قصائد مكتوبة | الشاعر ابو تراب الياسري | إستشهاد الزهراء (ع)

قصائد مكتوبة
-{ بين الزهراء و العباس عليهم السلام }-

-{المستهل}-
ما نسيتچ يُمّه يلزهره الزچيه
راح يَّم شاطي النهر أنصب عَزيه
بـيـش أدگ صـدري .. اتقــبلي عـذري
لَجل زينب قدمتها اچفوف اديّه
ـــــــــــــــــــــــــــــــــــــــــــــــــ
أَنسَه چفّي اوعيني يًمّه اوكلشي أنسه
اوضلعچ ابعـــمري جرح ملچوم أَحِسَّه
يَــمّــه لوتــدريــن شــتمًــنّه آنـه هَــسّه
ابـــدمعي أرسم بابچ او اوگف وَحِـرسَه
حتى كلمن يزرع اگباله أَذيه
ايشوفني اوتتراوه بعيونه المِنيه
فــدوه الچ عُـمـري .. اتـقـبلي عـذري
لَجل زينب قدمتها اچفوف اديّه
ـــــــــــــــــــــــــــــــــــــــــــــــــ
اشما تمــــر ذكــــــراچ أحــزاني اتـجـــّدّد
بــيــــّه حَــسرَه اتــكــفّي هذا الكون وَزوّد
راح أخلّي الماي يرفــع بــيـرغ أســــود
الهَسّه صوت الزينب ابسمـعي أيــتـــردّد
خويه يا عباس لا تنسه الوصيه
خويه أحَلفَك بمّي وبدمعة رقيه
حـقها ما تـدري .. اتـقبلي عـذري
لَجل زينب قدمتها اچفوف اديّه
ـــــــــــــــــــــــــــــــــــــــــــــــــ
أذكر ابمهدي اوسِمَعت امن أُمّي چِلمَه
يبني چــــــــفّــــك دون زينب لا تِظـمّه
ابكربله عمرك العمر احسين قَــــــــدمَه
آنه ونـــتــــــه شـــرف لو تـقبلنه أًمّـــه
شرف يا عباس لو خدّام عِدها
آنه وانته انصير ونضّد اليضدها
والـدمع يـجـري .. اتـقـبـلي عذري
لَجل زينب قدمتها اچفوف اديّه
ـــــــــــــــــــــــــــــــــــــــــــــــــ
أدري دهـــــــرچ جـرعّچ هّـــم او مآ سي
او أدري حزنچ يِصدَ ع ا گلوب الرَواسي
يَـــمّـــــه لـــــتــعــتــبين وتگولين ناسي
من اشـــوف البـاب يـتــجرّح احــــساسي
يُمّه يزرع چم مُصيبه الباب بيّه
أبچي وهجس شامت ايعاين عَليه
اتـحــيّرّت بَـمـري .. اتـقبلي عذري
لَجل زينب قدمتها اچفوف اديّه
ـــــــــــــــــــــــــــــــــــــــــــــــــ
وين أشوف الحايط او احچيله وَضعي
اوأمسح آ ثار المصيبه ابفيض دمعي
ريت باب الصّوبّچ صّوبلّي ضلعــــــي
راح أ گّــل لچفوفي لزنودي ارجعــي
حتى أسويلّچ عَزَه با لغاضريه
وَلطُم أَعلَه الراس يًمّه ابهل المسيه
الباب شَّل فِكري .. اتقبلي عذري
لَجل زينب قدمتها اچفوف اديّه

الشاعر الحسيني
السيد ابو تراب الياسري