مقارنه بين صائم جالس في المنزل ،
ومقاتل صائم في الحشد الشعبي ..!!
.
انه وين وانته وين
انه عالتـبريد گـاعد .. وانتـه بالحر والتراب
انه تلفزيون اشاهد ..وانته شاهدت العذاب
انه احسب للفطور .. وانته تحسـب بالعتاد
انه ادور ماي بـارد .. وانتـه دلالـك رمـاد
انه اتـسوگ عصـاير .. وارجع اتسوگ لحوم
وانته عالساتر فطورك..تنتظر يمته الهجوم
انه اتسحر اويه اهلي..وانته ماتملك سحور
انته تـشعر بالعراق .. وانه ماعندي شعور
انـه من الـنوم اگعـد .. الظهر بعد الاذان
وانته بعد الظهر يمكن .. حررتلك چم مكان
انه من الحر احـاذر .. وانتـه بالحر اختصاص
انه اخاف يسيل دمي .. وانته خوفت الرصاص
انه صـايم يعـني نـايم .. لايزعجوني الزغار
وانته كلشي مايزعجك ..حتى لوصوت انفجار
خل اسولفلك العـدله . اولا آلـف اولا ادور
انه غيره ماكو عندي ..وانته بس انته الغيور
انه وين وانته وين
للشاعر الحسيني
حيدر تركي الكربلائي
ليست هناك تعليقات:
إرسال تعليق