الما يبچي المصاب احسين **** المن ضام ادموعــــــه
من يذكر گطع نَــــــــــــحره**** اوخيل الرضّت اضلوعه
..........................
هيّه العين لومه احسين مايصلح نخّليها
عين الماتفيض ادمووع المَن بَعَد نجنيها
اذا تحبس مدامعها اوزينب ما تواسيها *
با چر تعتذر شتگول ... اوبالمحشر الوگفه اتطول
بين السَأَل والمسؤول بالوگفَه السؤال ايطول والاعذار ممنوعه
..........................
عين اتشوف بس حسرات اومّن النَدَ م تتوجَّــــع
اوعين اترّوي كل عطشان من ينزِل دِمَه المَدمَع
عِصرَت روحها اورادَت عبد الله الطِفِل يِرضَــــــــع
وگفَت يَّم رضيع احسين ... تنشد وين مَهدَه وين
من سِمعت ابسهم البين روّاه من دِمه المَنحَر ردّت تبچي مَفجوعه
..........................
من تضرب عَلَه راسك قامَه لوتدگ زنجــــــيل
ماتلحگ نزِف گطره من نَحر ابو اسكينه اتسيل
ولاتلحگ ركض زينب من فزعت عليها الخـــــــيل
كّل قامه التد گ عالراس ... تشبه طبرة العباس
اوصرخه اتصيح بين الناس وَجه الله اورسوله احسين واجب نهتدي ابطووعه
..........................
المفروض الدموع اتسيل مثل النهر يومــــــيه
حتى ابدال ماي الجود منهن ترتوي ارقيـــــــه
طفـــله اوللنهر تربي او تحّشم هم الك جــيه
ياعمي الجبتني اوياك ... ماخّلت اخيام اعداك
اگعد جرّد ابيمناك بتّارك يبو فاظل وجلي امن العمر رووعه
..........................
الدمعه اهناك تلگاها وام احسين تتلگاك
تگلّك هاي دمعاتَك محفوظّه اوونين ابچاك
ربّك سَجّل اعمالك و حسين الشفاعه انطاك
دمعاتك تِزيح اذنوب ... اوتحِرِگ ذنبك المكتوب
يلابني الك محبوب موضوعك دَمعة العين اوهوَّه الذَبِح مَوضوعه
الشاعر الحسيني
ابو تراب الياسري
العراق - ميسان
مجلة
الرواديد و الشعراء
ليست هناك تعليقات:
إرسال تعليق