المشايه
ــــــــــــــ
لوتريد إتشوف دين الله العظيم
دقق وعاين على المشايه
تِلگه متساوي الغني ويه الفقير
بدوي كردي وعربي وابن ولايه
أبد متميز چبير اِمنّْ الصغير
على فد غتره ونطاق ورايه
والنساء إمگبعات ومن تنوح
الصخر يبچي إبوّنت الملايه
عفٓه تسبيح ودعاء والتزام
والصلاة بوكتها أمأدايه
جيوش تتلى جيوش
تمشي بلا سلاح
إمحزمه بايمانه امغطايه
عالچفوف الروح حطتها وتزور
يشترون الموت والله اشرايه
إجت زوار الضريحك ياحسين
إتحدٓت الارهاب الك عنّايه
هدف واحد والطريق لكربلاء
إتصيح يامظلوم انته الغايه
انته غايتنه فلاغايه سواك
ابدمانمتنع هاي حچايه
بصوت واحدْ
كلّهَا صاحت ياحُسين
أرواحنا فدوه الك مولايه
أسراب سوده من لبس ثوب الحداد
إمهدله ومطيّنْه أمّدْماْيّه
تنحب وتبچي وتواسي ابن البتول
على فد لطمه بصدرشچايه
وقسم خادم واگف بنص الطريق
طابخ وحمّامه محّتر مايه
يصيح فدوه إتعشو ناموا اتفضلوا
وين أودّي الاكلْ عندّي هوايه
وقسم نامت مطمّئنه بكل أمان
بالجزيره بوسط ذيچ الثايه
موجزيره أصبحت لاوالله العظيم
بقعه من الجنّه صارت هايه
الشاعر الحسيني
ياسين حردان الساعدي
ليست هناك تعليقات:
إرسال تعليق