قصيدة بمناسبة إستشهاد سيدة نساء العالمين #فاطمة_الزهراء عليها السلام
نار الضلع تچويني ... ودمع العتاب بعيني
مولاي علي مولاي
ـــــــــــــــــــــــــــــــــــــــــــــــــــــــــــــــــ
بالصدر مخنوگة حسرة والگلب حار ابخطابه
ايوجّه الحيدر سؤاله حيره لو يبدي عتابه
يا علي ضلع الزچية تشاهد الامه ومصابه
هالبطل ساكت علامة عجبة بسكوته وغرابه
بضلعي لهيب ونار .. من نبتة البسمار
اصار وجره ياذيني...ودمع العتاب بعيني
مولاي علي مولاي
ـــــــــــــــــــــــــــــــــــــــــــــــــــــــــــــــــ
يا علي ادركني صرخة تخترق كل المسامع
وانته تسمعني وتشاهد زهرتك بين المواجع
عينك واذنك شهودي والحقيقه اربع اصابع
وحالي گدامك تشوفه ضلع وبسمار ومدامع
يابا الحسن ناديت .. حيلي انهدم حسيت
گطعوا ورود سنيني .. ودمع العتاب بعيني
مولاي علي مولاي
ـــــــــــــــــــــــــــــــــــــــــــــــــــــــــــــــــ
يا علي مو هذا طبعك للينادي ما تجيبه
تحضر انته العنده شدة والنخاك بكل مصيبه
وانه صحت بدمعي حيدر ما تجاوبني عجيبه
يا علي سگطوا جنينك وهشمّوا ضلع الحبيبه
ابنك تشوفه يطيح .. طفل ابصرخته يصيح
من العده حاميني .. ودمع العتاب بعيني
مولاي علي مولاي
ـــــــــــــــــــــــــــــــــــــــــــــــــــــــــــــــــ
چم مصيبة البيه حلت منهة صرت اصفگ بديه
حايرة بضعة محمد اشتتنه يا حامي الحميه
شبوا النار اعله بابي ومحسن ابنك عالوطيه
والرجس عالخد سطرني والضلع ناره سريه
صرخة حزن وعتاب .. وينك يداحي الباب
بهمي صحت وونيني .. ودمع العتاب بعيني
مولاي علي مولاي
ـــــــــــــــــــــــــــــــــــــــــــــــــــــــــــــــــ
هذا وضعي وشنهو رايك يابو الاراء السديده
دمعي يجري وضلعي ينزف والرجس يضربني بيده
أنشِتِم ما يرضه سيفك لو تجرده الشر تبيده
لا حسام الا فقارك لا فتى الا الصميده
يا حيدر اترجاك .. وحته الضلع ينخاك
والله الالم سابيني .. ودمع العتاب بعيني
مولاي علي مولاي
ـــــــــــــــــــــــــــــــــــــــــــــــــــــــــــــــــ
هذا مو بابي اللي حرگوا هذا باب الله ونبيه
وهذا مو ضلعي التهشم ضلع ابويه الوصّه بيه
وادري تعلم انته كلشي وتحزن وتغضب اليه
وادري كل هذا يغيضك امگيدتك بس الوصيه
مني الضلع مكسور .. ونته علي معذور
لوما الوصيه اتجيني .. ودمع العتاب بعيني
مولاي علي مولاي
مولاي علي مولاي
ـــــــــــــــــــــــــــــــــــــــــــــــــــــــــــــــــ
بالصدر مخنوگة حسرة والگلب حار ابخطابه
ايوجّه الحيدر سؤاله حيره لو يبدي عتابه
يا علي ضلع الزچية تشاهد الامه ومصابه
هالبطل ساكت علامة عجبة بسكوته وغرابه
بضلعي لهيب ونار .. من نبتة البسمار
اصار وجره ياذيني...ودمع العتاب بعيني
مولاي علي مولاي
ـــــــــــــــــــــــــــــــــــــــــــــــــــــــــــــــــ
يا علي ادركني صرخة تخترق كل المسامع
وانته تسمعني وتشاهد زهرتك بين المواجع
عينك واذنك شهودي والحقيقه اربع اصابع
وحالي گدامك تشوفه ضلع وبسمار ومدامع
يابا الحسن ناديت .. حيلي انهدم حسيت
گطعوا ورود سنيني .. ودمع العتاب بعيني
مولاي علي مولاي
ـــــــــــــــــــــــــــــــــــــــــــــــــــــــــــــــــ
يا علي مو هذا طبعك للينادي ما تجيبه
تحضر انته العنده شدة والنخاك بكل مصيبه
وانه صحت بدمعي حيدر ما تجاوبني عجيبه
يا علي سگطوا جنينك وهشمّوا ضلع الحبيبه
ابنك تشوفه يطيح .. طفل ابصرخته يصيح
من العده حاميني .. ودمع العتاب بعيني
مولاي علي مولاي
ـــــــــــــــــــــــــــــــــــــــــــــــــــــــــــــــــ
چم مصيبة البيه حلت منهة صرت اصفگ بديه
حايرة بضعة محمد اشتتنه يا حامي الحميه
شبوا النار اعله بابي ومحسن ابنك عالوطيه
والرجس عالخد سطرني والضلع ناره سريه
صرخة حزن وعتاب .. وينك يداحي الباب
بهمي صحت وونيني .. ودمع العتاب بعيني
مولاي علي مولاي
ـــــــــــــــــــــــــــــــــــــــــــــــــــــــــــــــــ
هذا وضعي وشنهو رايك يابو الاراء السديده
دمعي يجري وضلعي ينزف والرجس يضربني بيده
أنشِتِم ما يرضه سيفك لو تجرده الشر تبيده
لا حسام الا فقارك لا فتى الا الصميده
يا حيدر اترجاك .. وحته الضلع ينخاك
والله الالم سابيني .. ودمع العتاب بعيني
مولاي علي مولاي
ـــــــــــــــــــــــــــــــــــــــــــــــــــــــــــــــــ
هذا مو بابي اللي حرگوا هذا باب الله ونبيه
وهذا مو ضلعي التهشم ضلع ابويه الوصّه بيه
وادري تعلم انته كلشي وتحزن وتغضب اليه
وادري كل هذا يغيضك امگيدتك بس الوصيه
مني الضلع مكسور .. ونته علي معذور
لوما الوصيه اتجيني .. ودمع العتاب بعيني
مولاي علي مولاي
ليست هناك تعليقات:
إرسال تعليق