قصائد مكتوبة - الشاعر جابر النجفي - استشهاد الجواد عليه السلام

صبري على ليل الظلم يالكاظميه === نادي الأمام المنتظر إبن الزﭽيه

نادوا الأمام المنتظر ياشيعه بالنــــــوح == ينهض يشوف الفاجعه وإيداوي الجروح

للكاظميه إبهمـّته خل ﻳﮔصد إيروح == يحضـــــر مآتم شيعته راعي الحميه

يحضر مآتم شيعته من فعل الأشرار == وإحنـَه ننــادي ياهـَلــَه يلـــّه يبو الثار

يلــّه يبن حيدر علي ما ظلــّت أعذار == عاثـــــــــــوا فساد إبكـُل كتر هالناصبيه

عاثوا فساد إبكـُل كتر يانبعة الخير == ما بيــن تفجير إو قتل ما بين تهجير

ما بين تشريد إو سبي ما بين تكفير == واجهنـــــــــــه يالمهدي الدجل والجاهليه

واجهنه يالمهدي العدو وإبهمــّة إحسين == لا ما نهــــــــادن ناصبي ما عنده أي دين

سيرتهم الشر والغدر ذوله الشياطين == واجـــــــــب نجاهدهم يبن حامي الحميه

واجب نجاهد ما نذل وإنواجه الشر == نتحـــزّم إبغيـــــــرة علي مولانه حيدر

وإنحــرّر اﻠﮔــاع إبعزم همـّتنه تكبر == نلعـــن يزيد إو زمرته إو كـُل آل أميـّه

نلعن يزيد إو زمرته إو كل الدواعش == وإنزيـــــل كل مجرم قذر بوهامه طايش 

وإيظل أملنه بالنصر ويــّانه عايش == نتنطــّر المهـــــــــدي إبن سيد البريه

الشاعر الحسيني 

جابر النجفي 

مجلة 

الرواديد و الشعراء