قصائد مكتوبة | الشاعر ابو تراب الياسري | إستشهاد الزهراء عليها السلام

السيدة زينب تخاطب الامام علي عليه السلام 

ــــــــــــــــــــــــــــــــــــــــــــــــــــــــــــــ

خلوّني أوادع أمّي لا تمشون بيها

هَلبت تِحِن الحالتي اوتشبگني اديها

................................1..............................

يا علي بويه أ بنعش أمي وين ماشيــــن

ويّا كم اخـــذونـــي أرد أناوبـها با لـونــين

أرد أ غسِل السَطره اعله خدها ابدمعة العين

هَلبَت تِحِا چيني امن أوّن وَسمَع حچيها

خلوّني أ وادع أمّي لا تمشون بيها

هَلبت تِحِن الحالتي اوتشبگني اديها

...................................2...........................

ابحضن أمّي أريد الليله أنامن بويه ورتاح

خـلـــوّها بّس هــليــله من يطـــلع المصباح

شيـــلـــــو نَعشها ولو عـــمري ايروح لوراح

الدنيه ماتسوه عَتَب وَعتب عليها

خلوّني أ وادع أمّي لا تمشون بيها

هَلبت تِحِن الحالتي اوتشبگني اديها

....................................3..........................

أ گضي العُمُر من بَعَد أمّي نوح وهموم

وانه أعلم اشخلا لي دهري بويه مَظموم

چنّي عله التّل وا گفه او حلوين لرسو م

لوصاحت ارقيّه ولا واحد يجيها

خلوّني أ وادع أمّي لا تمشون بيها

هَلبت تِحِن الحالتي اوتشبگني اديها

.................................................................

4 لو غسلتها أرجوك لا تلچم ضلعها

خا فن يموت احسين بويه لوسمعها

اتوّن أ عله المغيسل اويتجاره دمعها

لوتنفدي أ مي بالعُمُر چنت أ فتديها

......................................5.........................

يا علي بويه أ شلـون أ شوف ابعيني الباب

مطبوعه فو گه ا چفوف أمّي او لوعة امصاب

ياباب تدري اشخــذت مني أ غـــلــه الا حــبـاب

أ مّي دَخذ روحي بَعَد لا تخليها

خلوّني أ وادع أمّي لا تمشون بيها

هَلبت تِحِن الحالتي اوتشبگني اديها

الشاعر الحسيني 

السيد ابو تراب الياسري 

السيرة الذاتية للرادود نزار القطري

-{ صورة و تعريف }-

- الرادود الحسيني نزار فضل الله رواني ، ولد في دولة قطر بتاريخ 5/6/1971 لذلك عُــرف بالقطري .
- يتقن أربع لغات العربية و الفارسية و الإنجليزية و الأردو . تشير بطاقته الشخصية إلى أنه متزوج و لديه من الأبناء كوثر وحسين وعلي .
- كان يقيم في المملكة المتحدة بمدينة لندن ، وهو الان مقيم في دولة الكويت .
- أكمل مراحله التعليمية في قطر ، حيث التحق بالمدرسة في سن السادسة ، و في سن الثامنة بدأ بحفظ القرآن الكريم و قد حفظ منه نصفه ، وحصل على المركز الأول لسبع مرات بين الأطفال ممن في عمره في قطر .

* الخدمة الحسينية (رادود)
- كانت البداية في الثامنة ببيتين من قصيدة كانت ترددهما والدته حفظها الله، حيث مضى القطري إلى الحسينية متلهفا للقراءة، ولأنه لم يحفظ إلا هذين البيتين فقد كررهما ما يقارب العشرين مرة ! على مسامع الحضور الذين أبدوا تفاعلهم مع الرادود القطري الصغير . وفي اليوم التالي قرأ القصيدة المشهورة ( خيرة الله من الخلق أبي ) ومنذ ذلك اليوم وإلى اليوم، يعتز نزار القطري بتكرارها ختام كل مجلس وفي كل ليلة من ذلك الوقت وحتى الساعة ، ثمان وعشرين سنة ..

- قام نزار القطري يوم 10/8/2010 بافتتاح قناة خاصة للاطفال تحت اسم قناة هدهد الفضائية .

مجلة الرواديد و الشعراء

قصائد مكتوبة | الشاعرة ام معتصم الذبحاوي | بت حيدر الكرار

مظلومه ماتت مهظومه عاشت
بت حيدر الكرار
رغم المصايب رغم النوايب
رغم الجره والصار
جبل راسي ابصبرهه بقت لاخر عمرهه
* * *
بقت مثل الجبل زينب 
رغم كل الجره اعليهه
حزينه اوصابره اعله الهم
تحيّر كل وصف بيهه
رياح الهم عواصفهه
عصفت والغدر بيهه
حين الخلصو اخوتهه
وماظلت زلم ليهه
مثل الرواسي زينب تقاسي 
ابسكته اودمع همال
ترعه اليتامه ابدال النشامه
وتحامي هالأطفال
مابيّنت قهرهه بقت لاخر عمرهه
* * *
مهمه اوكلفه والحره
كَضتهه اوحامت العيله
اوجذب من كَال عالحره
العقيله زينب اذليله
شجاعه اوقاومت طغيان
للطاغي اهدمت حيله
اوخطبتهه على الطاغي 
سيف اومنهه ياويله
كل كلمه منهه تبيّن حزنهه
واتهد عروش ايزيد
اتصم البوادي لمن تنادي
يبن امي آ يالحيد
ذكر حيدر ذكرهه بقت لاخر عمرهه
* * *
تمثّل حيدر الكرار
ببلاغتهه اومعانيهه
خطبه اوهزت العالم
اوفضحت كل طواغيهه
البست ثوب الحزن جلباب
افصال امفصل اعليهه
اورياح العاصفه بالهم
فلا تكَدر تلاويهه
مثل امهه خطبت للأمه ظلت
ترويهه جيلٍ جيل
تحمل معاني السبعه المثاني
والتورا والإنجيل
من ينكر خبرهه بقت لاخر عمرهه
* * *
رباة المرتضى حيدر
عقيلة هاشم الحره
بت فاطم تظل للدوم
لكل مؤمن وفي عبره
خدرهه المايفاركَهه
حته ابكربله الكَشره
نتعلم مثلها اتريد
بت حيدر وابو العتره
تبقه العظيمه رغم الهظيمه 
محشومه بت اكرام 
بغياب اهلهه وفكَد الكفلهه
ماطخت ابداً هام

حاربهه دهرهه بقت لاخر عمرهه

الشاعرة الحسينية 

ام معتصم الذبحاوي 

قصائد مكتوبة | الشاعر ياسين حردان الساعدي | مولد النبي (ص)

الولاده المحمديه العلويه
_______
اجيت آّلّمُولِدكْ ولّهانْ
وَنهَ الهايمْ طبعْ ومسودنْ ابحبيّ
اجيتك نازفْ الشريانْ
وسچاچينْ القوافيّ
اتگشطْ ابّگلبيّ
احطْ روحيّ حَطبْ والقافيه نيرانْ اشعلْ وشتعلْ ماابخلْ ابْحطبّيّ
طبع روحيّ نَخلْ بْيّه العثگ ريانْ
اذا هَزنيّ الهوه اطشّر ابرطبيّ
ابميلاد الرسول امنشْنش وفرحانْ
اريدْ العبْ لعبْ بس لعبْ متربيّ
واريدْ اسمعْ صلاة اتشگْ الاذانْ
ومأمقبوله وحده تلاثه
ياحبيّ
وتزوج قصايد والّمَهر اوزان
والعّرست صاحتْ خايّبه انخطبيّ
وزف بيت الشعر والقافيه نيشانْ
والغايبْ المهديّ وحاضريّ ربيّ
يابيت الشعر لاتقفلْ البيبان
تعال ادنَه يمْيّ واگعدْ ابگربيّ
(ابميلاده ها ها
ابميلاده نور الله يلالليّ )
(ياريته ها ها كلّ لحظه اگبالي)
_______
لَصّبْ العين كاس ابشفتْ الوجدان
وگل لّلرُوح زيديّ بالّشعر صبيّ
وهدْ هدتّ شجاعْ وصالْ عالفرسانْ
على اعداكْ محمدْ اعلَنتْ حربيّ
وامدْ روحيّ دُعٰاء ابهامة الذرعانْ
اذاحسيتْ نورك بالجسمْ يدبيّ
ابّجاهَك يبو الزهره ياابوّ الاديانْ
حاچيها القصيده
وگلّهَ دَنْكتّبيّ
انه امْتّيّه ابروضكْ وانْتَه ابو البستانْ
دلينيّ علِيهنْ سلتيّ وعنبيّ
(ابستانه ها ها ابستانه هامتْ افكاريّ )
(ابديوانه گعدَتّْ اشّعْارّي )
_______
واشوف حروف اسّمْك بحر عالي الموجْ
ونه برملة اجرُوفك غِصّتْ لـِركبيّ
بحر مِيمَك شدهنيّ وبالجرفْ غرگيتّ
ارجعت حائَك بعيده وتِيهتْ دربيّ
اذا اولْ الميمْ وهيچ بيّه الصار
اذنّْ ثالثْ الميمْ ايروح كل تعبيّ
بعيده الدالْ عنيّ طلسمْ اسمك
ونه المحدود عقليّ وهذا مو ذنبيّ
انه مثل لبشرمانعرفك والله
بسْ حيدرّ عرفْ سركْ المتخبيّ
وامّكْ بتْ وهبْ من جابتك صاحتْ
ادركني ياعليّ بس انته الّمْلبيّ
مو ضنْك ابالغ لوگلتْ هلقول
انه صاحب دليل وحجتيّ ابعبّيّ
مااعرض حجج وشگالتْ الشيعه لااسرد دليلْ الواضح ابكتبيّ
احاجج ونسئل والرد علمْ قرّآن
وكلمنْ خالِفانيّ اعليه آشنْ حربيّ
انه الشيعيّ الودودّْ امقدسْ الاديان
مااحبْك ولك يلْ تذبحْ ابشعبيّ
وخلينيّ اوضح وآدرّي مامجبور
لاْكنْ من اردْ هوايّ ارْيَحيليّ
اصّرّخْ علْ المله لاخايف وجلانْ
عليّ هو الوصيّ وغيَرَه خيّولّيّ
كل حرُّه وشريفه
من تمر بطّلّوگ
تصرخ ياعلي ياضيغمْ آلّحَگلليّ
الزِچيه الطاهره السيده عالنسوان
تناديّ ابكلْ وكت ياحيدره افزعلليّ
تعلمْ بتْ وهب من هو ابو الحسنينّ
المُوجّه هو الّه وهو المْدليّ
طه ابّطنْ امْهَ وصاح ياامّآه
اندبيّ حيدره هذا اخيّ وخلّيّ
وندبتْ ياعلي وجابت رسول الله
وهبط جبريل بصورة علي متجليّ
وصاحتْ امِنِه تسّأل ابو الزهراء
انته النبيّ طٰاه لو عليّ گلي
انته النبيّ طٰاهَ لوُعليّ گلي
(اوصافه حيدر وفعاله)
( وبْلُوْنَه وبْطُولْ خياله)
الشاعر
ياسين حردان الساعدي

ابوذيات | الشاعر جابر النجفي | مولد الرسول محمد (ص)

صلّي إعلى النبي إو تصبح بلاهَمْ == أهـــل بيته الهُدى ضايع بلاهُمْ 

بالأحـــــزان خالقنــــــه بلاهُـــــــــمْ == صَبُرْهُم من صَبُر سيد البريه 

ــــــــــ

رحمه إو خير أحمد صــــار كَفــّه == نشر دين الهُدى إلمختار كَفــّه 

والشر بالنفوس إنــــــــزاح كَفـُّه == وزيره المرتضه حامي الحميه 

ــــ

حُوَت أرض إو سمه إسمه وطيبه == بزغ نوره إبأرض مكه وطيبه 

أبو القاسم دوه المؤمن وطيبه == يزيل الهم أبو النفس الأبيه 

ــــ

خديجه الطاهره عونـه وَعَمّه == أبو طالب حمه دينه وَعّمّه 

وﺤﮔها سورة التوبـــــه وَعَمّه == ما ننساه أبو العتره البهيــّه 

ــ

عن حُبّك أبد ما زَلْ ولامال == ﮔﻟﺑــﻲ إو ما أود دنيه ولامال 

أريدك تشفع إو تنظــُر ولامال == تحضـــر باﻟﮔﺑر يابو الزﭽيه 

ــ

طيبه إوعاليه تزهي خلالـــــك == هدانه الله إو شفينه من خلالك 

فؤادي بس إلك وحدك خلالك == وهل بيتــــــــك ينبع الهاشميـّه 

ــــ

وﺤﮓ الله الذي ناداك وســــــــراك == عرج بيك الامين الفوﮒ وسراك 

محبتك راسخه مولاي وسراك == يوالون الوصــي حامي الحميه 

ــ

ﺣﭽﻲ المبعوث يهدينه يسرنــه == ماظل وإنتهى إبجيته يسرنه 

عسرنه راح والباقي يسرنـــــــــه == رحمه المصطفه إو فيـّاض ضيــّه 

ـــ

مُحبّك يانبي جنه جزالــــــه == كلامك منملي حجه إو جزاله 

ذهن كل اليحب يهوه جزاله == ينيـــــر إعقولنه إو تصبح نقيـّه 

ـــ

دين اﻟﺤﮓ إجَه بيه إو عداله == زرعها والكــُفر صارت عداله 

أبد ماكو عصر يشبه عدالـه == بضوه الهادي النبي عمّ البريه

ـ 

بعث الله النبي منذر وُجاهـــــــا == ﻟﮔــــه الأمـه إبخزي الباطل وجّاها 

حماها إو بالعدل صارت وجاها == إلهـــــــــــــا إو بالأمم صارت زهيه 

ــ

من طه النبي الأمه علمها == بســــم أحمد ﺒﮔــه عالي علمها 

أخلاق إو إبـــــه إو رحمه علمّها == وأصبـــــــح رايه للأمـــــــــه إو هويه 

ـــ

نهنــّي المرتضه الوالي وَرَدْنَه == بالمنـــــذر أبو القاســـــــــــم وَرِدْنَه 

علي إيْشِمّه عطر هذا وَرِدْنَه == يهديـــــــه إلابــــو الزهره الزﭽيه

الشاعر الحسيني 

جابر النجفي  

باسم الكربلائي | صلوا على احمد | مولد النبي صلى الله عليه و آله

نزف أسمى التهاني و التبريكات 
لجميع رواد مجلة الرواديد و الشعراء 
و لجميع المؤمنين و المؤمنات و المراجع العظام 
بمناسبة مولد سيد الكائنات 
ابا القاسم محمد صلى الله عليه و آله و سلم ..
ـــــــــــــــــــــــــــــ
قصيدة : صلوا على أحمد (اللهم صل على محمد و آل محمد)
الرادود الحاج باسم الكربلائي

للإستماع او التحميل : https://www.4shared.com/mp3/NN8-eRnIba/______.html

أفلح من صلى على محمد وآل محمد
مجلة الرواديد و الشعراء

قصائد مكتوبة | الشاعر ابو تراب الياسري | يا فاطمة

يا فا طمه يا فا طمه

ــــــــــــــــــــــــــــــــــــــــــــــــ 

مكسوفه الشمس هليوم والــعــالَم 

أسير اينوح وَسرار الحجب تكتب رثاء الفـــاطِـــمَ 

أعله اللوح الدَمع ينزل مشاعل نار 

تحرﮒ كل جفن مَذبوح اذا ترحَل الزهره اشلون نبقه أيتام 

وين انروح نبچي دِمَه يا فاطمه يا فاطمه 

ــــــــــــــــــــــــــــــــــــــــــــــــ 

باب الدار ما يخجـــل هاگد صَلَف باب الدار 

بين الحـــــايط اوبــينه لا ذت بضعة المخـــتار 

بَدَل ما يمتحن بــــيهــا رِسَم فوﮒ الضلع بسمار 

أَصفَن من أشوف الباب وسرَح والفــــكـــر يحــتار 

امن المَظلَمَه يا فاطمه يا فاطمه 

ــــــــــــــــــــــــــــــــــــــــــــــــ 

آه اودَمعة البالعـــيـن يسافر بيهاﭼّم اشراع 

يَعالَم احنه شمسوين ونضّيّع حِــلمنه ابساع 

أمنه الخيمه فو ﮔانه ضاعت وي فرحنه الضاع 

كسرو ضلع من عدهه او خلّو ﭼّم ﮜلب يلتاع 

من مأ تَمَه يا فاطمه يا فاطمه 

ــــــــــــــــــــــــــــــــــــــــــــــــ 

سكون الليل عذبنّه اوأَخذ شمعة عمرنه 

الليل بي غرّب نعش فاطم او خـــلّـــه 

ادموع ابـــونه اتسيل لَــمـــّن غسّل الزهره 

حيدر عنده ما ظل حـيل شاف اضلوع مكسوره 

من عدها اوصرخ يا ويل حامي الحمه يا فاطمه يا فاطمه ــــــــــــــــــــــــــــــــــــــــــــــــ 

أويلي أعله الحسن وحسين لمّن شافو الزهره 

صاحـــــو يمّه حاﭼــــيـــــنه عليج ابحيدر اوصبره 

ييمّه الضلع وعـــرفــــنـــاه مكسور اوصعب كسره 

بّس خدج زراﮒ البيه يمكن من أثر سطره 

ابﭼّف مُجرمه يا فاطمه يا فاطمه

 ــــــــــــــــــــــــــــــــــــــــــــــــ 

مأساة الألَم و لآه زينب ما بقه عدها 

أّم اتنشّف الدمعه اذا تنزل ابنص خـدها 

زينب ليش يا دهري فاطم عنها تبعدها 

جفنها اويه الحلم سافر خذاه جناز والدها 

اوشينيمه يا فاطمه يا فاطمه 

الشاعر الحسيني 

ابو تراب الياسري