هذا الدليل منين...بقارورة دم حسين
يروي الخبر... سيد البشر
**********
تروي ام سلمه ارواية وتشهد
عن السان الهادي الامجد
رواية حق عن الضامي
رواية الهة جبريل المسند
ترويهة عن سبطه الفرقد
ظل نحره ينزف دامي
بالطف يتحقق هالمشهد
ظلم حسين ودمه المكَصد
هالهدف غالي وسامي
عن النبي المرسول...هذا الخبر منقول
يحچي دُرَر...سيد البشر
"""""""""
يرسم هادينة اروع صوره
وتراب ايحط بالقاروره
يعلم رسول الأمه
ويوصي الزوجتة المبروره
إتبلغ كل المعموره
يوصيهة لأم سلمه
لو تدمي الناس المأجوره
نحر حسين وتطفي نوره
هالتربة تصبح دمه
لو يحچي حق موريب...يعلم خفايا الغيب
يدري القدر...سيد البشر
"""""""""
بعد اسنين طويلة مرت
بهم وحيرة أم سلمة شعرت
إتّاني وبكَت مهمومه
بعين إلهَم كل ساعة ونظرت
الذيچ القارورة وتنطرت
هالفاجعة المرسومه
بنيران التفكير اتوجرت
ويا يوم ويا ساعة تحسرت
عظم المصاب ويومه
يمتة تريد اجواب...يصبح دِمة التراب
تشكي الدهر...سيد البشر
""""""""
بالرؤيا وبيوم العَشره
من امحرم سيد العتره
لن شافته وافاهة
يغطي وجهه تراب وغبره
گاللهة وبعينة العبره
بهم وحزن ناداهة
طاح حسين وگطعوا نحره
فزّت من رؤيتهة بحسره
جاهة الخبر من طه
گلب النبي مهموم...الهذا السبب ظل دوم
يشم النحر...سيد البشر
"""""""""
وتخضب التراب بدمه
زاد الهادي حزنه وهمه
مليانة القارورة بدم
الكل العالم راد ايفهمه
عن امصاب حسين وعظمه
غايته العالم يفهم
والكون ابقارورة ايتمه
ودم حسين الغالي يرسمه
دمه ايظل اغلى وأعظم
بالحجة والبرهان...صار احسين عنوان
بحبة أُمر...سيد البشر
""""""""
ما يخفي الهادي لاحزانه
عن مقتل سبطه الريحانه
بالطف گطعوا وتينه
قام الاسلام وبنيانه
بالهادي ويشهد قرآنه
ويشهد بعد بارينه
وحسين الثبّت أركانه
بدم نحره و اهله ووليانه
ضحه من أجل دينه
انطة الدليل وحاز...دمه وصبح الاعجاز
بالطف نِصَر...سيد البشر
الشاعر الحسيني
أنيس الخفاجي الكربلائي
ليست هناك تعليقات:
إرسال تعليق