هناك فرق بين المتلقي العراقي والمتلقي البحريني؟
* هناك فرق في النوعية فالمتلقي العراقي أكثر تعددية، والمتلقي البحريني حسب ما شاهدت أستطيع أن أفرض عليه شيئاً معيناً، أمّا المتلقي العراقي فيحتاج إلى أن تقترب منه بطريقة الطرح بالاختيارات.

س2 / ولكنني سألت بعض النساء من اللواتي حضرن محاضراتكم فأبدين إعجابهن بمحتوى المحاضرة وطريقة الإلقاء، فما رأيكم؟
* تتميز المرأة العراقية بذوقٍ عالٍ وتكون خير حكمٍ من المستمع الرجل، وهذا لا ينفي دور الرجل في المحاضرة، وأنا كخطيب قديم بالنظرة البعيدة أو القريبة أعرف مدى تأثير المحاضرة على الجالسين، وليس معنى هذا أن نغبن حق الرجال العراقيين فهم أيضا معجبون بمحاضراتي وخصوصاً الشباب، والشيء الذي أثر بي جداً هو أن المستمع بالفعل يتلقى الأشياء التي لا يريدها، مثلاً الذي يأتي ليسمع النعي يتلقى المحاضرة ويستمع لها ويستفيد ويتجاوب، فالمنبر في العراق يشكل خطراً إذا لم يتقنه الخطيب، لأن المواطن العراقي يتأثر بقوة الكلام الخارج عن الخطيب، فعلينا أن نستغل هذه القابلية على السمع إيجابياً.

الرجل يتعامل بسقف محدد، ولكن المرأة العراقية طموحة تراها تتفاعل معك في المحاضرة، تتفاعل مع النقلات، تتفاعل مع التعليق، فتكون شغوفة لتلقي ثقافات الدول الأخرى، وهي حريصة كل الحرص على الحضور، ومن خلال ملاحظاتي التفاعل النسائي أكثر في المحاضرة. 

س3/ هل حاولتم إنشاء مدرسة لتخريج خطباء منبر متمكّنين؟
* نعم، نمتلك مدرسة لهذا الغرض، ودوري فيها دور تنظيري، عن طريق الانتقاء، ولدينا شروط معينة لقبول الطلاب، وهذا يتم أمامي أطلب من الطالب قراءة قصيدة واستمع له في النعي، ثم حسب إمكانياته يتم الاختيار فإذا كانت تنقصه التوجيهات فقط يقبل، وإن كانت تنقصه الأساسيات فلا يكون مؤهلاً. والمنبر يحتاج إلى شخص لديه الذوق الفكري والذوق الأدبي وإلى إمكانيات الصوت والقابلية على الخطابة، فهذا الدور خطير ولا يمكن أن يُعطَى لأي كان، والذي يريد أن يصعد المنبر الحسيني يجب أن يكون هاوياً ثم محترفاً، فإذا كان محترفاً غير هاوٍ تكون العقبة في مسيرته.

س4 / بمن تأثرت من الخطباء؟
* تبلورت شخصيتي من عدة شخصيات كان لها تأثير في تكوين الملا محسن، وهذه الشخصيات هي (الوالد بالدرجة الأولى/ أخي الملا يوسف/ أخي محمد صالح/ أستاذي في الخطابة ممن ارتقى المنبر عدنان البكّاء/ الشيخ أحمد الوائلي أستاذ الجميع/ الشيخ هادي الكربلائي/ السيد جابر أغائي)، وهناك خطباء مغمورون لهم أثر كبير في شخصيتي، إذن والخليط يفرز بعد ذلك الشخصية، وكان هناك خطيب من أهالي البصرة اسمه السيد عبد العزيز الشرع كان له تأثير كبير إذ كنت صغير السن وكان يقرأ المصيبة ويبكي أكثر من المستمعين، وقد أعجب الجماهير حينما ارتقى المنبر في البحرين في قرية بني جمرة، وكان والدي يستمع إليه ومعجباً به.

س5 / ما مدى تََحَكُّمِكَ في الجمهور وأنت ترتقي المنبر الحسيني؟
* عند ارتقائي للمنبر الحسيني أعرف إن كنت متحكماً أم لا؛ وذلك يعود لمزاجي ونفسيتي ويترتب عليّ إدارة المحاضرة والتحكم في الخِطاب وتوظيفه للسيطرة على عواطف المستمعين، وأهم ما يضفي على المجالس البهاء الروحاني الذي يخلدها.

س6 / بماذا تتميز المرأة العراقية عن المرأة البحرينية؟
* لديها نفس المواصفات، ولكن المرأة البحرينية متعددة الأصناف بينما المرأة العراقية أقل تصنيفاً، إذ إنها تبقى خاضعة للبيئة مهما كبرت جغرافياً، ولكن المرأة البحرينية من الصعب تقييمها؛ لأنها تختلف من منطقة إلى أخرى، ومع أن الرقعة الجغرافية صغيرة إلا أن لكل شارع أعرافاً وتقاليد تختلف عن الشارع الآخر.

س7/ ما سبب هذا الاختلاف؟

* سببه نظام القرية في البحرين، لأن كل قرية معزولة عن القرى المجاورة، وحتى التزويج فقد كان يمنع زواج أبناء قرية إلى قرية أخرى في سالف السنين، طبعاً الآن الوضع اختلف إلاّ أنها تركت أثرها على اختلاف العادات والتقاليد. 

س8 / كلمة للخطيبات؟

بالنسبة للمأتم النسائي تقييمي له من حيث القدرة على إدارة موسم معين، فقد استطاعت المآتم إيصال ما يمكن تداوله وما هي الدروس المستفادة، وهناك محاولات لتطوير المأتم النسائي وهذه المحاولات قد تكون خطيرة وفاشلة حينما تكون عملية انقلاب وهذه مجازفة، التجديد مطلوب في القضية الحسينية ولكن على الخطيبات أن يكن على قدر من المسؤولية حينما يردن التغير، فعليهن أن يغيرن بشكل تدرجي حتى لا يقعن في هاوية الانقلاب، فهذا شيء خطير جداً، عليهن أن لا يحرمن الجيل السابق من أن يقيم طقوسه بالشكل الذي يريده مع محاولة التجديد تدريجياً.

لـمجلة الرواديد و الشعراء آمال كاظم الفتلاوي 
مديرة تحرير مجلة رياض الزهراء النسوية
العراق - كربلاء المقسة / العتبة العباسية المقدسة
ــــــــــــــــــــــــــــــــــــــــــــــــــــــــــــــــــــــــــــ
* قناة المجلة : 
https://www.youtube.com/user/roadedshuaraa

* صفحة المجلة :
https://www.facebook.com/radod.shoaraa

قصائد مكتوبة | الشاعر عدنان الحمامي | إستشهاد الرضا عليه السلام

يالهمك ابگلبك -- لوضيعت دربك

للرضا امشيله -- وشعندك احچيله

---

يالعندك اهموم اشكثر ومدوهن الفكره

ومأيس انته أمن المرض للشفه تنتظره

للرضا اتعناله واخذ رايه اله خضره

واعگدها يمه وحلّفه أبفاطمه الزهره

امن العله تتشافه -- بالرضا والطافه

ابنذرك توفيله -- وشعندك احجيله

--

سلطان هوه بالكرم معروف وبعطفه

وهوه طبيب الكل علل والوادم اتعرفه

يالتشكي بعيونك رمد وتدور الوصفه

الشباچه طوفه وجمرتك من الرمد تطفه

العينك يشافيها -- والماي لوبيها

من عينك ايشيله -- وشعندك احجيله

--

چم اعمه من يمه دخل ويرد نظر عينه

بالجود ماواحد اجه مثل الرضا وينه

حتى الذي دين انطلب يوفي اله دينه

وللمعوز او عنده عسر ميقصر ايعينه

اطلبها اطلبها -- امن الرضا اطلبها

الغيره لتشكيله -- وشعندك احجيله

--

ياهو عزيز امفارگه لو مبتعد عنه

للرضا ايروح ايعفره الشباچه بالحنه

ومن عنده يطلب هالطلب مايعتذر منه

ايفرحه ابو محمد أبد ميخيبه الظنه

والغالي والغالي -- يرجعلك الغالي

وبوسات تهديله -- وشعندك احجيله

--

سيد عدنان الحمامي