يا أيها الضيف الذي حلا
مهلاً بطه المصطفى مهلا
آ يا رسول الله...آ يا رسول الله
""""""""""
يگاصد للنبي والموته مهتم
رسول الله محمد هذا الاكرم
عليه رب السمه صلّه وسلّم
وعليه انزل كتابه ووحيه كلّم
يجاي بهالامر چنك متعلم
محمد لو رحل هالدنيا تظلم
قد غاب نور الله والدين
تبكيك حزنا سيدي عيني
آ يا رسول الله...آ يا رسول الله
""""""""""""
يملچ الموت بالهادي تمهل
وتصبّر بالامر بالله وتجمل
ببو الزهرة النبي لحظة تأمل
وتفكّر منه لو تدنه وتخيل
اذا عن دنيته وعن اهله يرحل
على بنته الوديعة شنهو يحصل
يا ايها الموت اما تدري
لبنت خير الناس ما يجري
آيا رسول الله...آيا رسول الله
"""""""""
يملچ الموت طوّل هالمسيه
وعلى الهادي تأنّى بالمنيه
صعب فگد النبي والله ورزيه
بغيابه الزهرة ما تحمل اذيه
حزينة فاطمة لفگده وشجيه
بعد المن اله تشكي الزجيه
والدمع من بنت الهدى ساحا
والحزن في وجه السما لاحا
آ يا رسول الله...آيا رسول الله
""""""""
تأنّه شويه لو حانت سفرته
متدري لو رحل تلهب جمرته
اذا غاب النبي تحزن زهرته
واذا ظل تجري للزهرة عبرته
بگيت بحيرة عالهادي وعترته
شگول وهذا امر الله وقدرته
فهذا حكم الله يا زهرا
صبرا على رزء الرّدى صبرا
آ يا رسول الله...آ يا رسول الله
**********
عليك الله مصير الموت أخره
اريده يشوف من بعده اليجره
يشوف الخان عهده وعاف امره
ويشوف الباع دينه ودار ظهره
وعلى داره يصد ياهو التجره
ويرض ياهو ضلع بنته ويكسره
للطهر ويلي قد أتى يسعى
بالحقد رضَّ الظالم الضلعا
آ يا رسول الله...آيا رسول الله
""""""""""
يملچ الموت ما تسمع نداهه
الزچيه تنادي لا ترحل يطه
وحيدة لا تخليني بمتاهه
يبلسم انته لجروحي ودواهه
تريده بيوم لو يكثر بچاهه
يجيهة ويحضر ايهّون اساهه
يا زهرة المختار لا تبكي
فبكائك قد احزن الفلك
آ يا رسول الله...آ يا رسول الله
""""""""""
رسول الله وحبيبه الليلة غايب
حزين الربه يمضي وگلبه ذايب
الوديعة يدري تلفيهة المصايب
لون يرحل تظل روحه تراقب
ينادي الزهرة طه ودمعة لاهب
تجيني وعنچ اجليهة النوايب
بالحزن راح المصطفى لهفي
ولوعة الزهراء لا يخفي
آيا رسول الله...آ يا رسول الله
ليست هناك تعليقات:
إرسال تعليق