على الجفين ... وسهم العين.....اعاين وانهدم حيلي
ـــــــــــــــــــــــــــــــــــــــــــــــــــــــــــ
على اجفوفك كتبت اعتاب وحجاية محنه اتدور
بيني وبينك العباس اوضلع الطاهرة المكسور
من زغري وشفت بالعين كل لحظة التمر عاشور
يمر بيه ابتوالي الليل حلم واتصورك منحور
اشوف سيوف .... واحس بخوف ....وبيده الموت يوميلي
ـــــــــــــــــــــــــــــــــــــــــــــــــــــــــــ
على اجفوفك كتبت اعتاب وحجاية محنه اتدور
بيني وبينك العباس اوضلع الطاهرة المكسور
من زغري وشفت بالعين كل لحظة التمر عاشور
يمر بيه ابتوالي الليل حلم واتصورك منحور
اشوف سيوف .... واحس بخوف ....وبيده الموت يوميلي
ـــــــــــــــــــــــــــــــــــــــــــــــــــــــــــ
حجي الشمات يجرحني َونَه بوسط الزلم والنار
يدور الموت بخيامي وتتراكض ازغار اكبار
وطفله بحركة تنشدني يزينب وين عمنه صار
لوحة بشفة عطشانه بقت فوك الرمل تذكار
اصيحن راح .... تموت ارواح.... وآنه وغربتي وليلي
حجي الشمات يجرحني َونَه بوسط الزلم والنار
يدور الموت بخيامي وتتراكض ازغار اكبار
وطفله بحركة تنشدني يزينب وين عمنه صار
لوحة بشفة عطشانه بقت فوك الرمل تذكار
اصيحن راح .... تموت ارواح.... وآنه وغربتي وليلي
ـــــــــــــــــــــــــــــــــــــــــــــــــــــــــــ
تدري اشفرهد السلاب لمن طب عله خيامي
فرهد عهد خوتنه اوسلب خدري البقه ضامي
باك العشره ياعباس اورسم يمي نحر دامي
خلالي مرار ونوح اوبدل ضحكة ايتامي
مشه السلاب .... اوصحت بعتاب.... وينك كوم وحجيلي
تدري اشفرهد السلاب لمن طب عله خيامي
فرهد عهد خوتنه اوسلب خدري البقه ضامي
باك العشره ياعباس اورسم يمي نحر دامي
خلالي مرار ونوح اوبدل ضحكة ايتامي
مشه السلاب .... اوصحت بعتاب.... وينك كوم وحجيلي
ـــــــــــــــــــــــــــــــــــــــــــــــــــــــــــ
اشلون اعيونك اتغمض وآنه اسهر وهل العين
مو مدمع يصب عباس دم ينزل عله الخدين
اركض بين شاطي الماي والمذبح ونحر حسين
وعاتب من حضر سلمان وكله وين اروحن وين
تهت عباس ... اوسبتني الناس... ووديلك مراسيلي
اشلون اعيونك اتغمض وآنه اسهر وهل العين
مو مدمع يصب عباس دم ينزل عله الخدين
اركض بين شاطي الماي والمذبح ونحر حسين
وعاتب من حضر سلمان وكله وين اروحن وين
تهت عباس ... اوسبتني الناس... ووديلك مراسيلي
ـــــــــــــــــــــــــــــــــــــــــــــــــــــــــــ
مراسيلي الاوديهه وضمنها جرح وعتاب
واذكرك حيدر اشكلك وشوصاك داحي الباب
موكلك وديعه اختك لا تتركها بين اجناب
صرت اكره اشوف الماي جي خله ابدليلي صواب
جفت دنياي ... وكرهت الماي ... واكل لدمعتي سيلي
مراسيلي الاوديهه وضمنها جرح وعتاب
واذكرك حيدر اشكلك وشوصاك داحي الباب
موكلك وديعه اختك لا تتركها بين اجناب
صرت اكره اشوف الماي جي خله ابدليلي صواب
جفت دنياي ... وكرهت الماي ... واكل لدمعتي سيلي
ـــــــــــــــــــــــــــــــــــــــــــــــــــــــــــ
اجت نوك اليسر ونريد نمشي ويه الغرب ونروح
كلت للكايد الناكه مر بينه ابشريج الروح
بلجن لو سمعنه يكوم ولو صوت الحزن مبحوح
ردني للوطن عباس لو ماميت ومجروح
راح انروح ... اذا مجروح ... اكعد خويه باريلي
اجت نوك اليسر ونريد نمشي ويه الغرب ونروح
كلت للكايد الناكه مر بينه ابشريج الروح
بلجن لو سمعنه يكوم ولو صوت الحزن مبحوح
ردني للوطن عباس لو ماميت ومجروح
راح انروح ... اذا مجروح ... اكعد خويه باريلي
الشاعر الحسيني
السيد ابو تراب الياسري
جميل جدا ربي يوفقك
ردحذف