تعنينه ووصلنه شفيعة قم املنه
اجينه لصاحب الدار كريمة بيت الاطهار
""""""""""""""""""""""""""
اجينه والامل يسبگ مشينه الكلب من شوكه ذايب
گصدنه الطيبة المعصومة جينه لعد بت الاطايب
سليلة فاطمة وحيدر ولينه اعز واغلى الحبايب
نطاهة الباري من جوده ويقينه كرامات و مناقب
تعنينه و رجانه تحقق مبتغانه
گصدنه الليله خطار كريمة بيت الاطهار
""""""""""""""""""""""""""
امامي العسكري يروي رواية عن الحرة الجليلة
اليزور اخت الرضا وبنفسه غاية تسر تفرح دليله
بشرط تگصدهة عن علم ودراية تردك مستحيلة
من الزهرة الزجية الحرة آية شعظم هاي الفضيلة
عن ايمان وعقيده تنال انته التريده
تنظرك بت الابرار كريمة بيت الاطهار
""""""""""""""""""""""""""
حرم مكه حرم رب البريه عن الصادق كلامه
والمدينة أمست الطه نبيه حرم نور وسلامه
وحرم للمرتضى حامي الحميه لعلي لكوفة مقامه
يگول الصادق ابقم للزكيه حرم النه وكرامه
حرم معصومة نوّر على عناد التجبّر
تشع گبتهة انوار كريمة بيت الاطهار
""""""""""""""""""""""""""
اجينه وكل محب معصومة ناده يمولاتي بنداءه
اعتقد بالطاهرة وزاد اعتقاده تحققله رجاءه
يمولاتي ابفخر يهتف فؤاده يعبر عن ولاءه
اخذ كلمن دخل صحنج مراده الوسيلة انتي لدعائه
وسيلة انتي وشفاعه ينور الله وشعاعه
اجتباچ الباري واختار كريمة بيت الاطهار
""""""""""""""""""""""""""
كريمة من اهل طه الميامين. كرم تمطر سماهة
انطبع بيهة الكرم معصومة كل حين توافي اللي وفاهة
كرمهة من علي والحسن وحسين والاصل هادينه طه
توافي وتنطي حاجات المحبين كرامة الله نطاهة
حرمهة اللي يزوره يحس راحه بشعوره
يحصل منهة تذكار. كريمة بيت الاطهار
""""""""""""""""""""""""""
للشاعر الحسيني
انيس الخفاجي
مجلة
الرواديد والشعراء
ليست هناك تعليقات:
إرسال تعليق