لو ذكروا ابن الحسن ذاب الگلب ساح اله
اتعنيت انه المحفله و شوگي اله ساحله
وسويت ارض الغرب ميدان اله و ساحه له
وسهران وبقه انتظر ودري الليل منجلي
وعليه گلبي رجف مصنوع چن من جلي
يا صاح حد منجلك خلّي مثل منجلي
وتحزم الطلعته بحب و عمل بسلاح
و يطّيب الكل گلب جفّه اذا بس لاح
وهديله كل العمر بدره لوّن بس لاح
وللزهرة بس لو يهل يغدي الضلع مجبور
شيعي واتاني الفرج عاشگ وبيه مجبور
واللي يضدنه يظل مي و ارض مج بور
دزيت ياما كتب حتى الگلب راح اله
يمته يبطل السفر و يمنة يحط راحله
وتمنى غمض الجفن وصحه ومد راحي اله
وتصافح ايدي الولي وما صافح ايد الهوه
ويصبح حقيقة الحلم وگلبي يشوف الهوه
ولواله آل النبي مو نفسه ذاك الهوه
اللي هوه الناصبي وتصبح سقر صفحته
واللي نكر حيدره من انعل ابو صفحته
والشيعي يوم الحشر بيضة تشع صفحته
يالمهدي حبك بحر فاز الوصل ساحله
ليست هناك تعليقات:
إرسال تعليق