الفرق بين #الروافض و #النواصب واضح جداً من خلال الصورة ،
التي تحمل ألف معنى و معنى ..!!
.
رحم الله من قرأ سورة المباركة الفاتحة هدية إلى أرواح شهداء الشيعة.
عالهزل دمع النواظر ما نشف ** روحـــي محتارة وأعاين للنجف
يا مــــلاذ الينولـي ** بصوت اصيحاً يا علي
روحي محتارة وأعاين للنجف
ـــــــــــــــــــــــــــــــــــــــــ
بويه رتك يمي حاضــر تنظـر الحالي وتشــــوف
آنا محتارة وغـريبة شسـوت بحالـي الطفــــوف
تدري بكَلوب اليتامه من الكفـر ممليه خـــوف
جروحي أكثر مني صارت ما يطيبن حتى اروف
جروحي كثره شلون أضمد يا جرح
اشــد هــذا الثاني يطلـــع منفتح
گلبي بيهن مبتلي ** بصوت اصيحاً يا علي
روحي محتارة وأعاين للنجف
ـــــــــــــــــــــــــــــــــــــــــ
بويه راوتني الليالـــي همــوم ابد ما ينسن
حرمة ما بين الشماتة الوحدي خلاني الزمن
عيونــي حلفهن يبويه لجـان هجعن لــو غفن
والشــمر لمـن ضـربني حشمت يا أبا الحســن
شسوت بحالي بغيابك كــــــــربلاء
مـن الســياط تزرفت حتى العباء
بيه يشتم عاذلي ** بصوت اصيحاً يا علي
روحي محتارة وأعاين للنجف
ـــــــــــــــــــــــــــــــــــــــــ
يالي جفك قلع خيبر بنتك بدرب اليســــر
من بعد كافل ضعنها يحدي بالناكَه الشمر
لو حجر كَلبي يتفطر بويه شاحمل يا صبـر
ميتة كَبل الغاضريه ريته لا طال العمــــر
أتمنه ميتة ولا عشت هاي السنين
حتى ما أشوف الذبح نحــر الحسين
ولا أودع كافلــــــي ** بصوت اصيحاً يا علي
روحي محتارة وأعاين للنجف
ـــــــــــــــــــــــــــــــــــــــــ
بويه شاشرحلك شاكَلك شارد اسولف يا الـم
آه يا صبري لصبرته لــو جبل هـم نهـــدم
آنا شـاهته لكفلنـي لا جفــوف ولا علـــــــم
موسد بجنب الشريعة ونابت بعينه السهم
بويه من طاح لكفلني أعله النهــر
ظهري مو ظهره الاحسنه انكســر
من أيدي راحوا كل هلي ** بصــوت اصيحاً يا علي
روحي محتارة وأعاين للنجف
ـــــــــــــــــــــــــــــــــــــــــ
ما بقى ويالعيله حارس بس حرم والدنيا ليل
راح الأكبر راح جاسـم راح مـن أيـدي الكفيــل
كلهــا راحت ما بقالــي غير بس واحــد عليل
ياهـو ليعدل المحامــل عالهــزل لمــن تميــــل
ريت أموتاً حتى من همي أستريح
ياهــو ليصعد اليتيم إلي يطيـــح
بعد ماكو راحة إلي ** بصوت اصيحاً يا علي
روحي محتارة وأعاين للنجف
ـــــــــــــــــــــــــــــــــــــــــ
ادري ما تحمل عتابي بـــس أخبرنك ردت
خلي اسـولفلك يبويه بالدرب ذاك أشفـت
خـــاف تزعل مــن اكَلك بالحبــال تجتفت
بويه أصعب هالمأسـي بمجلس الظالم فتت
مجتفه وخلوني أطب مجلــس يزيد
كَبال عيني ويضرب شفاف الشهيد
يضرب بعصته الوالي ** بصوت اصيحاً يا علي
روحي محتارة وأعاين للنجف
للشاعر الحسيني
حسين الفيصلي
#ياعلي ، #ياأمير_المؤمنين
غيره تنفست من غيرة العباس
من شفت العراق بحاجة انفاسك
يمن رحمه اعله روحك نزف جرحك صوت
بوكت مات الأذان وأذّن احساسك
حيّ اعله الشرف ، والما إله نوماس
رفض ما قبل يسمع صوت نوماسك
جرب مو عرب ذوله ارباة اسرائيل
لتباوع عليهم ذوله مو ناسك
مثل جدك الكاظم عالجسر خلوك
ولو گولن سفير حسين مقياسك
صليت الفرض بين السمه والگاع
وحبل المشنقه بحد رگبتك باسك
سيد #مصطفى تشبه ابوك احسين
رفضت الذله مت ومرتفع راسك
للشاعر الحسيني
كرار حسين الكربلائي
مجلة الرواديد و الشعراء
أسـم ابوصالح ويــانه يـدور
وكربلاء هاليوم بنوارك تنـور
ــــــــــــــــــــــــــ
هله هله اليوم فرحان الدليــــــــــــــل
او ساعة ابو صالح ظهر يشفي الغليل
و يحكم العالم بقران الخليــــــــــــــــل
ايزيل كل الظلم بأمر من الجليــــــــل
أحنه من عوفة لو حزو نحــــور
وكربلاء هاليوم بنوارك تنــــــور
ــــــــــــــــــــــــــ
ليوم هذا اليوم نقسم هالقســــــــــم
انعاهدك يبن الرسول أنت العلــــــــم
او نبقه متمسكين احنه بالقيـــــــــــم
بعلي و العترة البعده أهل الشيــــــــم
انتو رحمه او انه للجنه عبـــــــــور
وكربلاء هاليوم بنوارك تنــــــور
ــــــــــــــــــــــــــ
تنورت الدنيه بشعبان الاغــــــــــــــر
بهالنجوم الزهرت بهذا الشهــــــــــر
مولد حسين و علي و المنتظــــــــــر
او علي الاكبر و ذاك عباس الكمـــر
وهم رحمه و تشع بيهم هالقبور
وكربلاء هاليوم بنوارك تنــــــور
ــــــــــــــــــــــــــ
كوكب انتو منزل انه من السمـــــــه
ويه الكمر و الشمس ومهم فاطمـــه
او درب همه للعدل و الغانمــــــــــه
ستارثوا هالورث من حامي الحمــه
او صارالهم بالارض هاي القصور
وكربلاء هاليوم بنوارك تنــــــور
ــــــــــــــــــــــــــ
لليزور احسين دنيه أيكملـــــــــــــه
أو هاي تصبح أله حجه كاملـــــــه
هذا مو آني أكوله يا لملـــــــــــــــه
خير مسند للنبي او عقد الولــــــــه
تعتنه المشايه والكبره اتــــــــزور
وكربلاء هاليوم بنوارك تنــــــور
ــــــــــــــــــــــــــ
شما كثر ارهاب نبقه صامديــــــن
وتضل هالرايات والنصرت الديـن
و ابشعاري أبد ما ننسه الحسيــــن
يبقه ويايه يعيش ويه السنيـــــــــن
حبي باقي النه حته للظهـــــــــور
وكربلاء هاليوم بنوارك تنــــــور
للشاعر الحسيني
عبد الرزاق اليساري الكربلائي
مجلة الرواديد و الشعراء
قصيدة بمناسبة قدوم شهر رمضان المبارك .
.
يا بـــشر لاتــغرك أيــام العـمر
سَفْرَةْ هاي الدنيا لتظن تستمر
لو گظت رحلة حياتك
وگربت ساعة مماتك
هناك يم الخالقك شنو العذر ؟!
ــــــــــــــــــــــــــ
كافي مو سجلك مليته من الذنوب
ستغفر الله أعله الجنيته ومنه توب
أترك أعمال اللهو والمغرياة
الخلص أكثر وشبقالك بالحياة
ما يرد عمره إلي فاتك
لو گظت رحلة حياتك
ﻻ تعوف الجنة وتروح الصقر
ــــــــــــــــــــــــــ
تنحسب من عمرك أيام التفوت
شگد تعيش بدنيتك ﻻزم تموت
فكر بعمرك گظه وراجع ضميرك
وأنت حدد بيدك وغير مصيرك
تنسأل قايم صﻻتك
لو گظت رحلة حياتك
وشتگول المنكر بذاك الگبر
ــــــــــــــــــــــــــ
شنهو عذرك باچر بيوم الحساب
شما عملت عناكه تلگا بالكتاب
حتى أهلك ما تفيدك ﻻ تجيك
هناكه تشهد ضدك لسانك واديك
وتنفظح كل معصياتك
لو گظت رحلة حياتك
ما يضل مستور ذنبك ينذكر
ــــــــــــــــــــــــــ
لو گظيت العمر صايم للنهاية
أنتبه ﻻ تنسى متقر الوﻻية
صايم تگضي العمر وتصلي دوم
الما يحب حيدر يرد لومو يصوم
بحب علي تضمن نجاتك
لو گظت رحلة حياتك
النار متمر جسمك بيوم الحشر
للشاعر الحسيني
حسين الفيصلي
لداعش وصلّه الحشد ابنظرة غضب راسله
وبطلقة وحدة وعَدِل نار وسقر راسله
يالطبعه ذيل الچلب وراس الغنم راس اله
هم شفتوا مرة الچلب ذيله انعدل حللّه
لو شفتوا راس الغنم غير الذبح حَل اله
ولهذا داعش صُبَح بيد الحشد حِل اله
وما قَصرَوا اهل الوفه بالطگ زلم قافله
والخوف هذا الحشد لَكّه ابقفل قافله
واليعوي خلّه ايعوي ما توگف القافله
واليعوي وي داعشه چف الحشد طايله
مِترّهي طگ العدو اعداد اله طايله
ومن يمشي هذا الحشد تطوه الارض طي اله
وكل خطوة منهم خِطه ابدفتر علي امسجله
وسجّيل من العلي احجارته امسجله
لو يرمي بيهة العدو يوگع چَفي امسجّه له
وهو الدِفَنهُم دَفِن وهو الرمل هايله
ومن طبهة تكريتهم هالموزمة هاي اله
من الله عنده الحشد قوَة عزم هايله
وما عنده خوف وجُبُن وما همّه مَن جابله
يدعِ الله داعش يجي وربنه الطُلَب جاب اله
وداعش صرخ مو حشد هذا الإجه جا بله
عزريل چنّه الحشد من اقترب بادي له
وبطلقة ما بادله ابصرخة علي بادله
ومن عنده لمّن دِنه وجه العدو وضح اله
وشگد مداعش ضَحِل لكن بعد ضحّله
بس كون يبقه الوطن عمره الحشد ضحه له
اسمعهة يالداعشي چلمة صِدِق عادله
والله الفخر مو إلك للرافضي عاد اله
لابن الجنوب البطل العنده الوفه عاده له
اجمل عشگ للحشد وسط الگلب راسي له
للشاعر الحسيني
أنيس الخفاجي الكربلائي
لفقرة -{ التعليقات المميزة }-
أخترنا لكم تعليق الاخ الرادود الكبير#ملا_فاضل_الكربلائي
على موضوع : تعامل الشاعرين المحنه و الصافي مع المطرب علي الدلفي .
التعليق :
(((( خط احمر ))))
اصبحت هذه الكلمة تُسمع من الكثير ..!
والغريب أن هذه الكلمة جداً رخيصة بحيث أصبحنا نصف بها النبي والائمة والشعراء والرواديد ،
وهل الرادود والشاعر من المعصومين ؟!
وهل الشاعر والرادود اصبح بمكيال الخط الحسيني ؟
وهل اصبحت القضيه الحسينيه من يكتب لها او يقرء لها لايجوز محاسبته ؟
اذا اردنا ان نحاسب وننتقد لابد لنا ان نبدء أولاً بالمتصدين لهذه الخدمة لان الخدمة عقيدة لكل الموالين والمحبين لاهل البيت <عليهم السلام>
وهل تريد مني ان اصمت عندما تتجاوز على عقيدتي وتفعل ماتشاء لانك شاعر او رادود ؟ كلا والف كلا .
اذا اردت التعامل مع المطربين فلا تتقرب الى ((المنبر)) أذهب بعيداً وأكتب الغزل والأغاني ولاتنتمي لهذا الخط فأنت في حلٌ منا لانك اصبحت بعيداً،
وإلا .. فأن الكل يُحَاسَبْ ويُنْتَقد من الكبير الى الصغير ،
لاخط احمر ولا هم يحزنون .
(((( الحسين <ع> هوه الخط الأحمر ))))
ومن يصف الشاعر والرادود بالخط الأخمر فأن الحسين <ع> أصبح بمكايل الشعراء والرواديد ..!!
ــــــــــــــــــــــــــ
تعليق مجلة الرواديد و الشعراء :
لا نستطيع ان نضيف أكثر فهذا التعليق حمل من الروعة الكثير ،
ويمكن أن نقول : شهد شاهدٌ من أهلها .
الرادود و الشاعر و الملحن ملا فاضل الكربلائي كان من الممكن ان يفرح عندما يقول البعض ان الشاعر و الرادود خط أحمر لانه منهم .
لكن الحقيقة التي نطق بها يستحق ان نرفع له القبعة و ان ننحني له إحتراماً .
* #ملاحظة : هنالك من يقول إن الإنتقاد يفتح باب الجرأة على الرواديد و الشعراء وهم خدام الحسين <ع> ،
وهنا بودنا ان نرد عليه بنقطتين :
الاولى : الإنتقاد لا يعني الإنتقاص او التشهير او التسقيط و العياذ بالله .
الثانية : نذكره باقول الرسول صلى الله عليه و آله ، وهو : {رحم الله امرءاً جبَّ الغيبة عن نفسه}
دمتم بحفظ الله و رعايته
مجلة الرواديد و الشعراء
أخترنا لكم تعليق الاخ الرادود الكبير#ملا_فاضل_الكربلائي
على موضوع : تعامل الشاعرين المحنه و الصافي مع المطرب علي الدلفي .
التعليق :
(((( خط احمر ))))
اصبحت هذه الكلمة تُسمع من الكثير ..!
والغريب أن هذه الكلمة جداً رخيصة بحيث أصبحنا نصف بها النبي والائمة والشعراء والرواديد ،
وهل الرادود والشاعر من المعصومين ؟!
وهل الشاعر والرادود اصبح بمكيال الخط الحسيني ؟
وهل اصبحت القضيه الحسينيه من يكتب لها او يقرء لها لايجوز محاسبته ؟
اذا اردنا ان نحاسب وننتقد لابد لنا ان نبدء أولاً بالمتصدين لهذه الخدمة لان الخدمة عقيدة لكل الموالين والمحبين لاهل البيت <عليهم السلام>
وهل تريد مني ان اصمت عندما تتجاوز على عقيدتي وتفعل ماتشاء لانك شاعر او رادود ؟ كلا والف كلا .
اذا اردت التعامل مع المطربين فلا تتقرب الى ((المنبر)) أذهب بعيداً وأكتب الغزل والأغاني ولاتنتمي لهذا الخط فأنت في حلٌ منا لانك اصبحت بعيداً،
وإلا .. فأن الكل يُحَاسَبْ ويُنْتَقد من الكبير الى الصغير ،
لاخط احمر ولا هم يحزنون .
(((( الحسين <ع> هوه الخط الأحمر ))))
ومن يصف الشاعر والرادود بالخط الأخمر فأن الحسين <ع> أصبح بمكايل الشعراء والرواديد ..!!
ــــــــــــــــــــــــــ
تعليق مجلة الرواديد و الشعراء :
لا نستطيع ان نضيف أكثر فهذا التعليق حمل من الروعة الكثير ،
ويمكن أن نقول : شهد شاهدٌ من أهلها .
الرادود و الشاعر و الملحن ملا فاضل الكربلائي كان من الممكن ان يفرح عندما يقول البعض ان الشاعر و الرادود خط أحمر لانه منهم .
لكن الحقيقة التي نطق بها يستحق ان نرفع له القبعة و ان ننحني له إحتراماً .
* #ملاحظة : هنالك من يقول إن الإنتقاد يفتح باب الجرأة على الرواديد و الشعراء وهم خدام الحسين <ع> ،
وهنا بودنا ان نرد عليه بنقطتين :
الاولى : الإنتقاد لا يعني الإنتقاص او التشهير او التسقيط و العياذ بالله .
الثانية : نذكره باقول الرسول صلى الله عليه و آله ، وهو : {رحم الله امرءاً جبَّ الغيبة عن نفسه}
دمتم بحفظ الله و رعايته
مجلة الرواديد و الشعراء
المحنه و الصافي ،
مراهقة ما بعد الخمسين .. ام لكلِ جَوادٍ كبوة ..؟!
ــــــــــــــــــــــــــ
المتابعين الكرام .. تحية طيبة ،
لاحظتم قلة منشوراتنا و عدم تواصلنا في الخمسة أيام الماضية .
فكل من سأل حول ذلك كان الجواب : ( ماكو واهس ) .
لكن .. لابد من البوح و الكف عن إختلاق الأعذار ،
ولا للعمل بالمثل الشعبي الذي يقول : خليها بالقلب تجرح ولا تطلع وتفضح .
بكل صراحة .. لو كنا توقفنا عن العمل بهذا الصرح الإعلامي الشيعي لكان المتسبب هما الشاعران المعنيان بالموضوع .
تخيل .. هنالك من يجاهد من أجل إنشاء حشداً حسينياً لمحاربة رواديد الطرب ،
و هنالك من يلتف (من خلف الجبل ) و يتعامل مع رواديد الطرب ..!!
وضعتما كل حسيني غيور على قدسية المنبر الحسيني في إحراج كبير جداً .
وبكل صراحة أيضاً .. صدمة تلقيناها من شعراء ( خدام للحسين ) كنا نتخذهم قدوةً لنا في الخدمة الحسينية ،
ومثالاً حي لكل شاعر حسيني شاب على وجه الخصوص .
فما الذي ينقص الشاعر عبد الخالق المحنه و الشاعر السيد سعيد الصافي
لكي يتعاملو مع مطرب متطفل على الساحة الحسينية ؟
أغلب أعماله بعيدة عن الادب الحسيني كما هو بعيد عن المنبر الحسيني قريب على الاستوديو فقط ..!!
- السيد سعيد الصافي صاحبُ التاريخ العريق الذي مليء المكتبة الادبية و المرئية الشيعية بقصائده الجميلة و الولائية و الذي كتب قصيدة : هذا الغريب منين ؟
النشيد الشيعي المتجدد بكل عام في ذكرى إستشهاد الكاظم عليه السلام
- السيد عبد الخالق المحنه الشاعر الذي عرفُ بشاعريته كفارس للمنصة ولم يكن اقل من ذلك في مجال القصيدة المنبرية و الذي كتب قصيدة : سامحيني .. موقف يهد الرواسي .
القصيدة التي أصبحت انشودة منذ يوم قرائتها في شهر محرم الاخير
مئات من القصائد الحسينية الرائعة لكلا الشاعرين و سمعة طيبة و سيرة حميدة
و تعامل مع الكثير من الرواديد والكثير من الإصدارات
و جاه مكتسب من خلال الخدمة الحسينية و ولائم و مَضَّايف و خدمة الناس لهم و تصدرهم للمجالس و إستقابلهم في صالة التشريفات بكل مكان يحلون به ضيوفاً
فما الذي ينقصهم حتى يتعاملون مع مطرب ؟!
هنالك من سوف يجد طرح الموضوع فيه قساوة على شخصيات كبيرة
و هنا يجب علينا ان نقول : قدسية الخط الحسيني و سمعة خدامه أكبر من جميع الشخصيات ،
وفي الخمسة أيام الماضية تحدثنا مع أكثر من شاعر و رادود و بادلونا التعازي بعد هذا التساجم بين رواديد الطرب و شعراء الحسين و هنالك من عشاق الحسين (ع) المولعين بالمنبر الحسيني كانو قد فجروها على صفحاتهم الشخصية حين كتبو : دينهم دنانيرهم ..
هنالك العشرات من المواضيع التي تحمل طابع القسوة و الصراحة على (كبار) كنا نتخذهم قدوة و عندما نستنكر رواديد و شعراء الطرب نظرب بهم الامثال
و ها هم يتعاملون مع رواديد الطرب مع شديد الاسف ..!!
وهنالك من سوف يقول بأن خدام الحسين (ع) خط أحمر ، و هنا يجب علينا ان نقول قدسية الخط الحسيني خط أحمر في زمن صار يُطلق على الجميع : خدام الحسين ،
فالمنبر الحسيني أولى بتلك الخطوط الحُمّر .
وهنالك من سوف يُلزم علينا إحترام خدمتهم للحسين (ع) و ان نتجنب ذكرهم ، و هنا يجب علينا ان نذكر بالمقولة التالية : اﺣﺘﺮم ﺗُﺤﺘﺮم ، أليس كذلك ؟
الا يجب ان نجد من يَحترم مشاعرنا كعشاق للحسين و متابعين للرواديد و الشعراء؟
و هنالك من سوف يتجنب التعليق و هذا الشخص لا ننتظر منه تعليقاً خوفاً عليه من عتب البعض و خوفاً منا على جسور مصالحه الخاصة التي جاهد لبنائها سنواتٌ طِوال .
وهنالك من سوف يجعل نفسه بموقف الـ : شاهد ماشفش حاجة .
وهنالك أمثالنا لا يبالي بالنقد والتسقيط فالخدمة الحسينية و قدسية المبنر الحسيني اكبر من كاتب هذا المقال و قرائه .
*عدة أسئلة تراودنا :
- هل سيعتذر الشاعران للجمهور الحسيني الشعائري كما فعل السيد عبد الخالق المحنه حينما أعتذر لأنصار المرجع الديني الشيخ اليعقوبي ؟
- هل سيتطور العمل المشترك بين الشاعران و علي الدلفي و يقودانه لإرتقاء منبر الصحن الحسيني الشريف ؟
- هل هذه بداية لتعامل كبير و فتح باب التعامل مع رواديد الطرب على مصراعيه ؟
- هل هذا التعامل هو دافع لبقية الشعراء الشباب لكي يتعاملو مع أمثال علي الدلفي و غسان الشامي ؟
- بعد هذه القصيدة ماذا إستفاد الشاعران ؟ هل هي هذه القصائد التي يفتخرون بها ؟
- ألم يكن الأفضل و الأجدر التعامل مع صوت الشيعة الناطق باسم الكربلائي و ماسواه من المعروفين خلقياً و دينياً من هذا التعامل المشؤوم مع مطرب ؟
- هل سوف يكون هنالك حشداً حسينياً لمحاربة شعراء الطرب على غرار الحشد الحسيني لمحاربة رواديد الطرب ؟
أما صوت الشيعة الناطق الملا #باسم_الكربلائي عليه ان يتيح الفرصة لشعراء شعائريين عقائديين شباب وعليه ان يبحث عن بدائل شعرية تجنبنا الحرج .
و إلا فأن الإعتذار أفضل الحلول ، لان الحديث بشفافية يكون : خلال الخمسة أيام الماضية الكثير من الشباب و غيرهم لم يُطيقو إستماع قصائد الشاعران .
لمتابعة إعلان المطرب علي الدلفي من هنا :
https://www.youtube.com/watch?v=hvPklZ9_j3E
#الفرقدين #قناة_الفرقدين
#غرامك_شهد
#علي_الدلفي
#عبد_الخالق_المحنه
#سيد_سعيد_الصافي
#رواديد_الطرب
#الحشد_الحسيني
مجلة الرواديد و الشعراء
.
قصيدة بمناسبة إستشهاد أمير المؤمنين ،
علي بن ابي طالب عليه السلام .
-{ المستهل }-
الليله ديــن الله انجتــل وكتــابه
من وگع حامي الحمه ابمحرابه
ـــــــــــــــــــــــــــــــــــــــــــــــــ
شلون سور الدين بالسيف انجتل
ونطبر راسه ونزف خير العمل
والله وسفه ينغـــدر هـذا الفحل
ومن دمه الهامه يصير خضابه
ـــــــــــــــــــــــــــــــــــــــــــــــــ
والله عجبه جيف هامه ينطبر
وسالت ادمومه على هام الصبر
انشاهـد الليله فتح صدره الكبر
ينتظر حيدر يشرف اترابه
ـــــــــــــــــــــــــــــــــــــــــــــــــ
ليش أسد غالب تغيب بالدمه
بفضله تشهدله غدت ارض وسمه
ياهضيمه يطـيح حماي الحمه
ظل ينــوح السيف لمن صابه
ـــــــــــــــــــــــــــــــــــــــــــــــــ
ايخلده التاريخ حماي الدخيل
قانع الكرار قابل بالقليل
الليله حيدر عالسفر انوه الرحيل
بيا وضع حيدر يودع احبابه
ـــــــــــــــــــــــــــــــــــــــــــــــــ
منه خل تاخذ درس أهل الوفه
حيدر الله مكرمه ومشرفه
أبعلي وصه الصحابه المصطفه
تالي ما نفذوا وصيته اصحابه
ـــــــــــــــــــــــــــــــــــــــــــــــــ
ما وفت ويه علي أهل الرده
ظلت اعلـيه ابحقدها امجنده
أول الاسلام من حيدر بده
جانت الناس بوكتها اذيابه
ـــــــــــــــــــــــــــــــــــــــــــــــــ
غصبن اعليهم يظل حيدر أمير
يبقه الاول عدنه حيدر ولاخير
مثل حيدر ياهـو كاعد عالحصير
ياهـــو مــثله مــــركـــعه أثيابه
ـــــــــــــــــــــــــــــــــــــــــــــــــ
علي ما فرق أبد بين الثنين
الناس مشاها عدل اربع سنين
كلمن أتعنه لمير المؤمنين
ما يرد خايب تره الـدك بابه
للشاعر الحسيني
احمد مهدي الخفاجي
كافة الحقوق محفوظة 2014 © مجلة الرواديد و الشعراء