قصائد مكتوبة | الشاعر ياسين حردان الساعدي | الدثو

الدثو
-------
شُوْ ضاجّْ گِتْلَّه العفوْ
أرتاح .. گِتْلَّه ْ دِثوْ
جابوه يقْرَّه شِعْر
مو شعر آسمعْ. حشوْ
بنظراتي شافْ المللْ
حسْ وانْتِبَه عاللغوْ
جاملته گتْلَه أهوْ
اعتذر گالْ العفوْ
للشعر اكتبْ لهوْ
جاْوُبْتَه گتْلَه ولوْ
اِللهو درّبْه خطرْ
المشوا بيّه انتهوْا
اقبح عذر للفشلْ
مِنْ تسكت اعله الخللْ
مايوم صاعد نخلْ!
عالنخله تصعد شگوْ !!
البواگ گلَّه بگتْ
لاتّگْلَه انته الكفوْ
ينهدمْ بيتْ الشعرْ
فوگ اليِسكْنَه لفوْ
لاتشتعل بالچذبْ
عمر الجگاره طفوْ
هواي گبلك اجوْ
راحوْ بسرعه اختفوْ
انشحنوْ بّْوٰايرْ وهمْ
لاوجوْ ولاطفوْ
صدگوا همَّه رقمْ
تالّي صفرْ ماصفوْ
الذهبْ يبقىٰ ذهبْ
والحصوْ يبقىٰ حصوْ
باليقظه انه اسكرتْ
حَتَّى بْخيالّي صحوْ ...
شلون بالفارغ وموْ گَدْهه وخرطْ
وكلْشّي ماكوْ عِدَه ويّگلّْك أكوْ
بيك اعرفْ زينْ وَجْهَكْ والّظَهرْ
بالوجه حبابْ وبظهري عدوْ
بعت مالاتي وبگت مالات اخوّي
وگلتْ عن مال الأخوْ موْ للأخوْ
وغلست عالبوگ كل قصدي السترْ
حتى بلكي اتّوُبْ وتّبَطّلّ السطوْ
عقل ذبّانَه بأقل طگه تموتْ
سعة عقلگ ثانيه الگيگه سهوْ
عالزباله عيش ظل الزمانْ
هناك غوغّي وموتْ والزگْ عالحلوْ
على الطگك تردْ ترجعْ من جديدْ
اتگله طگْنِي عْليكْ ماْاعيشْ بعلوْ
حالتك لهثانْ أعمى وفوگ بيرْ
والحبل مگطوع مزررف الدلوْ
انته لاْشئ هِيچْ هذا مستواك
انت فد نَمُونَه متگلّي شنوْ
شلون ماگلك دثوْ
تزعل اذا اگول العفوْ

الشاعر
ياسين حردان الساعدي