بفقرة الـ -{ تعليقاتٌ مميزة }- من الملا أبو حيدر الأحسائي لما يحمل فيه من تعريفٌ لشخصية حسينية عظيمة

بفقرة الـ -{ تعليقاتٌ مميزة }-
نختار لكم هذا التعليق من الملا أبو حيدر الأحسائي
لما يحمل فيه من تعريفٌ لشخصية حسينية عظيمة

((التعليق))
أبـو أيمن الأحسائي
هو رجل مؤمن كفيف البصر ولكنه نافذ البصيرة
مدرسٌ أكاديمي كما أنه أستاذٌ حسيني
لمن عرفه شاعراً فقط فليعلم أنه من أروع الحناجر الأحسائية فهو رادودٌ متألق جداً.

قدم له الملا باسم الكثير من القصائد العزائية ومنها:
ـ لمن أبدي الأسى
ـ على كمدي على جلدي أعينوني
ـ ولدت فاطمة الزهراء والكون استبشر
والكثير الكثير من القصائد
هو كنز أحسائي وطاقة جبارة والخوف كل الخوف أن يكسوه غبار الزمان في زمن أختلط فيه الحابل بالنابل.
حفظك الله يا أستاذي
ولمن لم يعرفه ولم يره هذا مقطع لقصيدة للأستاذ لؤي حبيب الهلال بصوت الأستاذ أبو أيمن الأحسائي
https://www.youtube.com/watch?v=XwQZ-oojgAU...

مجلة الرواديد و الشعراء

قصيدة بمناسبة إستشهاد ام البنين (عليها السلام ) هاي أم عباس ..

قصيدة بمناسبة إستشهاد ام البنين عليها السلام

هاي أم عباس .. راعي النوماس
ماتـــت ياناس مهظــــــــومه
ـــــــــــــــــــــــــــــــــــــــــــــــــــ
هاي الچان يسجد يمها كل الكون
وبسدها اليتامه چانو أيـــنامون
ليش الأربعه ماحضرو ايشيلـــون
اجنازتها اوسهرها ليلها ايجازون
وين الوليان .. اْتَّوصي الدفان
بأم الاحزان مهظومه
ـــــــــــــــــــــــــــــــــــــــــــــــــــ
أول مارجع ناعي الخبر مهتـــــــم
ينعه حسين والصار اعله طف الدم
ام عباس اجت وتعّثرت بالهـــــــــم
أو صاحت ياخبر جايب يبن حَذلَم
يا بِشر حسين .. ما حاضر وين
وتصب العين مهظومـــه
ـــــــــــــــــــــــــــــــــــــــــــــــــــ
گاللها اببنينچ عظم اللــــه أجـــــــرچ
وبعين الگمر وچفو فه لو خـــــبــرچ
يَّم الاربعه ينهد جبل صَبــــــر چ
أَكوا أبعينچ سؤال اتحيّرت بَمرچ
گالتله اتهون .. فدوه ايروحون
بحسين اشلون مهظومـــه
ـــــــــــــــــــــــــــــــــــــــــــــــــــ
مو صعبه علَه العباس من يحضّر
وَلو راسه انطبر ومن العمود انطّر
لَيگول العــــذر بچفوفــي ما أگـــدر
عــن إجنازة أُّمّه أشلــــون يتعذّر
المفروض إيگوم .. مو وكت النوم
أمّه ابهليــــــــو م مهظومــــه
ـــــــــــــــــــــــــــــــــــــــــــــــــــ
چنّي بگمر هاشم صاح ها يّــــمي
عـفـت گبر ي وجيتـــچ سابح ابدمـــي
اجيتچ والسهم هّــد حيلي وعـــــزمي
وعـفِت چفّي اعله نهر العلگمي مرمي
ابچفّي المگطوع .. اوحيلي المفجوع
ارويچ ادموع مهظو مـــه
ـــــــــــــــــــــــــــــــــــــــــــــــــــ
جبت زينب ييمّه اوياي وتعنيت
وجبت دمعة رُقيّه الضَّلت إبلا بيت
ييمّه احسين مگطوع النحَر خلّـيت
تركته ابنومته او ما گتله من صديّت
ويّاي اتروح .. يابعد الروح
لُمّ المذبوح مهظومـــه

للشاعر الحسيني
السيد ابو تراب الياسري
‫#‏ياام_البنين‬
مجلة الرواديد و الشعراء

قصيدة -{ أسرار }- اسرار بالغاضريه ..

قصيدة -{ أسرار }-
اسرار بالغاضريه .. اخبار بالغاضريه
_ _ _ _ _ _ _
وكف يمها الزمن واحتار وياهه
اسرار الإمامة الما عرفناهه
_ _ _ _ _
واجب لو حجينا نحدد الابعاد
عن سر الامامه العد علي السجاد
خله الطف قضيه بكل زمن تنعاد
وثوره تحارب الطغيان خلاها
_ _ _ _ _
حضر دفن الامام وغسله بدمعه
لكَه آثار حوافر نابته بضلعه
ومكَطوع النحر ريحانه البضعه
عاري و جثته التربان غطاها
_ _ _ _ _
مسح عنه التراب وقبله بنحره
حضن جسمه الشريف وشم عطر صدره
وقاموا اول عزاء لفاطمه الزهره
وبراس النبي المكَطوع واساهه
_ _ _ _ _
كل معصوم ندري يصلي عالمعصوم
الشريعه من الاله الواحد القيوم
على حسين السبط محد عرف لليوم
اشلون بكريلا السجاد صلاها
_ _ _ _ _
صلاها امامي وما تركها تفوت
ولا خله الرساله بموت اهلها تموت
اذا حركو خيم حركو قبلها بيوت
ناس وضد علي الشيطان غذاها
_ _ _ _ _
كلما صار بالطف ضد محمد صار
حصار المر محمد مر بأبو الاحرار
ما يكَدر يزيد بخيمه يشعل نار
والما شاف قبله ابليس سواها
_ _ _ _ _
نفس هاي السلالة كل زمان تعود
يزيد بغير اسم يذبح تره وموجود
بعد ذاك الحقد والنار والنمرود
بأفعال النواصب كلها شفناها 

كلمات الشاعر الحسيني
ناظم الحاشي 

من مجهود الشاعر ذو الفقار الحيدري
مجلة الرواديد و الشعراء

قصيدة لأم البنين عليها السلام (بــحسيــــن لتذكروني )

1. قصيدة لأم البنين عليها السلام
2. بــحسيــــن لتذكروني
   من ذكره تعمه عيوني
   يوليدي آيحسيـن .. يوليدي آيحسيـن
   ــــــــــــــــــــــــــــــــ
   أنه ام البنين التاه مني الــــــــراي
   و اتحير مني عكلي من المصايب هاي
   ليش ابن الزجيه ماشرب المـــاي
   و تمنيت احضرت لزكيه دمع عينـــاي
   ايحسين يا مظلـوم .. او من الماي محـــــروم
   يوليدي آيحسيـــن .. يوليدي آيحسيـن
   ــــــــــــــــــــــــــــــــ
   على مصابك يبواليمه دمع ماجف
   او رسمت انه صوركم يولدي بالجـف
   حزنكم ما ابطله و بقه أصد للطـف
   و من اذكر عطشكم كلبي وحده يــرف
   او أشلون انساكـم .. تضل روحي وياكـــم
   يوليدي آيحسيـــن .. يوليدي آيحسيـن
   ــــــــــــــــــــــــــــــــ
   حيدر أنه وصاني بالحسن وأحسين
   أيم عباس اوفي اوظمي هالسبطيـن
   مهم فاطمه و أجدهم نبي الكونيـــن
   او ايمه عله البشر من السمه للديــن
   شيلي الراس بيهم .. او كل ساعه ذكريهـــم
   يوليدي آيحسيـــن .. يوليدي آيحسيــــــــــن
   ــــــــــــــــــــــــــــــــ
   ابمرك انه يا بالحسن الاخر حــــــد
   و فدوه الاربعه الهم الرب يشهـــــد
   و اضل انظر اعليهم او كلبي يتمرد
   على المسموم جبده ما حضر له احـــد
   جبده كطعوا بالسم .. او كلبي اعليه يتـألم
   يوليدي آيحسيـــن .. يوليدي آيحسيــــــــــن
   ــــــــــــــــــــــــــــــــ
   التمت هالنوايب او دم دمه هليت
   على حسين و أخوته بالعمه نصابيت
   وحيلي طاح مني جم مرض عانيت
   والتـوكع ييمه تشيله اهل البيــت
   ولاضل الي والي .. يبني انكطع دلالـي
   يوليدي آيحسيـــن .. يوليدي آيحسيــــــــــن
   ــــــــــــــــــــــــــــــــ
   ابموتي اجنت اتمنه اتحضـروني
   او تغسلوني و تكفنوني و تشيعوني
   او تحفر الي گبري اوبي تدفنوني
   انكطع ضني بعدكم و خابت أضنونـــي
   ردت يمه تحضروني .. و لجنازتي تشيعــوني
   يوليدي آيحسيـــن .. يوليدي آيحسيــــــــــن
3.  

 

1. الشاعر الحسيني
   عبد الرزاق موسى اليساري الكربلائي
2.  
3.  
4. مجلة الرواديد و الشعراء

عمار الكربلائي - كربلا هي البداية و النهاية

-{ كربلا هي البداية و النهاية}-

كلمات : الشاعر أنيس الخفاجي 

أداء : عمار الكربلائي 

الليالي الفاطمية 1436هـ 

كندا - اوتاوا

مجلة الرواديد و الشعراء

لقاء الرادود محمد جيلاوي الكربلائي | كرسي الاعتراف

لقاء الرادود الحسيني محمد جلاوي الكربلائي
ـــــــــــــــــــــــــــــــــــــــــــــــــــــــــــــــــــــــ

تحيةً طيبة ،،
يرشحه الكثيرون على انه خليفة الرادود الكبير جاسم النويني ،
ليس لأنه من طويريج فحسب ، بل لإحساسه العالي في تأدية القصائد الحسينية و لانه يبهر كل من إستمع إليه فيدخل قلوب المستمعين دون عناء ، أحساسه العالي يطفي على أدائه و هذا ظاهراً من خلال جميع مقاطعه المنتشرة .

هو الرادود الحسيني محمد جيلاوي الكربلائي
حل ضيفناً لهذا الإسبوع على كرسي الإعتراف في مجلة الرواديد و الشعراء

محمد جلاوي ، السلام عليكم نرحب بك بين محبيك في مجلة الرواديد و الشعراء .
نبدأ بالهوية الشخصية :
وعليكم السلام و الرحمة يا خادم الحسين عليه السلام ، لي الشرف بالإنضمام إليكم واشكركم جزيل الشكر و إن شاء الله أتوفق بالإجابة على أسئلتكم .
- محمد جلاوي شندل الخفاجي
- مواليد 1983 مـ كربلاء المقدسة / طويريج
- متزوج / لدي طفلتين زينب و رقية .

س1 / صف لنا الرادود الحسيني محمد جيلاوي ؟
*اصغر واقل شأن من كل خدام الحسين عليه السلام ، رادود حسيني يطمح دائماً بنظرة من مولانا صاحب العصر و الزمان عجل الله فرجه ، قارء للقرآن و الأدعية .

س2 / حدثنا عن بداياتك في خدمة المنبر الحسيني ؟
* بدايتي في أرتقاء المنبر الحسيني عام 1997 ،
كنت في البداية أقرء القرآن ولازلت ، دخلت مسابقات في مجال القرآن الكريم وبعدها بدأت الى الاستماع للقصائد الحسينيه وسعيت جاهداً لأسخر صوتي لخدمة الحسين عليه السلام .

س3 / هل تمتهن مهنة غير الرادودية ؟
*ليس لدي اي مهنة غير الردة الحسينيه .

س4 / مع من تتعامل من الشعراء حالياً و من هو الشاعر الذي ترغب بالتعامل معه مستقبلاً ؟
* اتعامل مع عدة شعراء منهم : السيد موفق الموسوي ، الشاعر ابو تراب الياسري ، الشاعر عبد الجليل المالكي ، تعاملت مع الشاعر السيد عبد الخالق المحنه والشاعر ابو فاطمه العبودي ،
وتعاملت مع كثير من الشعراء وشرفني ذلك ،
اكثر الشعراء الذين تعاملت معهم هوه الشاعر السيد موفق الموسوي .

س5 / من يلحن لك القصائد ؟
* اكثر القصائد هيه من ألحاني ، بعضها من الشاعر وبعضها من من الملحن المبدع والمتواضع الاخ العزيز جبار المالكي

س6 / اذكر لنا اقرب ثلاثة قصائد إلى قلبك مما قرأت ؟
* قصيده { يجرحي المانسيتك } للشاعر السيد موفق الموسوي
- قصيدة { اذا الجبال سيرت} ايضا للشاعر السيد موفق الموسوي
- قصيدة { دمعي يهمل } للشاعر مازن الشطري

س7/ بكل صراحة ، لمن تستمع من الرواديد بشكلٍ دائم ؟
* ملا جليل الكربلائي
- ملا باسم الكربلائي
- ملا عمار الكناني

س8/ من هو إستاذك ؟
* استاذي ومعلمي الرادود الكبير الملا جليل الكربلائي و علاقتي به طيبة .

س9/ كيف تعلق على عمل الرادود الكبير جليل الكربلائي مع المطرب غسان الشامي (بما انه أستاذك) ؟
* انا سألت استاذي الملا جليل الكربلائي شخصياً على هذه المسألة وقال لي :
بانه لم يتعامل مع غسان الشامي ، بل كان في الاستوديو يسجل ودخل عليه غسان الشامي وبدا كانه يتعامل معه .

س10/ لو كنت مكانه و عرض عليك عمل مشترك مع المطرب غسان الشامي بتسجيل مجاني ولحن مجاني و ترويج مجاني ، هل توافق ؟
* كلا ، لا اوافق .

س11/ برأيك هل هنالك من يفتقر للخبرة او لا يملك جذور في بنيان الشعائر الحسينية و يتدخل في شؤون الشعائر و تنظيمها ؟
* نعم هناك كثير من يريد ان يكون متصدراً للخدمة برغم انه لا يمتلك الخبرة والامكانية مع ذلك اتمنی كل التوفيق لكل من يخدم الحسين (ع) ولو بحضور فقط لمجلس الحسين عليه السلام .

س12/ هل صادفك صاحب موكب او حسينية يفتقر للخبرة و التعامل مع الرواديد ؟
* نعم صادفني .

س13/ لو خيرناك بين لقب الكربلائي و الطويرجاوي ، ايهما ستختار ؟
* ساختار لقب خادم الامام الحسين عليه السلام وهوه اشرف لقب .

س14/ ما هو أكثر موقف محزن في حياتك ؟
* من أكثر المواقف المحزنة أن أرى (رواديد الطرب ) يأخذون أضعاف من إستحقاقهم الإعلامي ،
و في نفس الوقت هنالك العشرات من الرواديد المخلصين لا يسلط عليهم الضوء .. أعتقد بأن هذا الشي يحزنني كلما صادفته !

س15/ ما هو الشيء الذي بودك ان يعرفه الجمهور عنك ولم تفصح عنه لغاية الآن ؟
* احببت ان اتبع قول أئمتي وسادتي اهل البيت عليهم السلام
اللهم اجعلني مجهولاً في الارض ومعروفاً في السماء.

س16/ كونك رادود و الرادود هو صاحب قضية كيف ممكن او باي طريقة ممكن ان تحارب بها او تستنكر رواديد الطرب المتطاولين على المنبر الحسيني ؟
* احارب رواديد الطرب انا وكل رادود ملتزم بالالتزام نفسه من خلال البقاء علی نهج الخدمه الصحيحه والابتعاد عن اي شيء يسيء لخدمة القضية الحسينية .

س17/ ما هو سقف الطموح عندك ؟
* اطمح بان اكون خادم للامام الحسين (ع) وبإخلاص وان يسجل اسمي في سجل خدام الامام الحسين عليه السلام .

س18/ ما هي هواياتك بعيداً عن الخدمة الحسينية ؟
* سابقاً كانت هوايتي لعب كرة القدم ، اما الآن فأنا متفرغ فقط للخدمة والتعلم اكثر في مجال خدمة ابو الاحرار عليه السلام .

س19/ هل تتقبل النقد ؟
* نعم وبرحابة صدر ، صديقي من اهدى الي عيوبي .

س20/ لو جلست على دكة النقاد حول اي المواضيع سيكون نقدك الاول ؟
* لا انتقد وانما اقول للشخص الذي يراد تقييمه بان يهم بقضية الخدمة وبالأداء والعمل بجد و الإبتعاد عن كل ما هو يسيء لنفسه و للمنبر الحسيني .

س21/ ما هو الشيء الذي لن تفعله مرةً أخرى ؟
* لن اترك التمرين على القصيده وضبط اللحن والكلمات .

س22/ ما هو رائيك بكل من :
* كيف لي أن استطيع بإبداء رأيي بأساتذتي و بمن سبقني بالخدمة ،
لكن .. بما إني على كرسي الاعتراف سأقول ما يجول في خاطري :

* باسم الكربلائي :
- رادود مخلص ومبدع في خدمته للحسين (ع) وهوه يعتبر الرادود الوحيد المجدد للقصيدة الحسينية ،
وله الفضل الكبير على الرواديد الشباب واخص نفسي بالفضل عليّ .

* ابو تراب الياسري :
- الشاعر الطيب والمبدع في كتابة القصيدة الحسينية ويمتاز بالحزن والدمعة في كتاباته وخصوصاً مع السيده رقيه عليها السلام .

* جاسم النويني :
- بقية السلف الصالح من خدام الامام الحسين (ع) من الرواديد القدامى ، الله يحفظه وهوه حالياً موجود في مدينة طويريج وله فضل كبير على خدمة الامام الحسين (ع) والمواكب والهيئات لان وجوده في هذه المدينة قمه في العطاء وانا اعتبره ابي في الخدمه الحسينيه .

* سيد موفق الموسوي :
- شاعر من الشعراء المتألقين في كتاباته للقصيده الحسينية ، افكار جديدة وجميلة وهوه اقرب شاعر لي لانه يسكن بالقرب مني وايضا اكثر قرآئتي له في ايام محرم وصفر .

* عبد الجليل المالكي :
- الشاعر اللذي عرفته في فترة قصيرة ولكني مذ عرفته وكأني أعرفه منذ زمن بعيد وهو شاعر مبدع وكبير ومخلص في خدمته للامام الحسين (ع) .

* جابر الكاظمي :
- الشاعر الكبير الاستاذ جابر الكاظمي شاعر مثقف وصاحب فكره جديدة ومفردات انفرد بها وهوشاعر من الطراز الأول وهو يُعتبر مدرسة كبيرة في عطائه وسيبقى اسمه على مر الدهور في سماء الخدمه الحسينه فهو كبير بمعنى الكلمة .

* سيد عبد الخالق المحنه :
- شاعر مخلص ومبدع فقد ملئ الساحة الحسينية بقصائده التي ستبقى تجري لها دموع الموالين والعاشقين للحسين (ع) على مر الزمن بصوت الرادود الكبير الحاج باسم الكربلائي الله يحفظهم جميعاً

* الإعلام الشيعي :
- مع الاسف يوجد بعض القنوات التي لايهمها مضمون الرسالة والدور الرسالي لخادم الامام الحسين (ع) من خطيب وشاعر ورادود وأي شخص يحمل رسالة وعقيدة .
كل همها جني الأموال باي صورة من الصور ، وتقوم بعرض من يسيء للقضية الحسينيه عكس القنوات الهادفة التي تؤدي بالدور الكبير في ارشاد الناس وحثهم على فعل الخير والإبتعاد عن المحرمات وممارسة الخدمه الحسينية بالصورة الصحيحة التي تفرح قلب محمد وال محمد عليهم الصلاة والسلام

* ثامر السراج الكاظمي :
- في الخدمة الحسينية هو من كبار الخدمة ، عطائه مثمر ، و كتاباته رائعة للكثير من الرواديد المعروفين .

س22/ سؤالين كنت ترغب ان تطرح عليك في كرسي الاعتراف ؟
1. الاول ماذا تمثل القصيدة الحسينية للرادود محمد جلاوي ؟
2. ماهو تأثير المنبر الحسيني على من يحمل الرسالة الحسينية ؟

س23/ ما هو رأيك في مجلة الرواديد و الشعراء ؟
* ما دامت المجلة تهتم بخدمة الحسين عليه السلام فأتمنی لها المزيد من التألق والتقدم لخدمة القضية الحسينية ونقد كل ما يسيئ للخدمه الحسينيه .
ما كان لله ينمو و بارك الله بكل كادر المجلة .

- الرادود الحسيني محمد جلاوي شكراً جزيلاً على إنضمامك إلينا
دمت بحفظ الله و رعايته

*اتقدم بالشكر الجزيل والإمتنان لحضرتكم واتمنى لكم الموفقيه والثبات على ولاية امير المؤمنين عليه السلام

محمد جلاوي
20/02/2015 مـ
العراق - كربلاء المقدسة / طويريج



مجلة الرواديد و الشعراء

قصائد مكتوبة | الشاعرالسيد عدنان الحمامي | إستشهاد الزهراء (ع)

قصيدة بمناسبة إستشهاد الزهراء عليها السلام

-{ المستهل }-
يمه يمه ... سمعي يالزهره عتابي
يمه يمه ... گومي وياي ابـمصابي
گلبي جمر ... بَصدري حسره
گومي وياي ابمَصابي

ـــــــــــــــــــــــــــــــــــــــــــــــــــ
يايمه شحجيلج هضم ------ للًصخر هضمي ايفسره
مهضومه من جور الوكت ------وبصدري تلهب جمره
الامي بضلوعي غفت ----- وبخدي ماتت عبره
تردين اصبر بالصبر -------- هوه الصبر شيصبره
يمه يمه --------- بعيني مانشفت دمعتي
يمه يمه -------- بًصدري تجويني حسرتي
انتي ادره ----------- بصدري حسره
كومي وياي ابمصابي
ـــــــــــــــــــــــــــــــــــــــــــــــــــ
يالزهره انه اوديعتج ----- امن اللحد ليه گومي
يمه الهَضم ماينحمل ------ كثرت عليه اهمومي
من زغر سني اتيمت ----- ضلت الدمعه اليومي
وعيوني ماشافت فرح ---- ولاطيفه مر ابنومي
يمه يمه ------- بيه الام وهموم
يمه يمه ----- والحزن فوگي يحوم
دمعه جمره ------ بًصدري حسره
كومي وياي ابمصابي
ـــــــــــــــــــــــــــــــــــــــــــــــــــ
يايمه من ضيم الدهر ----- مانمت ساعه ابليلي
ومًصايب البيه گصت ----- يايمه اخذت حيلي
راواني اشكال الدهر ----- من الدهر يايويلي
راح العزيز وما رجع ---- وشلون بيه احجيلي
يمه يمه ------ عالنهر طاح الكفيل
يمه يمه ----- امصايب اعليه تميل
اجري عبره ---- بصدري حسره
گومي وياي ابمصابي
ـــــــــــــــــــــــــــــــــــــــــــــــــــ
طبع الصبر مر وكلف ---- وجرعت يمه صبرين
صبر اليًخزن بالگلب --- وصبر البجه ويه العين
ياما ويا ما هالشدد ------ يمه تجي مدري امنين
ولاشد واصعب نايبه ---- شلون احملت ذبح حسين
يمه يمه --- جم بدر شفته يغيب
يمه يمه --- جم ضنه لامه وحبيب
من انضره ----بصدري حسره
گومي وياي ابمصابي
ـــــــــــــــــــــــــــــــــــــــــــــــــــ
يايمه غابن جم بدر ---- بطف كربله امن اعيوني
اعزاز وعفتهم عالترب ---- يمه وتغير لوني
يمه ارد اسولفلج بعد ---- عگب اخوتي ضربوني
ساعتها مجتوفه بحبل --- اوللشامت ايودو ني
يمه يمه ----- ياجرح يبره ويطيب
يمه يمه ----- ا منين ابو فاضل اجيب
اعليه جسره --- بصدري حسره
گومي وياي ابمصابي
ـــــــــــــــــــــــــــــــــــــــــــــــــــ
شفت الگمر عالمشرعه ----- والجود بين اجفوفه
وشفت الحسين ابمصرعه ---- عين العمه اولاشوفه
والاكبر ابدمه سبح ------ وجسام وسط الحوفه
والاصعب اعليه واشد ---- يمه بحبل مجتوفه
يمه يمه ----- والله اتمنه المنيه
يمه يمه ---- مايصح لاجن بديه
بيش اجبره ------ بصدري حسره
گومي وياي ابمصا بي

الشاعر الحسيني
سيد عدنان الحمامي

مجلة الرواديد و الشعراء