قصائد مكتوبة - الشاعر ابو تراب الياسري - إستشهاد السيدة رقية عليها السلام

والله لوعندچ عَدِل انتي ينار

چا تَركتي خيمه وِحدَه للزَغار 

تُبقه بّس هاي المسيه خافَن اتنعّس رُقيه

..........................1..................................

گلّچ الرّب كوني بردَن وَسلا م

علنبي ابراهيم تچوينه حَـــــــرام

اومن حرگتي الخيمه طاوعتي اللئام

وين بالـله ارقيه هــلـــيله تِــــــنـــا م

علأقّل نص خيمه ......................لو أنتي تَركتي 

سالمه الهلطفله...................... مّن الحَرگ عِفتي

چان گلتي اتلوذ بيّه............. . خافَن اتنعّس رُقيه

چاتَر كتي خيمه وِحدَه للــــــــزَغا ر 

................................2................... 

هيّه طفله امعلمّه اتگّضي الـــليا لي

ابحضن أبوهه اوهسّه ظّل البيت خالي

أشّرّت بچفوفهه اؤصاحت تعــــــــــالي

شوفي يا عمه بِچه الليل أ عله حالـــي

جابني گلبي أ رد أگضّي...............الليل يَــــــمّــــه

أ فرِ ش ابحضنه ................. ونامن يَمّه عَـــمّه 

اشگلتي يانار الأ ذيه.......... خا فَن اتنعّس رُقــيه

چا تَر كتي خيمه وِحدَه للــــــــزَغا ر

3

الذَنب ذَنبچ . أحلام اشگد ذ بحتي

علأقل چان المَهَد عبداللـه عِــــفتي

وَي ركض زينب تمنيتچ رِ كضتي

طفله صاحت وين أنامَن آ ني وختي

ما ركضتي ليش ..............من شفتي الغَريبه

تركض الشاطي.............. النَهَر تشكي المصيبه

اتگلّه خويه اشلون بيّه........ خا فَن اتنعّس رُقيه

چا تَر كتي خيمه وِحدَه للــــــــزَغا ر

..............................4............................

اتگلّه يا عباس يا حلو المحا چي

يَل حليبك طاهِر اومَرضعَك زا چي

جيت أشكي الغُربَه وچفوفك أحاچي

وَترس الجود التبده امن البو اچي

گلب بّـت احسين…………… ياعباس ضامي

يحترگ چّن حَرگت…………. النار ابخيا مي

شبّن اوهِفتَن سويه………… خا فَن اتنعّس رُقيه

چا تَر كتي خيمه وِحدَه للــــــــزَغا ر

5

خويه وين اتنام هليله رُقـــــيــه

گوم لِفهه ابرايتك هاي المسيـــه

امدلــله تدريها ما تحمل اذيـــــــه 

شِمر يضربها اوترد الصوط هيّــه

بالچفوف الترفه..................والدّ م ايتجاره

خويه كل اگلوبنه.................الليله حـــياره

گوم حّط چفّك تچيه.............. خا فَن اتنعّس رُقــــيـــــه

چا تَر كتي خيمه وِحدَه للــــــــزَغـــــــــا ر

………………………6……………………

آ خر احچايه اويه نار الخيمه صاحــــت

ها ينار الحرگت اخيمنه استراحـــــــــت

فوگ خدها اشگد رُ قيه ادموع طا حت

گوم ودعها سبّيه اليوم راحـــــــــــــت 

اتصيح يا عمي مشيت…………..اوداعت الــــلـه 

خاف مارد من سَفِرتي …………الساتر الــــــــلـه

النار كتبت هالمنيه……………. خا فَن اتنعّس رُقيه

چا تَر كتي خيمه وِحدَه للــــــــزَغــــــا ر

والــله لوعندچ عَدِل انتي يــنــــار

الشاعر الحسيني ابو تراب الياسري

مجلة الرواديد و الشعراء