قصائد مكتوبة | الشاعر جابر النجفي | إستشهاد الزهراء (ع)

قصيدة بمناسبة إستشهاد الزهراء عليها السلام

أنكرونه يبويه إو مارعونه
دار حيدر تنولـــي ... وأنكروا بيعة علي
أنكرونه يبويه إو مارعونه
ــــــــــ
من حقدهم مارعوني == وانــــــــي بنتك فاطمه
زمرة الشر روّعوني == وأغضبوا رب السمــــه
شاخصه الحيدر عيوني == بالصبـــــــر حامي الحمه
دم تراها دمعتــــــــي === روحي ظمّت حسرتي
أنكرونه يبويه إو مارعونه
ـــــــ
بضعتك آني الوديعه == أنكــــروا حقّي إبفدك
خالفوا هاي الشريعه == نــــــــاح وإهتز الفلك
صَوّبتني هالفجيعه == ماوفوا حق الألَك
واني شلّي إبنِحْلتي === ظلمه بعدك دنيتـــــي
أنكرونه يبويه إو مارعونه
ـــــــ
ما طُفت نار السقيفه == يامُحمـــــّد ما هِـــــــدَتْ
زحفت البيتك عنيفه == منهـــــــا نيران إبتدتْ نالت
العتره الشريفه == ﺗﭽوي بيها إو ما طُفتْ
شبّتْ إبدار الوحي === كُل أملهم تنمحــــــي
أنكرونه يبويه إو مارعونه
ــــــ
لو تشوف إلّي جرالي == مــــــــن أراذل أمتــــــك
لازم إتحن إعلى حالي == تجـــري وإتصب دمعتك
من لفوا بيتك يغالي == أرعبوها عترتـــــــــــك
باب عزّي يندفع === وإنكسر منّي الضلع
أنكرونه يبويه إو مارعونه
ـــــــ
رادوا إيبايع علينــــه == بالغصب ما يعترض
والشهم حيدر ولينه == والوصي لأهل الأرض
من صحت يأحمد نبينه == طاعـــــــة الوالي فرض
وإبأمر ربنه العلي === صار حيدرنه الولي
أنكرونه يبويه إو مارعونه
ــــــ
ﮔادوا الكرار حيدر == رادوا إيبايــــع علي
من وراه ﮔلبي تَحَسّر == أمشي وأندب ياولــــي
خلّوا عن والينه الأطهر == والرزايـــــــــه تعتلــــــي
لو أنادي المقتــدر === يفني كُل ظالم أشِر
أنكرونه يبويه إو مارعونه
ــــــ
من بعد هاي المصايب == ما صُفتلـــــــــــي دنيتي
روحي بالهم ﮔلبي ذايب == نار تجري عبرتــــــــــي
العن الزمره النواصب == حاربوني إو حسرتـــــي
ثبتتْ إو ما تنشلع === صـوت إلها ينسمع
أنكرونه يبويه إو مارعونه
ـــــ
حلّتْ الحيدر وصيتي == مــن قرب يوم الأجل
إخفي ﮔبري لو منيتي == حلــــــّتْ إو غاب الأمل
والشعل بالنار بيتي == ما يِشَيّعنــــي الجهل
راعي بنتي ياعلي === أدري بعدك تنولــــي
أنكرونه يبويه إو مارعونه

الشاعر الحسيني
جابر النجفي

#الليالي_الفاطمية
#يافاطمة_الزهراء
#لعن الله ظالميكِ فاطمة
مجلة الرواديد و الشعراء

ابوذيات | الشاعر جابر النجفي | مولد الرسول محمد (ص)

صلّي إعلى النبي إو تصبح بلاهَمْ == أهـــل بيته الهُدى ضايع بلاهُمْ 

بالأحـــــزان خالقنــــــه بلاهُـــــــــمْ == صَبُرْهُم من صَبُر سيد البريه 

ــــــــــ

رحمه إو خير أحمد صــــار كَفــّه == نشر دين الهُدى إلمختار كَفــّه 

والشر بالنفوس إنــــــــزاح كَفـُّه == وزيره المرتضه حامي الحميه 

ــــ

حُوَت أرض إو سمه إسمه وطيبه == بزغ نوره إبأرض مكه وطيبه 

أبو القاسم دوه المؤمن وطيبه == يزيل الهم أبو النفس الأبيه 

ــــ

خديجه الطاهره عونـه وَعَمّه == أبو طالب حمه دينه وَعّمّه 

وﺤﮔها سورة التوبـــــه وَعَمّه == ما ننساه أبو العتره البهيــّه 

ــ

عن حُبّك أبد ما زَلْ ولامال == ﮔﻟﺑــﻲ إو ما أود دنيه ولامال 

أريدك تشفع إو تنظــُر ولامال == تحضـــر باﻟﮔﺑر يابو الزﭽيه 

ــ

طيبه إوعاليه تزهي خلالـــــك == هدانه الله إو شفينه من خلالك 

فؤادي بس إلك وحدك خلالك == وهل بيتــــــــك ينبع الهاشميـّه 

ــــ

وﺤﮓ الله الذي ناداك وســــــــراك == عرج بيك الامين الفوﮒ وسراك 

محبتك راسخه مولاي وسراك == يوالون الوصــي حامي الحميه 

ــ

ﺣﭽﻲ المبعوث يهدينه يسرنــه == ماظل وإنتهى إبجيته يسرنه 

عسرنه راح والباقي يسرنـــــــــه == رحمه المصطفه إو فيـّاض ضيــّه 

ـــ

مُحبّك يانبي جنه جزالــــــه == كلامك منملي حجه إو جزاله 

ذهن كل اليحب يهوه جزاله == ينيـــــر إعقولنه إو تصبح نقيـّه 

ـــ

دين اﻟﺤﮓ إجَه بيه إو عداله == زرعها والكــُفر صارت عداله 

أبد ماكو عصر يشبه عدالـه == بضوه الهادي النبي عمّ البريه

ـ 

بعث الله النبي منذر وُجاهـــــــا == ﻟﮔــــه الأمـه إبخزي الباطل وجّاها 

حماها إو بالعدل صارت وجاها == إلهـــــــــــــا إو بالأمم صارت زهيه 

ــ

من طه النبي الأمه علمها == بســــم أحمد ﺒﮔــه عالي علمها 

أخلاق إو إبـــــه إو رحمه علمّها == وأصبـــــــح رايه للأمـــــــــه إو هويه 

ـــ

نهنــّي المرتضه الوالي وَرَدْنَه == بالمنـــــذر أبو القاســـــــــــم وَرِدْنَه 

علي إيْشِمّه عطر هذا وَرِدْنَه == يهديـــــــه إلابــــو الزهره الزﭽيه

الشاعر الحسيني 

جابر النجفي  

قصائد مكتوبة | الشاعر جابر النجفي | | إستشهاد الحسن العسكري عليه السلام

يا أبـــــــو إمحمـــــّد ( تجليبه )

ـــــــــــــــــــــــــــــــــ

فرض واجب نزورك يا أبو إمحمد === وحـــــــدك ما نعوفــك يا إبن أحمد

ـــــــــــــــــــــــــــــــــ

وحدك ما نعوفك يالحســـــــن مولاي == نجيك إزحوف وإشمحله المسيره هاي

لازم كل موالي ﻴﮔصدك عنـّاي == نارك ساجره بالروح ما تخمد

ـــــــــــــــــــــــــــــــــ

نارك ساجره بأرواح أنصارك == ملهوفين للحضره إو عـُطر دارك

سامرّه زهت من فيض أنوارك == محـّد يوصــــل الحــدّك أبد محــّد

ـــــــــــــــــــــــــــــــــ

محـّد يوصل الحدكم يساداتي == عليكـــــم جاريه للدوم دمعاتي

أريد أرفع مع الموعود راياتي == على كل ناصبي ويـّاه أقيم الحد

ـــــــــــــــــــــــــــــــــ

يخســَه الناصبي والداعشي الغادر == لازم مـــــن وطنـّه يمشـــــي وإيغادر

وذا راد إبغباءه ﻴﺒﮔــه هالفاجــــــر == أصـُب ناري عليه إو صولتي تشهد

ـــــــــــــــــــــــــــــــــ

أصـُب ناري على اﻟﮔاصد يلاويني == أبــــــــــو الحسنيين بالهمـّه يغـــذّيني

وبو فاضل أشوفه إبروحي وإبعيني == ويـّاي الكفيـــــــــــل إو زوده ما ينصد

ـــــــــــــــــــــــــــــــــ

ويـّاي الكفيل إبرايته العبـــــــــّاس == يزيح إبصارمه عن موطني الأرجاس

وظل آني فدائي ما أدﻨــّﮓ راس == لخلـــّي جيــش أميــّه يشرد إو ينهد

ـــــــــــــــــــــــــــــــــ

لخلـــّي جيش أميــّه ما يشوف النور == وخلــّي إيزيــد بوهامه الغبي المسعور

ونادي يا أبو الثارات يامنصور == أبـــو سفيان هذا الخارجي إتمــرّد

ـــــــــــــــــــــــــــــــــ

أبو سفيان هذا الخارجي إبأرضي == أطلبــــــــه دين ديني راح ما ﻴﮔضي

حتــّي إيزول كل ناصب قزم يمضي == وشــــــــوف النور والخيرات ما تنعد

الشاعر الحسيني 

جابر النجفي

قصائد مكتوبة | الشاعر جابر النجفي |واويلي عالمسموم

واويلـــــي عالمسمـــــوم

( البحر الطويل )

إبن الزهره === وإبسامرّه

سمـّوه إبهذا اليــــوم === غاب الوالي المظلوم

واويلي عالمسموم

ـــــــــــــــــــــــــــ

وصـّانــــه رســــــــول الله == نداري العتره وإنودهُم

فرض حبهم يداوي الآه == محــّد يوصـــل الحدهـُم

لكن من بعد عيناه == ظهروا ناصبه ضدهـُم

ظلم وأحقــــــــاد واويلاه == كل فاجر قذر صـَدْهـُم

صاح الهادي === آ يـــــولادي

ظلموكم بعدي اﻟﮔوم === غاب الوالي المظلوم

واويلي عالمسموم

ـــــــــــــــــــــــــــ

غريـــــب إبديـــــــرة الظـُلاّم == أبو المهدي الحسن سمـّوه

والشيعــــــه إبحزن وآلام == إمام الخير من ﻓﮔدوه 

تــِيـَـتــّم من مـُضه الأسلام == والأحباب ما ينســـــــــــــوه

نواصب جاهليــّه أقـــزام == إبن طه النبي ظلموه

وإنسم ﭽبده === صار إبشدّه

والمهدي إعليه مهموم === غاب الوالي المظلــــوم

واويلي عالمسموم

ـــــــــــــــــــــــــــ

جـُروحك يالحسن مولاي == جرحــت بالحشى أحبابك

أبد ما ينهضـُم ﺷﭽــّاي == إذا راح إو ﮔصـــــد بابــــــك

جرت من دم إلــَك عيناي == وحيـــــــد إو يعمي إمصابك

يوفــّقني إلهي إبهاي == أصير إبيوم خطــّارك

يدعي الباري === دمعي الجاري

وأنصــُب مأتم للدوم === غاب الوالي المظلوم

واويلي عالمسموم

ـــــــــــــــــــــــــــ

سامـــــرّه إنملـت أنـــــوار == من لامس تــُربها النور

نور العسكري المحتــــــار == من ضيم الحقد والجور

بعيدين الأهل والـــــدار == عنـــّه والرزايه إتدور

بني العبـّاس بيهم عار == حقدهــم لاهب إبكـُل دور

واليوم الشر === ﻴﭽـوي إو أحمر

عاد إبسامرّه إيحوم === غاب الوالي المظلوم

واويلي عالمسموم

ـــــــــــــــــــــــــــ

عزائي الفاطمه الزهره == دمـــــوع العين أجريها

ﮔلبي مشتعل جمــــره == على إمصابه أواسيها

أدري المنتظر فجـــــره == يوم إيحل يداويها

وأدري من يهل بدره == ما ﻴﺒﮔــــون أعاديها

تـــِشــْفـَه إجروحه === يخلص نوحـــــــه

ﮔلبه إيطيب اﻟﻣﻟﭽوم === غاب الوالي المظلوم

واويلي عالمسموم

ـــــــــــــــــــــــــــ

نظـــــــل ننصـــب مآتمكـــم == يهل بيت النبي الأطهار

يــِهــِمـْنـَه كـُل أسى إيهمكم == عاهدنـــــــه الوصي الكرّار

نواسي الطاهره أمكـــــــــم == نواسي المصطفه المختار

نفديه الثـــــــــرى الضمكـــــم == نزوره إو ما نخاف أخطار

ما ننساكم === إحنه إوياكم

نور الباري الموسوم === غاب الوالي المظلوم

واويلي عالمسموم

الشاعر الحسيني 

جابر النجفي

قصائد مكتوبة | الشاعر جابر النجفي | إشحد الدواعش

إشحــــــــّد الدواعـــــــش 

( تجليبــــه )

يبو المهدي جنودك إحنه وأنصارك === وإشحـّد الدواعش توصل الدارك

ــــــــــــــــــــــــــ

وإشحـّد الدواعش ما يخوفونـــه == تظل دارك يبو الهدّات مامونه

يفديها المجاهد دوم بعيونـــــــــــــه == رغم كل النواصب ﻨﺒﮔـه زوّارك

ــــــــــــــــــــــــــ

رغم كل الدواعش ما نعوف الدار == مـا يبرد عزمنه من علي الكرار

فصايل للجهاد إو ما نهاب أخطـــار == علينه إتشع يراعي الجود أنوارك

ــــــــــــــــــــــــــ

علينه إيشع أملنه المهدي أنواره == منـّك يالحسن والينه أســـــــراره 

ننتظره يجينه إو ياخذ إبثــــــاره == وإحنه إوياه ناخذ سيدي ثارك

ــــــــــــــــــــــــــ

وإحنه إوياه حاميها الشريعه إنصول == نجاهدهــــــــم أميـّه إبهمـّة المأمول

ما ﻴﺒﮔـه الظلام إبهل الوطن وإيزول == وإنطفــّي يبـــــــو إمحمد غداً نارك

ــــــــــــــــــــــــــ

وإنطفـّي لظاها فاطمه الزهــــــــره == ضلعها ناخذ إبثاره إو ألم كسره

يامعصوم ﮔلبك ينتهي جمـــــــــــره == يوم إتشوف إبنك جاي خطـــّارك

ــــــــــــــــــــــــــ

يوم إتشوف إبنك يالحســــــــن يمــّك == تزول أحزان روحك ما يظل همــّك

نلعن باغضك والشـــــارك إبسمــّك == والموعود يحمي العاليه أسوارك

ــــــــــــــــــــــــــ

والموعود سامرّه يحل بيهــا == وإشحدهم يلاﮔـونه أعاديها

والأمجاد والرايـــــــات يــِعــْليها == وإحنه إنفوز بالرايات نتبارك

ــــــــــــــــــــــــــ

وإحنه إنفوز لازم ما تهمنه إجــروح == رمزنه إحسين أبو اليمـّه الولي المذبوح

تطيب إبشوفة المهدي إو تهيد الروح == وإبدولـــــــــــــة إمام الخير نتشارك

ــــــــــــــــــــــــــ

الشاعر الحسيني 

جابر النجفي

قصائد مكتوبة - الشاعر جابر النجفي - استشهاد الامام الحسن عليه السلام

إﮔصد الزاكي الحسن بأرض البقيع == هذا إبن حيدر على الوالي الشفيع
يشكي للباري السميع === هذا إبن حيدر على الوالي الشفيع
ــــــــــــــــــــــــــــ
عترة الهـادي == بالألـــــم والآه
والنبي إينادي == سيدي إو ربـّاه
إرحـم إولادي == مـن ضلال التاه
مارعوهم من بعد عيني البشــر == بالقتل والسم ﮔضــوا حل الخطر
والحسن بالسم صريع === هذا إبن حيدر على الوالي الشفيع
ــــــــــــــــــــــــــــ
للزكي المسموم == دمعتي إبعينــــاي
ودّع إو مهموم == سيــدي إو مولاي
ما تعـــذر يـوم == نوره يشفي الداي
بالكرم هذا الولي صار المثل == حاجــــة السايل يلبــّيها إبعجل
بالألم صدره وسيع === هذا إبن حيدر على الوالي الشفيع
ــــــــــــــــــــــــــــ
واجه الأشــرار == والغدر والجور
واﻠﮔلب بي نـار == والرزايه إتدور
صابر إو محتار == والعدو مسعور
ما خضع للشر أبد زود الحسن == لكــن الهم عـِلــَه إو جار الزمن
ثابت السور المنيع === هذا إبن حيدر على الوالي الشفيع
ــــــــــــــــــــــــــــ
مهجة الزهـره == نازف إصوابــه
ملتهب جمـره == من بغي أصحابه
وإنتهى عمره == ما غلق بابــــــه
واجب إنواسي الزﭽيـّه فاطمه == والمصــاب المـُجتبه ﺗﺑﭽـي السمه
صــوّبه السم الفضيع === هذا إبن حيدر على الوالي الشفيع
ــــــــــــــــــــــــــــ
سيدي يحسيــن == واجب إنعزيــك
بالحسن ناريـن == ﭽبدته إو تاليك
من تغيث الدين == تنصره إيناديك
والحسن نادَه يخويه ياحسين == يومك أعظم لازم إيحل إو يحين
ثورة الظامي ربيع === هذا إبن حيدر على الوالي الشفيع

الشاعر الحسيني 
جابر النجفي 

مجلة الرواديد و الشعراء

قصائد مكتوبة - الشاعر جابر النجفي - موشح للإمام الحسن عليه السلام

موشح للإمام الحسن عليه السلام 

ــــــــــــــــــــــــــــــــــــــــــــــــــــ

مارضت روحــي تفارﮔﻬــــــم تروح == من ﻟﮔيت إترابهم ﻳﺑﭽـــي إو ينوح

- - - - - - - - - - - - - - - - - - - - -

من ﻟﮔيت إتراب مولاي الحسن == ﻳﺑﭽي من شينـات أرباب الفتن

يشتكي لله من هذا الزمـــــــــن == يشتكي والصوت بالدنيه يلوح

- - - - - - - - - - - - - - - - - - - - -

يشتكي والصوت يصعد للسمـــه == ياإلهي هذا إبن حامي الحمه 

مسحت إترابه العصابه الغاشمــــــه == والحسن ظلموه وإنصاب إبجروح

- - - - - - - - - - - - - - - - - - - - -

والحسن ظلموه أكثـــــر شيعتـــــه == من مشوا عنّه إو نسوها بيعته

تركوا المظلـــــوم عافـــــوا نصرتــــه == والغدر بان إو ظهر يمشي إبوضوح

- - - - - - - - - - - - - - - - - - - - -

والغدر بان إو ظهــــــر يلمصطفـــه == والحسن ﭽبده إنمرد ينزف صُفه

بس أبو إمحمد ضياءه ما طفـه == ظل تـُرابــــــه بالألم إلنَه يبوح

- - - - - - - - - - - - - - - - - - - - -

ظل تـُرابه بالألم يشكي الخـــــــــراب == والموالي من يجي إيشوف المُصاب 

يسمع أصوات النواصب كالذئـــاب == من يزور المجتبه إو يمّه يروح 

- - - - - - - - - - - - - - - - - - - - -

من يزور المجتبه إبأرض البقيع == ﮔاصـــد المسموم مولانه الشفيع 

يسمع الأشرار كل ناصب وضيع == يمنــع الزوّار عن ذﻳﭻ الصروح

- - - - - - - - - - - - - - - - - - - - -

يمنع الزوّار من لمــــــــس التــُراب == ناصبي إو يكره علي الوالي المُهاب 

يكره أولاد النبي طه المُجـــــــــــاب == خلــّف الحسرات وإبروحي الجروح

الشاعر الحسيني 

جابر النجفي 

مجلة الرواديد و الشعراء

قصائد مكتوبة - الشاعر جابر النجفي - موشح لشهر محرم

-{موشح}-

ياشهر عاشور ما ننسه النحر 

ـــــــــــــــــــــــــــــــــــــــــــــ

ياشهر عاشور ما ننسه النحر === شافته الحره إبجراحات النظر

ـــــــــــــــــــــــــــــــــــــــــــــ

ياشهر عاشــــور من نــــار الحــزن == روح أبو الزهره النبي الهادي تون

ننســـــــــه آلام العقيلـــه لا تظــــن == من تركها إحسين وإختار السفر

ـــــــــــــــــــــــــــــــــــــــــــــ

ياشهر عاشور هليت إو إجيـــــت == وإحنه بالآلام من يوم المشيت

ما نسينه إحسين وإنت المانسيت == ما يزول الحب أبد طول الدهر

ـــــــــــــــــــــــــــــــــــــــــــــ

ياشهر عاشور ما ننسه العلــــم == من ثبت باﻠﮔـاع بدموع الألم

ما مشه العباس وإيخط القلم == غيرتـه الماتنتهي مثل النهر

ـــــــــــــــــــــــــــــــــــــــــــــ

ياشهر عاشور ما ننسه الرضيــــع == من ﺳﮔـاه إبنبلته الباغي الوضيع

منحره الفياض بالحب والربيـــــــع == ظل يبث الصوت وإيناغي الظفر

ـــــــــــــــــــــــــــــــــــــــــــــ

ياشهر عاشور ما ننسه الشبـــاب == كوكب الأكبر مضه إو راد الغياب

خيم إعلى إحسين بغيابه الضباب == وأمــه بالحسرات والهم والخطر

ـــــــــــــــــــــــــــــــــــــــــــــ

ياشهر عاشور ما ننسه الغريب == من إجــاه القاسم إبنار اللهيب

نادي ياعمي يبو اليمه الحبيـب == رايد أفديها النفس آني إبفخر

ـــــــــــــــــــــــــــــــــــــــــــــ

ياشهر عاشور ما ننسه حبيــب == من هتف لبيك يحسين المهيب

قائد الأنصار للخير الرحيـــــــــب == زوده بالحومه على الدنيه إنتشر

ـــــــــــــــــــــــــــــــــــــــــــــ

ياشهر عاشور ما ننسه السفير == مسلم الواجه أميه إو كل حقير

أول الثـــوار قدوتهــــــم يصيـــــر == فاز أبو الهدات باﻠﺤﮓ وإنتصر

ـــــــــــــــــــــــــــــــــــــــــــــ

ياشهر عاشور ما ننسه الخيول == داسـت المذبوح وإحتار الرسول

ﻠﭽمت الكرار والزهره البتول == وإﻨﻠﭽـم ﮔلب العقيله وإنفطر

ـــــــــــــــــــــــــــــــــــــــــــــ

ياشهر عاشور ما ننسه العليـــل == بالمآسي إو يشكر الباري الجليل

من مصايب كربله إبهمه الثجيــــل == ذايبه الروح إو مشه إعليها الكدر

ـــــــــــــــــــــــــــــــــــــــــــــ

ياشهر عاشور ما ننسه السبي == من خـذوا للشام حرمات النبي

والضعن يحديه ظالم ناصبـــي == والولي السجاد راضي بالقدر

ـــــــــــــــــــــــــــــــــــــــــــــ

ياشهر عاشور جيت إو بالجروح == مبتلي هذا الوطن ﻳﺑﭽـي إو ينوح

والسبي عادوه وإنعاد النزوح == والخـوارج شرهم إعلينه ظهر

ـــــــــــــــــــــــــــــــــــــــــــــ

ياشهر عاشور جيت إو بالبلاد == عاثــــوا الأشرار وإنهان العباد

والمراجع أفتوا إو نادوا جهاد == وإحنه لبينــــــه النداء المنتظر

ـــــــــــــــــــــــــــــــــــــــــــــ

ياشهر عاشور ننتظره الأمـــــام == قايم العتره الولي المهدي الهمام

من يجي نرفعها رايات الســــــلام == ينتشر خيره إو يفيض إعلى البشر

ـــــــــــــــــــــــــــــــــــــــــــــ

الشاعر الحسيني 

جابر النجفي 

مجلة 

الرواديد و الشعراء

قصائد مكتوبة - الشاعر جابر النجفي - نزلة للإمام علي عليه السلام

ياعلي الغوث يبو إحسين ( نزلــه ) 

.....

ياعلي الغوث يبو إحسين يراعي المرجله

ـــــــــــــــــــــــــــــــــــــــــــــــــــــــــــــ

كــَفــّرونه ياولينه الناصبـــــه == ياعلي الغوث يبو إحسين يراعي المرجله

والنفوس الحـَرّرتها غاضبـــه == ياعلي الغوث يبو إحسين يراعي المرجله

كل موالي ﺗﭽــوي ناره لاهبه == ياعلي الغوث يبو إحسين يراعي المرجله

ما نخاف إو ما نذل == والوهابـــــــي يرتحل

نرفع السيف على الباع وطنـــّه إو نــِقــْتلــَـه

ياعلي الغوث يبو إحسين يراعي المرجلــــــه

ـــــــــــــــــــــــــــــــــــــــــــــــــــــــــــــ

داعشيـّه إو جاهليـّه بالوطــن == ياعلي الغوث يبو إحسين يراعي المرجله

دنــّسوها هالأرض يا باالحسن == ياعلـــي الغوث يبو إحسين يراعي المرجله

عادت الآلام وأيـّام الفتـــــــن == ياعلي الغوث يبو إحسين يراعي المرجله

بالجهاد إو بالظفر == واجب إنزيل الخطر

ننزل الموت على الجاي نزيحه إو باطلــَه

ياعلي الغوث يبو إحسين يراعي المرجله

ـــــــــــــــــــــــــــــــــــــــــــــــــــــــــــــ

عاد للدنيه يزيد إو زمرتــــه == ياعلي الغوث يبو إحسين يراعي المرجله

كربله يوصل يريد إبهجمتــه == ياعلي الغوث يبو إحسين يراعي المرجله

لكن أرواح إبعزمها إﺗﻠﮔــّتـــه == ياعلي الغوث يبو إحسين يراعي المرجله

نذرت الدم وإنطته == مــَزّﮔتها رايتــــــه

أمـّة الجور على الناس أميــّه الجاهلـــــه

ياعلي الغوث يبو إحسين يراعي المرجله

ـــــــــــــــــــــــــــــــــــــــــــــــــــــــــــــ

ما نهاب إمن المنيــّه ياعلي == ياعلي الغوث يبو إحسين يراعي المرجله

لازم إنواجه عدونه الجاهلــي == ياعلي الغوث يبو إحسين يراعي المرجله

بالشرف نبني مجدنه إو نعتلي == ياعلـــي الغوث يبو إحسين يراعي المرجله

من معينك هالعزم == كل معـــادي ينهزم

زودك اليوم بالأرواح مبيته إو مـَنـْزلـَـــه

ياعلي الغوث يبو إحسين يراعي المرجله

ـــــــــــــــــــــــــــــــــــــــــــــــــــــــــــــ

ياحبيبي يا إمــــــــام المتقيــّن == ياعلي الغوث يبو إحسين يراعي المرجله

أسألك بالظامي مولاي الحسين == ياعلي الغوث يبو إحسين يراعي المرجله

ما تعوف العاهدك عهد اليقين == ياعلي الغوث يبو إحسين يراعي المرجله

تحضر إوياه الشـِدَد == ما تعوفه للأبـــــــــــد

يحظه بالفوز والأحزان تزول إو كل بــَلــــــــَه

ياعلي الغوث يبو إحسين يراعي المرجلـــــــه

ـــــــــــــــــــــــــــــــــــــــــــــــــــــــــــــ

يادليل المؤمن إبيـــــــوم المعـــــاد == ياعلي الغوث يبو إحسين يراعي المرجله

يرتوي من جودك إو يــِشفه الفؤاد == ياعلي الغوث يبو إحسين يراعي المرجله

يا أمان الناس ياخير العبــــــــــــاد == ياعلي الغوث يبو إحسين يراعي المرجله

يا أمين الله العلـــــي == إنـتَ زادي إو منهلي

علمـــــــــــــك الفاض بالأكوان يحل كل مسأله

ياعلي الغوث يبو إحسين يراعي المرجلــــــه

الرادود الحسيني 

جابر النجفي 

مجلة

الرواديد و الشعراء