يناديك الگلب ليله و نهاره
يغايب للحسن لا تنسه ثاره
هوه بسم المنيه انفگد ابن الزجيه
"""""""""""""
الك نشكي مصابه و تهمل العينين
الك نشكي المصيبه
يغايب بالالم گلبه انگسم نصين
بثر سمه و لهيبه
توذرت چبدته وطاح ولفاه البين
كثر همه و نحيبه
يغايب والحسن ناده و جوابك وين
تسمعه وما تجيبه
ارتفع صوت النوايب نناديلك يغايب
دعاين حالته وشوف انكساره
يغايب للحسن لا تنسه ثاره
"""""""""
على مصابه صبر جدك صبر ايوب
الصبر لازم يطيعه
حمل سم آل امية والچبد مصيوب
حمل هم الفجيعه
يفز نوبة ويشوف اهله ويطيحن نوب
مسه بحاله مريعه
ننادي اليا وكت تبگه وتظل محجوب
نحلفك بالوديعه
تعجل من مغيبك وخذ ثاره الحبيبك
يوالي و الفرج طال انتظاره
يغايب للحسن لا تنسه ثاره
"""""""""""
اعتله صوت الحسن بالهم كثر حزنه
على طه نبينه
گُرُب جده رسول الله امنعوا دفنه
اوگفوا اهل الضغينه
عليه زاد الالم ونه ابأثر ونه
الحسن الله يعينه
انظلم حته بدفنته ومن غمض جفنه
بگت روحه حزينه
مصابه من مصابك
باسه نشكي غيابك
يمهدي والعدل رده المساره
يغايب للحسن لا تنسه ثاره
"""""""""
بسهام آل الشمر زادت عليه الهموم
سهام ال الضلاله
بحقد نعشه تصيبه و الگلب مالوم
الاهل تبچي اعله حاله
بظلم عاش الحسن عمره وگضه مظلوم
قدر بيت الرساله
تجرت عل حسن وسفة لئام الگوم
اغدرت طه ويه آله
العبوا دور الخيانه انكروا ذيچ الامانة
بمصاب المجتبى نتنه الاشاره
يغايب للحسن لا تنسه ثاره
"""""""""
على جدك بچت كل الانس و الجان
الدمع منهة تسيله
و اهل بيتك تعنوله باسىه واحزان
اهل بيت الفضيله
بالموادع و النواعي و بچي الخوان
يهل دمع العقيله
تشوفه ايصارع سمومه والاجل حان
دنت ساعة رحيله
نوافي بچم علامة ترد يمتة بسلامة
گلب جدك بگه مستعره ناره
يغايب للحسن لا تنسه ثاره
""""""""""
نزف گلبه دموم و چبده يلهب نار
تشب تسعر جمرته
يودع اهله و اخوته ابلوعة المحتار
بطرف عينه دمعته
هوه بالسم عليك ايشوبح الانظار
سره السم ابچبدته
يمهدي وناده ابو محمد يريد الثار
يوصي كل عترته
يغايب لا تعوفه الحسن وضعه تشوفه
يوصي بشكوته و دمعه ايتجاره
يغايب للحسن لا تنسه ثاره
الشاعر الحسيني
أنيس الخفاجي الكربلائي
ليست هناك تعليقات:
إرسال تعليق