لعٓين لوْما النور ماچان ابْصٓرتْ
إتصير عٓميه وماتشوف اخيالْهَا
الجسد لوما الروح بعروگه سٓرتْ
جثه يصبحْ خامِده بأفعالْهَا
تلومْ بعض الناس غِشمه ومادٓرتْ
شلون فضّلنا الولي إعّلَه رجالْهَا
ليش حبّينا الوصي مافكّرتْ
الأصيله اتبّين بخيّالَهَا
الدنيا مُهرٓةْ حيّدرَه ومنّ اعثرتْ
بسيف ذو الفقار حيدر شالْهَا
الدنيا من حيدر علي خير امطرتْ
السهل والوادي إرتوتْ وجْبالها
عٓسّرتْ نٍدبتْ بأسْمَه اتْيَسْرّتْ
طاحت وگامت علي تٓچّالها
وأذّنت جوف السماء وكبّرتْ
تصيحْ أيّ شِّدَه علي حلَالها
الدنيا خطّار إبمضيفه اتربعتْ
ولايته الگهوه وچفوفه إدلالْهَا
لفگده رعدٓت سٓيل سجّيل امطرتْ
راح حاميها وكفٓيل اعيالْهَا
حُبّه جنّه وبُغْضه نيران أسعرتْ
الساتر الله لو عصف زلزالْهَا
أرد اسألك يلْ لِِمتْ بيّه وجرتْ
منهو طلّگها ابحِليّهَا ومالْهَا
لافتى لاسيف إلمّنْ أظهٓرتْ
غير حيدر گلي ياهو النالهْا
اتوشّحتْ بأسمه بعلومه اتفكَرتْ
وغير حيدر يااسم يحْلالْهَا
الدنيا ندبت حيدره وتحيدرتْ
شدّة الشّدات حيدر حالّهََا
طه إلمن گال هارونيّ صرتْ
الغير حيدر گلي إلمنْ گالْهَا
الغير حيدر گلي إلمنْ گالْهَا
الشاعر الحسيني
ياسين حردان الساعدي
مجلة
الرواديد و الشعراء
ليست هناك تعليقات:
إرسال تعليق