الك يبن الحسن نشكي صفت شده بأثر شده
الجواد ام الفضل سمت وكبلهة المجتبه جعده
*********************
الك نشكي يمهدينه ونريدك للجره تسمع
نفس كاس الحسن جدك الجواد بلوعته اتجرع
صفوا نفس الظلم والهم وچبدهم ذايب امگطع
سعت جعده بدواهيهة
وحقد ام الفضل بيهة
بغدر وبحيلة تاليهة
انفطر چبد الجواد انصاب مسه مثل الحسن جده
*********************
يغايب والالم بينه ودمع علّي جره انصبه
على آل النبي الطاغي انمله غي وحقد گلبه
إتبعت ام الفضل جعده وسوه تبعوا بنت عتبه
هند خط الحقد رسمت
بغدر جعده الحسن سمت
بحقد ام الفضل همت
الچَتِلته للجواد اتريد بخيانة سمته الچبده
********************
يرد ظلم الامس ينعاد يرد نفسه ابتفاصيله
ترد جعده بوجه ثاني تسم جدك تهد حيله
ندب صوت الحسن بالاه الجواد وينعه هلليله
غدر ما ينتهي وينعاد
يرد جم ظالم وجلاد
بدسايس يحكم واحقاد
النوايب كل وكت مولاي وطفح زاد الظلم حده
*********************
دمعتين بجفن هلّن ومصابين ابگلب صارن
الجواد اويه الحسن يهمل نفس دمعاته يتجارن
سوه ام الفضل وجعده نفس درب الحقد سارن
بني اميه وبني العباس
حقد ما ينوصف ينقاس
مسوا لا ذمه لا احساس
على بيت النبي جاروا وبعترته خالفوا عهده
********************
مثل چبد الحسن چبده بسموم النايبة اتفطر
ونخبرك يا ولي الله مصيبة اتكدرك اكثر
بگه طايح ثلاث ايام مثل جده ابو الاكبر
الماسي زادت اشتدت
مصيبة كربله ردت
بغدر ايد العده انمدت
وخذت روح الجواد شلون الشمر رد ورجع حقده
********************
گلبهم بالحقد ينبض بني العباس تعرفهة
تسم چبد الجواد اليوم بحقدهة النية تكشفهة
نريدك دمعة المسموم يبو صالح تنشفهة
صريع وطايح بداره
نريدك تاخذ بثاره
وتطّفي جمرته وناره
وترد كلمن ظلم جدك وتحاسب كلمن اتعده
************************
بگه سم الحقد يسري بچبدته وزادت المحنه
يغايب والجواد ابهم بگه بمصيبته وحزنه
يناديك بگلب مفجوع ينادي بحسرة وبونه
الجواد بحسرته ينشدك
يغايب منفجع جدك
يتاني وينتظر وعدك
يناديك الجواد اسمع العدل من غيرك يرده
***********************
للشاعر الحسيني
أنيس الخفاجي
مجلة
الرواديد والشعراء
ليست هناك تعليقات:
إرسال تعليق