قصائد مكتوبة | الشاعر انيس الخفاجي | استشهاد الزهراء عليها السلام

قصة الاحزان نسمع والشجن
يروي سلمان الجره لاُم الحسن
ـــــــــــــــــــــــــــــــــ
يروي سلمان الخبر واللي جره
ولسُليم ايرد سؤاله ويخبره
دخلوا ابلا أذن بيت الطاهره
ولو ابوهه الهادي يدخل إئتذن
ـــــــــــــــــــــــــــــــــ
واعله باب الطاهره الظالم حضر
فاطمة بالدار ما همّه الخبر
شبهه ناره ونكر بت خير البشر
ما حفظهه اعهود طه المؤتمن
ـــــــــــــــــــــــــــــــــ
يسأله السلمان شفت الفاجعه
الباب طاغوت الوره بيده ادفعه
دفع چن باب السماء السابعه
طاح چنه الكون وانجومه هِون
ـــــــــــــــــــــــــــــــــ
واعله دار الزهرة هالگوم اهجمت
وهيه خلف الباب لاذت واحتمت
دفعوا الباب الضلوع اتهشمت
انصابن اضلوع الزجية وانحنن
ـــــــــــــــــــــــــــــــــ
يروي سلمان المصيبة المؤلمه
تنادي يا فضة الزجية فاطمه
طاح محسن والضلع ينزف دمه
طاح والحيل انهدم منهه ووهن
ـــــــــــــــــــــــــــــــــ
يا جرم بالكون اكبر اجرموا
بباب بت المصطفى النار اضرموا
ونكروا الزهراء وللحق اكتموا
خالفوا طه ووصيته اهل الفتن
ـــــــــــــــــــــــــــــــــ
شكثر اخفت فاطمه هم وعذاب
يشهد البسمار والباب المصاب
ويل من رض الضلع يوم الحساب
سقر يسلك ما يصل جنة عدن
ـــــــــــــــــــــــــــــــــ
يحچي سلمان السُليم ابهالامر
بالوصية الحيدر اتوصّي الطهر
عن عيون الناس اخفيه الگبر
شافت امن الگوم اهات ومحن

للشاعر الحسيني
أنيس الخفاجي الكربلائي
مجلة الرواديد و الشعراء

لماذا نشكل على الشعائر و عاريين الصدر في اللطم ..؟؟!!

تحية ً طيبة ،،
كل يوم سبت لدينا موضوع إنتقاد سواءاً بالسلب او الإيجاب لمختلف الأمور الحسينية المتعلقة بالمنبر الحسيني المقدس .
لكن .. هذه المرة دعونا ننتقد أنفسنا ، بأسئلة وجدانية نبحث مراراً و تكراراً
عن اجوبة شافية لها ..!!

بدايةً هل تعلم ان الرأي هو الفتوى ؟
تماماً مثل ما يقال بأن رأي المرجع الفلاني بالقضية الفلانية هو كذا و كذا أي ان فتواه هي كذا و كذا
الرأي = فتوى 

فمن الذي لعب بعقولنا لكي نبدي بآرائنا حول الشعائر الحسينية ..؟؟!!
لماذا أصبحنا نُشْكِل على من يتعرى (عاري الصدر) داخل المجالس ..؟؟!!

نحن نعلم ان معنى اللطم في اللغة العربية هو ضرب الجلد على الجلد
تماماً مثل ما قال دعبل الخزاعي رضوان الله تعالى عليه :
أفاطم لو خلت الحسين مجدلاً ... وقد مات عطشانا بشط فرات
إذا للطمت الخد فاطم عنده ... وأجريت دمع العين في الوجنات

استخدم رحمه الله كلمة (لطمتِ الخد) ولم يستخدم (ضربتي الخد)
أذاً .. اللطم يعني ان تصفع صدرك بيداك ، الجلد على الجلد .
اما اذا كنت مرتدي الملابس فهذا يعني إنك تضرب ولا تلطم ..!!

فمن الذي لعب بعقولنا لكي نبدي آرائنا بأن عاريين الصدر أثناء اللطم متخلفين ..؟؟!!

مقطع نادر و رائع للرادود الحسيني ملا وطن النجفي
ليالي محرم ، 1999 ميلادي في مصلى السيدة زينب عليها السلام
يظهر في المقطع عشرات الشيوخ و طلاب العلم عاريين الصدر 

فمن الذي لعب بعقولنا ؟ و أصبحنا ننظر لعاريين الصدر بنظرة التخلف ؟
في موضوع مشابه : 

سألنا الرادود الحسيني أحمد الخيكاني ،
اين وجدت الروحانية في المجالس ، العراق ام إيران ؟
فكان الجواب إيران و احدى الاسباب هي كثرة اللطامة عاريين الصدر 

سألنا الرادود الحسيني ملا فاضل الكربلائي ،
اين وجدت الروحانية رغم انك قرأت سنتين في صحن الحسين عليه السلام
فكان الجواب في موكب شيعة عليه عليه السلام في المانيا و في احدى الحسينيات الصغيرة في النرويج
و السبب هو وجود العدد الكبير من اللطامة عاريين الصدر 

و في موضوع سابق حول قصيدة روحي للملا باسم الكربلائي
و اسباب نجاحها :
أغلب التعليقات كانت : الحظور كان متفاعلاً مع الكلام و عاري الصدر و منفعل لا يبالي بآراء الناس . 

فمن الذي لعب بعقولنا و أصبحنا نفتي من حيث لا نعلم ؟
مجلة الرواديد و الشعراء

السيرة الذاتية للرادود جاسم النويني

نبذة مختصرة رائعة عن حياة الرادود الحسيني الكبير
الشيخ جاسم النويني - حفظه الله .

‫#‏حناجر_ولائية‬ ‫#‏السيرة_الذاتية‬
مجلة الرواديد و الشعراء

كلمات مأثورة | الشاعر واثق العيساوي

-{ كلماتٌ مأثورة }-

أيام محرم .. مع الاسف يتقاتل الخطباء و الشعراء والرواديد على الظهور بالفضائيات ..!!
متناسين الحزن والدمع والجزع والبكاء ،،
وكأن الغايه هي فقط الاعلام والفضائيات ..؟؟!!
وكماقلت باحد الابيات :
الفضائيات اهم عدنه من الحسين
نعوف احسين وندور فـــــــضاءآت

الشاعر الحسيني
واثق العيساوي
مجلة الرواديد و الشعراء

قصائد مكتوبة | الشاعر كرار حسين الكربلائي | استشهاد الزهراء ع

إيابنا اليكِ
حسابنا عليكِ
والحشر في يديكِ يا فاطمه
ـــــــــــــــــــــــــــــــــــــــــ
أقره الزياره الجامعه الكبيره
واتنورَت بحروفچ ، البصيره
للباري شفتچ عالارض سفيره
يا فاطمه ويوم الحشر اميره
سيدةُ النساءِ
في الارض والسماء
والعقلُ لا يعيكي يا فاطمه
ـــــــــــــــــــــــــــــــــــــــــ
يا مكة العفه اليشع سناها
يسعي الإبه بمروتها وبصفاها
يا زمزم وكل مؤمن ارتواها
فرض الصلا يتوضه من ضواها
يا مرجع العبادِ
في ساعة المعادِ
اعمالنا لديكي يافاطمه
ـــــــــــــــــــــــــــــــــــــــــ
يا مهبط الروح وسمه العقيده
اسمچ عله اشفاه الوحي قصيده
والعنده غيره هالاسم نشيده
والما تريدينه فلا نريده
يا آية الحقيقه
والعروة الوثيقه
بالغالي نفتديكي يافاطمه
ـــــــــــــــــــــــــــــــــــــــــ
انتي الرضيه الراضيه المرضيه
اسمائچ الحُسنى تظل قدسيه
شلتي بضميرچ حُب علي هويه
وشميّنه عطر انفاسچ الشيعيه
انفاسكِ الزكيه
شذاها حيدريه
ونحن نقتديكي يا فاطمه
ـــــــــــــــــــــــــــــــــــــــــ
يا آية النبوه والامامه
حبچ عله اجبين المحب علامه
خدامچ وعزتنه هالخدامه
نعرفج فلا تنسينه بالقيامه
ايتها الوديعه
انتي لنا شفيعه
روحُ الالهِ فيكي يا فاطمه
ـــــــــــــــــــــــــــــــــــــــــ
انتي الحبيبه الغاليه يالزهره
وبينه جرح كسر الضلع والسطره
يا فاطمه وقعنه الچ بالعشره
منّ السقيفه بكل الزمن نتبره
يبقى علي خليفه
رغماً على السقيفه
نلعنُ ظالميكي يافاطمه

الشاعر الحسيني
كرار حسين الكربلائي

مجلة الرواديد و الشعراء

قصائد مكتوبة | الشاعر كرار حسين الكربلائي | استشهاد الزهراء ع

يالباب يالباب ردنه اجواب يالباب
وين ام الحسن طاحت
من انعصرت اشصاحت
ردنه جواب يالباب
ــــــــــــــــــــــــــــــــــــ
ادموعنه تجري وتسألك رد يباب الله ونبيه
انكسر ساق العرش خلفك هذا لو ضلع الزچيه
وين طاحت شنهو صاحت من هوت نجم الثريه
يا باب وشچان السبب
بيت النبي يشب اللهب
والله العجب ثم العجب
من طغاة الجاهليه
اصحاب اصحاب منسميهم اصحاب
ليش الباب حرگوها
ليش الزهره عصروها
ردنه اجواب يالباب
ــــــــــــــــــــــــــــــــــــ
آه يا باب النبوه احچيلي بنت النبي شبيها
صدگ من حرگو الباب النار طفتها بديها
وصدگ من طاحت الزهره احجاب يستر ما عليها
ومن گيّدو حامي الحمه
طلعت وراهم فاطمه
وذاك الضلع ينزف دمه
وزلزل الدنيه بچيها
ما طاب ما طاب ذاك الضلع ما طاب
مو گال النبي اعليها
يآذيني الي يآذيها
ردنه جواب يالباب
ــــــــــــــــــــــــــــــــــــ
احچي يا باب الرساله فاطمه وخبرني عنها
صدگ قنفذ رد عليها بسوطه سوه ازرگ متنها
صدگ سطروها بوجهه ماتت واحمر جفنها
ضلع السماوات انكسر
وجه الله يالباب انسطر
البسمار ما عنده خبر
الي ذبح محسن ابنها
وعتاب وعتاب لا ميفيد العتاب
شنهو السبب ظلموها
ومن البچي يمنعوها
ردنه جواب يالباب
ــــــــــــــــــــــــــــــــــــ
وبعد يالباب ارد اسألك والحزن بينه ايتفجر
من گبل ساعة اجلها بياوصيه اتوصي حيدر
ليش ما رادت بعضهم ساعة التشييع يحضر
توصّي علي بگلب اليون
يا بالحسن وكت الدفن
گبري ابد لا ينعلن
وللبشر ما ريده يظهر
من غاب من غاب ذاك الگبر من غاب
عنه ضاعت اثاره
عدمن نلگه اخباره
ردنه جواب يالباب
ــــــــــــــــــــــــــــــــــــ
احچيلي يا باب الامامه من بعد فاطمه الزهره
اشحال زينب من تنظرك وبيك من الزهره ذكره
والحسن شيگول گلبه من يصد اعليك نظره
وحسين گلبه منصدع
يمك يجي ويجري الدمع
ويلاه يا كسر الضلع
بس ابو صالح يجبره
منصاب منصاب گلب المهدي منصاب
من يظهر يحاسبهم
يمته المهدي يصلبهم
ردنه جواب يلباب

للشاعر الحسيني
كرار حسين الكربلائي

كرار حسين الكربلائي

قصائد مكتوبة | الشاعر كرار حسين الكربلائي | استشهاد الزهراء ع

-{ المستهل }-
يُمه
بشفافي چلمه غافيه يمه
انتي الحبيبه الغاليه يمه
عفتيلي دارچ خاليه يُمه
ـــــــــــــــــــــــــــــــــــــ
لوجهچ اشتاگ واشوفچ ما هي يمي
شتسوه دنياتي اذا ما بيها أمي
شگد حلو بصوتچ لون ناديتي بسمي
وابتسامة ثغرچ التكشفلي همي

راحت
التعبت عليّه بالربه راحت
امي الحنونه الطيّبه راحت
تناديني صارت امنيه يُمه
ـــــــــــــــــــــــــــــــــــــ
يالوفيه الماكو بالدنيه وفاها
الراضيه واليرضه بارينه لرضاها
روحي ضلت بالجسد مدري شجاها
الماتت امه يموت احسنله وراها
أمي
چانتلي اغله من الهوه امي
أشعرها لعيوني ضوه امي
تكتب دموعي الجاريه يُمه
ـــــــــــــــــــــــــــــــــــــ
يُمه عفتي الدار وحشه و ما دريتي
اشعجب ما حسبتي بيه من مشيتي
اشگد صحت وينچ ييمه وما أجيتي
آه يا شمعتنه شبساع انطفيتي
أبچي
من زغري يُمه اتعلمت ابچي
احچاياتچ اذكرها وگمت ابچي
شمعتنه ظلت طافيه يُمه
ـــــــــــــــــــــــــــــــــــــ
يُمه عد زينب تعرفيها غلاتچ
من تركتيني اورثت كل نايباتچ
سبحه ومصلاّيه ظلت ذكرياتچ
گمت من اشتاقلچ البس عباتچ
الزهره
لو سبحّت تسبيحة الزهره
بالبيت اشمن ريحة الزهره
لجيتچ بقيت متانيه يمه
ـــــــــــــــــــــــــــــــــــــ
احبيَبه ضلعچ لسه خلف الباب دمه
ولسه بالعتبه عطر محسن أشمّه
اشلونه حالچ بالگبر حاچيني يُمه
خوفي منّ ْترابه لا ضلعچ يلچمه
بيتي
بعدچ ابد ما ينسكن بيتي
رحتي وصفه بيت الحزن بيتي
وبيهِ المناحه عاليه يُمه
ـــــــــــــــــــــــــــــــــــــ
ردنه نتقاسم مصايبنه سويه
يمه شو عفتي المناحه بس اليه
افراگ ابويه والحسن يصعب عليه
ويا مصيبة كربله شتسوي بيه
راسه
وحسين اخويه ينگطع راسه
فوگ الرمح من يرتفع راسه
انظُر شفاهه الضاميه يُمه

الشاعر الحسيني
كرار حسين الكربلائي
مجلة الرواديد و الشعراء