لا هي اول مره من عدهم تصير
ولا هي اخر مرة وانگول السلام
"""""""""""""""""""
ولا هي نار وتنطفي وتصبح رماد
ولا هي صدفة وتنحسب مر الكرام
""""""""""""""""""""""
ولا هي مزنة صيف اتعدي وتروح
چان زين ان مطّرت حب ووئام
"""""""""""""""""""""
گلنه دوم الهم عفا عما سلف
وما درينه احنه بضمايرهم تنام
"""""""""""""""""""""
يالحقدهم غيمة سودة املبدة
مو مطر بس شايله موت وسهام
""""""""""""""""""""
شيعة وامشينه ابنهج حيدر علي
وهُمه احيوا سنة الشمر وقطام
""""""""""""""""""""
من عهد ادم مست وصخة النفوس
من صفوا ولده بخراب ومو مرام
""""""""""""""""""""
ماني باسط ايدي لك هابيل ايگول
وگلبه قابيل انمله شر وانتقام
""""""""""""""""""""
اخوة صح نفس الابو ونفس الظهر
لكن الاحقاد خلتهم خصام
""""""""""""""""""""
البارحة بتكريت مذبوحة الشباب
اخوته لقابيل عملوهة اللئام
"""""""""""""""""""
فزعوا ابفزعات ذل خسة وجُبن
ذبحوا اولاد حسين ولد العمام
"""""""""""""""""""
تحت جنح الليل يتخفه الجبان
والچلب طبعه ايعوي وسط الظلام
"""""""""""""""""""
ارجعت غربان امية من جديد
وسكتت بنعيگهة صوت الحمام
""""""""""""""""""""
بالطفوف حسين غدروه العده
ذبحوا اهله وحرگّوا حته الخيام
""""""""""""""""""
سووا الما صار ابطف كربله
وحزّوا بحقد وغدر نحر الامام
"""""""""""""""""""
والجره بتكريت طف ثاني جديد
ورجعت الاشرار وانماط اللثام
"""""""""""""""""""
وذبحوا لشيعة علي زمرة يزيد
والزلم كتر الدرب طاحت حرام
""""""""""""""""""
والبعيد ايگول دمهم بالرگاب
وگلبه اسود والفعل عكس الكلام
"""""""""""""""""""
ايد ايمدهة ايصافح الشيعي چذب
وتُگطُر ايده الثانية السم الزؤام
"""""""""""""""""""
والسياسي اللي يمثلني خجول
بالارض راسه مثل راس النعام
"""""""""""""""""""
لاهو يسمع لاهو يحچي ولا يشوف
عايش بكوكب زحل ابن الحرام
"""""""""""""""""""
دم ولدنا غالي بس مو اغلى من
منصب بمجلس النواب ومقام..!!
"""""""""""""""""""
دم ولدنا مو مهم يرخص يهون
بس مهم وحدتنا تبقه اتظل تمام..!!
"""""""""""""""""""
والذبحنه انصافحه وننسى اليصار
ونعفو عنه ابأمر قائدنا الهمام..!!
""""""""""""""""""
مثل طبع النخلة شيعي وللابد
لو اموتن ابقه واگف من قيام
الشاعر الحسيني
أنيس الخفاجي
مجلة
الرواديد و الشعراء
ليست هناك تعليقات:
إرسال تعليق