قصائد مكتوبة | الشاعرالسيد عدنان الحمامي | إستشهاد الزهراء (ع)

قصيدة بمناسبة إستشهاد الزهراء عليها السلام

-{ المستهل }-
يمه يمه ... سمعي يالزهره عتابي
يمه يمه ... گومي وياي ابـمصابي
گلبي جمر ... بَصدري حسره
گومي وياي ابمَصابي

ـــــــــــــــــــــــــــــــــــــــــــــــــــ
يايمه شحجيلج هضم ------ للًصخر هضمي ايفسره
مهضومه من جور الوكت ------وبصدري تلهب جمره
الامي بضلوعي غفت ----- وبخدي ماتت عبره
تردين اصبر بالصبر -------- هوه الصبر شيصبره
يمه يمه --------- بعيني مانشفت دمعتي
يمه يمه -------- بًصدري تجويني حسرتي
انتي ادره ----------- بصدري حسره
كومي وياي ابمصابي
ـــــــــــــــــــــــــــــــــــــــــــــــــــ
يالزهره انه اوديعتج ----- امن اللحد ليه گومي
يمه الهَضم ماينحمل ------ كثرت عليه اهمومي
من زغر سني اتيمت ----- ضلت الدمعه اليومي
وعيوني ماشافت فرح ---- ولاطيفه مر ابنومي
يمه يمه ------- بيه الام وهموم
يمه يمه ----- والحزن فوگي يحوم
دمعه جمره ------ بًصدري حسره
كومي وياي ابمصابي
ـــــــــــــــــــــــــــــــــــــــــــــــــــ
يايمه من ضيم الدهر ----- مانمت ساعه ابليلي
ومًصايب البيه گصت ----- يايمه اخذت حيلي
راواني اشكال الدهر ----- من الدهر يايويلي
راح العزيز وما رجع ---- وشلون بيه احجيلي
يمه يمه ------ عالنهر طاح الكفيل
يمه يمه ----- امصايب اعليه تميل
اجري عبره ---- بصدري حسره
گومي وياي ابمصابي
ـــــــــــــــــــــــــــــــــــــــــــــــــــ
طبع الصبر مر وكلف ---- وجرعت يمه صبرين
صبر اليًخزن بالگلب --- وصبر البجه ويه العين
ياما ويا ما هالشدد ------ يمه تجي مدري امنين
ولاشد واصعب نايبه ---- شلون احملت ذبح حسين
يمه يمه --- جم بدر شفته يغيب
يمه يمه --- جم ضنه لامه وحبيب
من انضره ----بصدري حسره
گومي وياي ابمصابي
ـــــــــــــــــــــــــــــــــــــــــــــــــــ
يايمه غابن جم بدر ---- بطف كربله امن اعيوني
اعزاز وعفتهم عالترب ---- يمه وتغير لوني
يمه ارد اسولفلج بعد ---- عگب اخوتي ضربوني
ساعتها مجتوفه بحبل --- اوللشامت ايودو ني
يمه يمه ----- ياجرح يبره ويطيب
يمه يمه ----- ا منين ابو فاضل اجيب
اعليه جسره --- بصدري حسره
گومي وياي ابمصابي
ـــــــــــــــــــــــــــــــــــــــــــــــــــ
شفت الگمر عالمشرعه ----- والجود بين اجفوفه
وشفت الحسين ابمصرعه ---- عين العمه اولاشوفه
والاكبر ابدمه سبح ------ وجسام وسط الحوفه
والاصعب اعليه واشد ---- يمه بحبل مجتوفه
يمه يمه ----- والله اتمنه المنيه
يمه يمه ---- مايصح لاجن بديه
بيش اجبره ------ بصدري حسره
گومي وياي ابمصا بي

الشاعر الحسيني
سيد عدنان الحمامي

مجلة الرواديد و الشعراء

قصائد مكتوبة | الشاعر عدنان الحمامي | إستشهاد الرضا عليه السلام

يالهمك ابگلبك -- لوضيعت دربك

للرضا امشيله -- وشعندك احچيله

---

يالعندك اهموم اشكثر ومدوهن الفكره

ومأيس انته أمن المرض للشفه تنتظره

للرضا اتعناله واخذ رايه اله خضره

واعگدها يمه وحلّفه أبفاطمه الزهره

امن العله تتشافه -- بالرضا والطافه

ابنذرك توفيله -- وشعندك احجيله

--

سلطان هوه بالكرم معروف وبعطفه

وهوه طبيب الكل علل والوادم اتعرفه

يالتشكي بعيونك رمد وتدور الوصفه

الشباچه طوفه وجمرتك من الرمد تطفه

العينك يشافيها -- والماي لوبيها

من عينك ايشيله -- وشعندك احجيله

--

چم اعمه من يمه دخل ويرد نظر عينه

بالجود ماواحد اجه مثل الرضا وينه

حتى الذي دين انطلب يوفي اله دينه

وللمعوز او عنده عسر ميقصر ايعينه

اطلبها اطلبها -- امن الرضا اطلبها

الغيره لتشكيله -- وشعندك احجيله

--

ياهو عزيز امفارگه لو مبتعد عنه

للرضا ايروح ايعفره الشباچه بالحنه

ومن عنده يطلب هالطلب مايعتذر منه

ايفرحه ابو محمد أبد ميخيبه الظنه

والغالي والغالي -- يرجعلك الغالي

وبوسات تهديله -- وشعندك احجيله

--

سيد عدنان الحمامي

قصائد مكتوبة - الشاعر السيد عدنان الحمامي - هَنيئاً لخدّام الحسين عليه السلام

هَنيئاً لخدّام الحسين فإنّهم

بهِ اِكتَسَبوا أجراً ونالوا به فخرا 

وفازوا بجنّاتِ الخلودِ ونعمة

عليهم مِنَ اللّه العظيم غدَت تترى 

وَلا سيما كانت لهم في محرّم

مواكب أحزانٍ بهم قد سَمَت قَدرا 

وكم أعين سحَّت عليه دموعَها

وأجرَت له دمعاً على خدّها عبرى 

وإنّ البكا والحزن والنوح والعزا

على اِبن رسولِ اللّه يَستوجبُ الأجرا 

وإنّ الّذي فيكم تمسّك واِلتجا

إليه وقد أدّى حقوق بني الزهرا 

فإنّ له عند الحسين مكانةً

يُلاقي بها الرضوان حين يرى الحشرا 

محمّد قد أدى لمولاهُ خدمةً

وَنَرجو له في الخُلدِ يبنى له قصرا 

وَتَشملهُ مِن بارءِ الخلق رحمة

ويسعد دوماً لا يرى البؤسَ والضرّا 

فيا أيّها الإخوان عزّيتموا به

وإنّي لم أبرح أقول لكم صَبرا 

فلا تَندبوا يوماً لفقدِ محمّد

ولكن على سبطِ النبيّ اِندبوا جهرا 

فإن حُسيناً بالطفوف لقد قضى

وبات ومنه الجسم عارٍ على الغبرا 

فَما غسلوه بل على التُربِ قد هوى

ومنهُ جيادُ الخيل قد وَطأت صَدرا

الشاعر الحسيني 

سيد عدنان الحمامي

مجلة الرواديد و الشعراء

قصائد مكتوبة - الشاعر السيد عدنان الحمامي - قصيدة گعده

گعده 

المستهل

..............

بشريان الدمه حبك يالحسين

وهذي صورتك مرسومه بالعين

واسمك بالگلب صار – تنبض وفه حروفه

,,,,,,,,,,,,,,,,,,

هاك اخذ عينات دمي وافحص اكريات بيها

ودقق ابفحصك يلايم بمجهرك من تخليها

وانظر بعين البصيره بكل جهد ركز عليها

وتشوف حبي الياسبب – تكتشف من سرها العجب

ابكل گطره يحسين انكتب – والگلب يحتظن ليها

حب ماله مثيل وابد ميصير

يعجز كل قلم يكتبله تعبير

قدوه الكل الاحرار – تنبض وفه حروفه

,,,,,,,,,,,,,,,,,,,,,,,

لو نويت اتشوف گلبي شرحه ابشفرت الحربه

وغوص بعماقه وتفرس والعقل خليه بگربه

وناقش افكارك تمعن جيب سمعك عله الضربه

شيگول بالضربه استمع –- بحب الحسين آنه ولع

ماجوز ولله للگطع --- لوتريد اگطع وجربه

ميميل الگلب وشحده لو مال

ثابت وبثباته ايزيل الاجبال

خلي اتوثق الاخبار --- تنبض وفه حروفه

,,,,,,,,,,,,,,,,,,,,,

وعيني اريد اتجس صباها والتمس شنهو اليسرها

الياصور داخلها تحمل اليامحب تشخص نظرها

للوفه وهاي الخدامه وثقت اجمل صورها

ابخدمة حسين اجمل صور --- حفظتهن وحفظت عبر

الها امان امن الخطر --- باچر بساحة المحشر 

بالمحشر ابد ماتحزن العين

دنيه وآخره اتحصل هالاثنين

حبه اليحجب النار – تنبض وفه حروفه

,,,,,,,,,,,,,,,,,,,,,,,

هذا حب حسين هذا عايش بدمي وكياني

أمي رضعتني ولائه وخدمته امسجله ابياني

نطقتني احروف اسمك بسمه ظل يلهج لساني

وبهل العمر لمن صرت --- بحب الحسين اتنورت 

وبهل الخدامه اتبصرت --- وحصلت كل الاماني 

رفعه حصلت ونطاني هالجاه 

چي خادم اله وخلصت وياه

حبه نور الابصار --- تنبض وفه حروفه 

,,,,,,,,,,,,

هالخدامه شرف بيها وغير هالخدمه مذله

جاهد بهل الخدمه جاهد والسبع يترس السله

خلي بحسين اتصالك شده حبلك لاتحله

وتحصل العز والشرف --- وباچر تنول اعله الغرف 

درب النجاة النه انعرف – وهالدرب لا مانمله

امشي بهل الدرب درب الخدامه

صك اتحصله ختمه السلامه

والميقدم اعذار – تنبض وفه حروفه

,,,,,,,,,,,,,,,,,,,

اسعي والمسعه ابخدمته فاطمه الزهره تنظره 

اجازي لليخدم حسين وباچر بگبره تحضره

وارد اخبرك بعد اكثر گاعده بهل العزه الزهره 

تجري عله حسين الدمع

وتهيج آلام الضلع

ياهي المثلها تنفجع 

هالدمع حگ عله حسين ابضلع مكسور شيجبره

الشاعر الحســــــيني

...........سيد عدنان الحمامي ............ 

مجلة الرواديد و الشعراء

قصائد مكتوبة - الشاعر سيد عدنان الحمامي - قصيدة للأنصار

قصيدة للأنصار - اللهم أجعلنا من أنصار و خدام الحسين عليه السلام 

يحسين الك انصار -- طيبه المراضع

يوم الحرب لوصار -- عالحگ تدافع

الله الذي يختار -- هالصفوه والاخيار

--

يحسين الجهاد ايريد -- ناس الماتهاب الموت

ترفض كل عبوديه -- وترفع عالطغات الصوت

للذل ماتمد يدها -- تسحگ عالمنايا أتفوت

وكل أسم الذي اختاره -- ربك بالعرش منحوت

بيهم يريد الدين -- يعله مقامه

الحكم الطغاة ايدين -- يرفض نظامه

والفازوا بهل الدار -- هالصفوه والاخيار

--

ابساحات الكفاح انشوف -- ما واحد بقه خالد

بس انصارك السبعين -- واحدهم بالف واحد

منهم للشهاده ايريد -- ويحصل المجد رايد

ظلت كربله تفخر -- بيهم والزمن شاهد

السان الزمن كل حين -- يذكر فضلهم

هالفتيه المضحين -- ميصح مثلهم

من يوصف الاحرار -- هالصفوه والاخيار

--

لبّوا للعقيده الصوت -- يالاحرار نادتهم

وبأرض الشهاده اصفوف -- سور اتصير وگفتهم

والرايه حبيب بايد -- هزها وهيه جمعتهم

بيها الشرف والوجدان -- بيها العزّه رايتهم

هالرايه بيد احرار -- اتحير خصمها

همه حماة الدار -- همه قممها

سيوف وعصف من نار -- هالصفوه والاخيار

--

صبوا هالحمم وسيوف -- ظلت عالرگاب اتطوف

وارتعبت بني أميه -- الموت ابهل السيوف اتشوف

ليهم من نزل عابس -- انصابوا بالذعر والخوف

ابصدره يشگف الطعنات -- وارماح العليه وسيوف

خلي الاحرار اتشوف -- هاي البساله

ويه الحسين اصفوف -- ابساحة نظاله

ماقدموا أعذار -- هالصفوه والاخيار

---

هذا اللي يريده حسين -- كون امن الصلابه اصلب

ايريده بالعزم ثابت -- وخصمه منه يتهيب

يصبر لو يحزه السيف -- ايخلي الصبر يتعجب

ويريد ابسمه الامجاد -- يتخلد يظل كوكب

لبوا نداء الله -- لمن دعاهم

نادوا ياحسيناه -- بذلوا دماهم

نالوا رضا الجبار -- هالصفوه والاخيار

---

قدموا دم مناحرهم -- كل قطره صفت ثوره

واخذوا منهم الثوار -- ادروس التضحيه وعبره

واليبذل لجل هالدين -- عند الله عله قدره

ومن ضحه ابو السجاد -- حي مامات ظل ذكره

كربله روح وشوف -- نور الامامه

عالگبر من اتطوف -- اتحس بكرامه

ومن صحبته الانوار -- هالصفوه والاخيار

--

الشاعر الحسيني 

سيد عدنان الحمامي

مجلة

الرواديد و الشعراء

قصائد مكتوبة -الشاعر السيد عدنان الحمامي - استشهاد الجواد عليه السلام

باب المراد -- من عنده اطلب حاجتك

من الجواد -- تاخذها بـــــيدك طلبتك

------------

شفنه شاراته شكثرها للجواد وشفنه نوره

ياهو من عسر الزمان وعنده متعسره اموره

يعتني الباب المراد ابنيته صادق من يزوره

لله ويوجه دعائه تنگضي ويكثر سروره

لمن تطب ---- بالعتبه عفّر غرّتك

باب المراد ---- بسم الله يگضي حاجتك

---------------

جنتّه هذي تشاهد للجواد العنده شاره

والذي عنده عليل او للشفه مل انتظاره

والذي معوز يعيش بعيشته قل اصطباره

منه يطلب بيده ياخذ مايقدمله اعتذاره

الوادم تشوف ---- تفرح بثغرك بسمتك

باب المراد ---- بسم الله يگضي حاجتك

-----------------

للجواد اتشوف نوره وللافق يضوي سراجه

كل ملك چان اليزوره ابعتبته يحنيله تاجه

ويعتني البيه علّه يمه العلته ياخذ علاجه

ايحصل امراده اليريده البلجواد لله ناجه

يل تعتنيه ---- اعگدها يمه رايتك

باب المراد ---- بسم الله يگضي حاجتك

----------------

هالزمن شاهد عليهم هالجوادين الايمه

ياهو هم اچبير عنده لو دخل يجلوله همه

رحمة الله الوسيعه او للحوايج باب همه

وللجواد العنده حاجه او مشكله بيها يكلمه

من الفؤاد ---- سولفله عن هم دنيتك

باب المراد ---- بسم الله يگضي حاجتك

---------------

يمه اگصد يالتزوره الكاظم الغيض اعتنيله

موسى بن جعفر ضريحه هوه للتايه دليله

يجبر الخاطر يسرك يجمع الخل ابخليله

تاخذ اشمتريد منه عنده چم شاره او فضيله

تحصل التريد ---- ابشباچه تكمل فرحتك

باب المراد ---- بسم الله يگضي حاجتك

---------

كلنه هالليله نطالب بالدعاء ايلم شملنه

ايوحّد الكلمه او ننادي هالعراق ايظل املنه

اخوه يجمعنه محمد قبله وحده الكل تلمنه

يبعد الشر عن وطنه خيره يشمل كل اهلنه

ادعي الامان ---- والباري يسمع دعوتك

باب المراد ---- بسم الله يگضي حاجتك

----------------------

الشاعر الحسين 

السيد عدنان الحمامي

مجلة 

الرواديد و الشعراء

قصائد مكتوبة - الشاعر السيد عدنان الحمامي

بطوس الرضا ينعاك -- يوليدي ألله أوياك

يبني الجواد أتروح -- مثلي الچبد مجروح

يوليدي الله اوياك

--

من چبد بالسم تگطع من غريب أمفارگ أبنه

أمن الرضا لأبنه الجواد الرايد ابلهفه يحظنه

والألم من سم دليله بدمعة اعيونه يسكنه

هوه هم مثله غريب ويدري هاي الغربه محنه

ياغربة الاوطان -- شتعذب الانسان

ايظل بس جسد لاروح -- مثلي الچبد مجروح

يوليدي الله اوياك

--

عالرضا قبل الجواد وقبله عالكاظم مصيبه

أتغرّبوا تركوا وطنهم كل محب فارگ حبيبه

مارحم بيهم قدرهم كل چبد يسعر لهيبه

والذي يختم حياته اجنازته تصبح غريبه

الكاظم سجن وقيود -- لهله النعش ميعود

ظل عالجسر مطروح -- مثلي الچبد مجروح

يوليدي الله اوياك

--

امصيبه فوگ أمصيبه مرّت عالهواشم مامثلها

فاطمه المعصومه ظلت بالغرب لايم اهلها

وزينب العاشت مصايب دمعه عالدمعه تهلها

لو رقيه وراس ابوها اتعيش عگبه ما مهلها

لو بالبقيع اگبور -- محرومه حتى النور

أچبود ودمع مسفوح -- مثلي الچبد مجروح

يوليدي الله اوياك

--

ياجواد الامه انته للمراد أكبر وسيله

انته باب الرحمه انته انته للتايه دليله

والطلب منك طلبته اتفرحه اتبّرد غليله

عدنه طلبه ردنه منك شافي ارواح العليله

يالتكرم الوفاد -- منك نريد أمراد

الغيرك ابد منروح -- مثلي الچبد مجروح

يوليدي الله اوياك

--

انتو باب الرحمه ربكم عالبشر انزل رحمته

بيكم الباري رحمنه وتمم اعلينه نعمته

والذي يذرف لجلكم دمعه تشفع له دمعته

شمعه وبگبره تضوي وعينه مسروره بوحشته

انجدد عهد هاليوم -- نخدمكم انظل دوم

والشارك بهل النوح -- مثلي الدمع مسفوح

يوليدي الله اوياك

الشاعر الحسيني 

عدنان الحمامي