اسرح ابعالم خيال الغاضريه .. حسين اشوفه اتعنه يم شاطي المنيه
السبط يم الگمر يقــبّــل بالـنـحـر
-----------------------
يوم عاشرمن مـحـرم جـنـي واكـف بـالطـفـوف
وشاهدت عبـاس بـدره بـالعـمـد صابه الخسوف
الشمس چن ابعيني لاحت عالكَـمـر كَامت تطوف
اتـشـاهـد الجـثـه رمـيـه ومـنها مكَطوعه الجفوف
بدر عباس خسوفه اصبح علامه من علامات فكد شمس الامامه
و وكف محني الظهر يقــبّــل بالـنـحـر
------------------------
من الكَمر لن صوت يظهـر للي مـجـبـل يـنـشـده
أيـكَـله امـهلـني واحلـــفـك بـــالالـه الــتــعــبــده
ارد اودع ابــن ابــويــه الظـل وحـيـد اويه العده
عـكَـبــي كـل خـيـل آل امـيـه بـالـحـوافـر تـلـكده
امهلني لحظات كبل كطعت وريدي انتظر كون الي يحظر عضيدي
الكَلب منّه اعتذر يقــبّــل بالـنـحـر
---------------------
حسين شمس وعالكفيل اعـيـونـه تـتـذارف دمه
وكَـعـد يـم راس ابـوفـاضل حـيـن كَـام أيـكـلـمه
ايكَله ياخـويــه مـصابـك مـــس دلـيـلـي وألـّمــه
وعالكَـمـر والشـمـس ناحت كـل مـلائـكـة السمه
دمعته ادموم غدت شبل الوديعه لاجل عباس وعلى اجفوفه الكطيعه
وعلى سهم النظر يقــبّــل بالـنـحـر
----------------------
حيـن راس الكَـمـر شـالـه ابـحـجـره حطه وقبّله
انجمعن اخسوف وكسوف وظلمه صارت كربله
والكَـمـر شـاهـد الحـالـه شـــال راســـه ونــــزّله
جـان لـونـيـن الحُـسـيـن الـسـمـه تـطـبـك عالفله
الهذا المصاب دمع كل عين ساجب بجّوا الكون وبجت حته الكواكب
الدمع يجري حمر يقــبّــل بالـنـحـر
-----------------------
كَام من يمه عـضـيــده واتـجــه صـوب الـخـيـم
و ودّع اجفوفه الكَطيعه وحـيـل ابـوالـيمه انهدم
خـلـه جـسـمـه عالـفـرات ونـابـت ابـعـينه السهم
وعالـتـراب الجـود خـالـي وانـطوه ابصفه العلم
چن اشاهد بقه النور ايتلاله نور الحسين زهى ونور الكفاله
على طول الدهر يقــبّــل بالـنـحـر
---------------------
الشاعر الحسيني
عمار العيساوي الكربلائي
مجلة
الرواديد و الشعراء
ليست هناك تعليقات:
إرسال تعليق