شفّت عين الشــمس من غيضها إِموجّره
اوشفت وجه الگُمر مكســـــور بالحسره
طلع فجــــــر الصُبــــح يتگلّب إِباحزان
اومن فيض الدمع بخــــــدوده إِثر حُفره
وبذاك الظـــــــــــــلام الدامس اليرهب
شفت إِعليـــل كاعد يســـــــچب العبره
يمّه إِطفـــــــــــــال باللوعه تحن والآه
اوحرم محتـاره ضاع إِعليها كل مسره
لن حُـرمه جـدمها إِيدوس فوگ الموت
كعدت يم جســـــــــد مطروح عالغبره
تهل دمعات عزها إِبشــــــوغت الدلال
تناغيه إِبهضُمها اوحيـــــــــل منكسره
مثل طير الگطه تسـحن سحن بالروح
طُفح بحرالحــزن عدها اوكسر صبره
تگله ياهرش عُمري الرويتـــــه سنين
عُگب عينــــــاك كسري ياهو إِليجبره
يتعثّر حچيهــــــــــــا إِبشهگة الأنفاس
تخبره إِعله الجــروح البيهــــا منتثره
بچفوف الرســــــاله رفعت المطروح
لن هاذهِ الجســــــد محزوز من نحره
گامت والارض ويّـــــاها گام إِتموج
عله إِچتاف المنــــــايه رُكبت الحُرّه
وكفت عالنهر وتحــاچي ذاك الروج
صدگ عبـاس راح اوعيني متنظره
صدگ ظعن الهواشم يرجع إِبليـــاه
اوصدك إِمشي عُگب عيناه متيسره
إِنحنت والكون ويـاها إِنحنه وينوح
عله إِچفوف الكفاله النـــار مستعره
سهم چتال شــافت هِدم عدها الحيل
طُفه إِعيون الگُمر خـــلاها متحّيره
صدّت للغري وتنـــادي يابو حسين
ماتلحـــگ إِعلينه اوتطفي هالجمره
(( لوعة الحُرّه ))
الشاعر الحسيني
سعد مطلوب الخفاجي
مجلة
الرواديد و الشعراء
ليست هناك تعليقات:
إرسال تعليق