كلُ شئ يموت الاْ الشعرْ
---------------------
عشت ليلة شلون ليلة
تختلف عنّ الليالي
ليلة مرّتْ عليّ ومْضه
غيّرت وٓضعي وحالي
شفت اُخر عمري وين
أمرْ واقع مو خيالي
اظنُها ليلةُ القدرِ
كل شيء يموت الا الشعر
----------------------
نقطة الباء البداية
ونقطة النون النهاية
والأصل والماكو نقطة
عدمْ چنّه وهسٓه ِصرنٓه
والقلم معروف خٓطّه
العُمر نگضيه نومه بينْ
يقظه وبينْ گحه وبينْ شٓحطه
هاي دنيانه الچبيره
صوّرتهَا بهيچ لقطة
تموتُ الجسوم وتبقى الصور
كلُ شيء يموت الا الشعر
-----------------------
ماأسولف فلسفه وعرفان لاْعلم الفلكْ
أكيد بالقران مذكوره إلكْ
العقل ميزان واليخسر هلكْ
وين گلي الحِكٓمْ وّينه الّلي مُلكْ
على السيف إنتصر النحر
كل شي يموت الا الشعر
------------------------
شٓرط مو كل التعرفه اتسولفه
وهو مو كل التشوفه اتوصفه
العاشگ ابمعشوكه تگدر تعرفه
اللاذ باسم حسين بيش تخوّفه
الحُسين مفتاح الصبر
كل شي يموت الا الشعر
------------------------
لو ردت تعرف صديقك والعدو
حاچي گلبك يخبرك بامره شأٓكو
وشوف من يحچي يسولف على الحُسين
لو يسولف باللغو
لو يسألك عن محرم لو يسألك عن مكانات اللهو
بالحُسين يُعرٓف البشر
كل شي يموت الا الشعر
-------------------------
دوّر بكل الحضارات القديمه
واقره تاريخ الاممْ
هم شفت أمّة لئيمه
حرگت اطفال بخيمْ
أطفال من أسره عظيمه
من أصل نور الشيمْ
زينب الحره الكريمة
تُسبى چا وين الرحمْ
طبروا حيدر - عَمْ الشّرْ
كل شئ يموت الا الشعر
--------------------------
الشاعر الحسيني
ياسين حردان الساعدي
مجلة
الرواديد و الشعراء
ليست هناك تعليقات:
إرسال تعليق