يلمبعوث ابدين الرحمه نحچيلك عن حال الأمّه
مّن السقــــــــيفه للبــــــاب اوضلع الزچيه الماطــاب
نحچيلك عن حال الأمّه
ــــــــــــــــــــــــــــــــــــــ
يلفضلّك مّن البشر الله اورسول اختارك
وانته عله افراش المرض گالو هجر وتدارك
نقظو خلافة حيدره او هد مو ركن من دارك
اوكسرو ظلع من فاطمه اونور انطفه امن انوارك
**
شنعدّد ياهم ياهم يانكبه امن الباب
المولود الكعبه غصبو حقّه ابلايه اسباب
اوضلع الزچيه الماطــاب
نحچيلك عن حال الأمّه
ــــــــــــــــــــــــــــــــــــــ
زهرة حياتك يلنبي من رحت وهلالك غاب
الچانت اصحابك تندعي فجعتها وبلايه اسباب
عاشت محن ماتنوصف شافت انواع الارهاب
اولهّن ابكسر الظلع اومحسنها طاح اعله الباب
**
ظلّت مهظومه ابحسرتها
اولفراگك تكبر عبرتها
من شخصك يلمرسل غاب
اوضلع الزچيه الماطــاب
نحچيلك عن حال الأمّه
ــــــــــــــــــــــــــــــــــــــــــ
كسرو ضلعها ابلا سببب اوهدمو دار التنزيل
يلمرسل ابلايه سبب فجعوها وابذلك الليل
هجمت الزمره الظالمه والدار حاطتها الخيل
واحد سطرها يلنبي واحد هدم منها الحيل
**
اتمنيتك حاضر يلهادي
تسمع صوت الزهره اتنادي
اوتنظرمدمعها السچاب
اوضلع الزچيه الماطاب
نحچيلك عن حال الامه
ـــــــــــــــــــــــــــــــــــــــــــــ
يلنبي اوهم عندك خبر لونشرح احنه الأخبار
تدري ايطه المصطفه من انطبر حماي الجار
اوتدري الحسن سموه غدر اونعشه انضرب يالمختار
اوعندك علم راس السبط ابراس الرمح ظل يندار
**
نحچيلك احنه الاخبار
الله من ظلم الأ شرار
اصواب البينه اشلون اصواب
اوضلع الزچيه الماطــاب
نحچيلك عن حال الأمّه
ـــــــــــــــــــــــــــــــــــــــ
يلنبي اومن يوم الرحت والفرج ننطر صبحه
وجروح حط بينه الزمن كلمن احتار ابجرحه
آهات وهموم اوقهر ماشفنه يوم الفرحه
تفجير ورهاب اوذبح والوضع ياهو ايصلحه
**
لاچن منتضرين المهدي
وانكابر عالجرح اليدي
نشر حلك ضلم لارهاب
اوضلع الزچيه الماطــاب
نحچيلك عن حال الأمّه
الشاعر الحسيني
ابو تراب الياسري
ليست هناك تعليقات:
إرسال تعليق