اليوم يالزهره إلج ونينه
وضلعج المكسور ماناسينه
اليوم لمصابج ننوح والكَلب ينزف جروح
وضلعج المكسور ماناسينه
* * *
اليوم يالزهره إلج تحله الدموع
اليوم لمصابج ندك اعله الضلوع
اصواب ضلعج ياام حسن كلش فجوع
بالكَلب ياام الحسن يجوينه
* * *
اليوم يالزهراء يابنت الرسول
كل محب دمعات يجريلج سيول
امقصرين اوياج يالبضعه اشنكَول
وانتي الج جبريل جر اونينه
* * *
إنتي ياام احسين حره اوطاهره
إنتي أم نورين تسطع زاهره
بت رسول الله شفيع الآخره
الكل محب يهواه فاز ابدينه
* * *
مانسينه اضلوعج المتكسره
وندري بالبسمار ضلعج عوره
ونار كَلبج يالزجيه اموجره
ولاجلج اعله اصدورنه دكَينه
* * *
اصواب صدرج ياام حسن بجه الحبيب
لا دوه يحصل إله اولاله طبيب
لاجلج الليله المدامع والنحيب
وبيج كل شيعي يقرهه لعينه
* * *
إنتي قرة عين للشيعه اوذخر
وابنج المذبوح مكَطوع النحر
بسمه نلهج دوم واندك عالصدر
وهوه بالمحشر فلا ينسينه
ليست هناك تعليقات:
إرسال تعليق